-Belleyel-
Hindi ko namalayang nakatulog na pala ako nang maalimpungatan ako, nagtataka na nakahiga na ako sa isang malambot na kama. Ang naalala ko nalang ay malapit nang maghapon, nagmamaneho pa rin si Icell sa kung saan.
Kinusot ko ang mata ko at bumangon mula sa pagkakahiga. Ibang bahay na rin itong kinalalagyan ko ngunit base sa nakikita kong puno na nakikita sa bintana ko ay malayo-layo na ito sa cebu. Wala na nga yata sa cebu yung huling bahay na tinuluyan namin.
Umalis ako sa kama at nagtungo papunta sa pintuan. Nang mabungaran ko sa labas ng kwarto na kinalalagyan ko ay maliit lamang ang bahay dahil isa lamang ang kwarto at pagkalabas ko sa naturang kwarto ay kusina at living room na ang makikita. Nasa gilid lamang ng kusina ang bathroom. At maliban sa lahat ng parte ng bahay a
