CHAPTER 10
RIS VELVET POV
Hanggang ngayon, si Erra pa rin ang laman ng puso’t isip ko, kahit ilang taon na rin ang lumipas simula noong una ko siyang makita. Parang kahapon lang nang makilala ko siya—isang simpleng araw pero naging dahilan para mag-iba ang pananaw ko sa pag-ibig. Love at first sight? Oo, siguro nga gano’n ang naramdaman ko. Kabababa ko pa lang noon sa board exam at kakapasok ko lang sa station, puno ng mga pangarap at ambisyon. Tapos, bigla siyang sumulpot. Kahit parang lalaki ang kilos, hindi maikakailang siya ang unang babaeng nakaagaw ng pansin ko.
Nang malaman kong siya na ngayon ang security detail ng kuya kong si Nosgel, may parte sa akin na nainis. Alam kong walang kasiguruhan sa nararamdaman ko, pero bakit parang ang bigat-bigat sa dibdib tuwing nakikita ko sila
