Evere’s POV
"Evere, extra plate daw sa table six."
Tumango lang ako sa kasamahan kong server ng marinig ang sinabi niya. Mag – a-anim na buwan na rin akong nagta – trabaho sa isang maliit na coffee shop dito sa Ortigas magmula ng umalis ako sa Lafayette. Pinutol ko ang lahat ng komunikasyon sa mga taong may kaugnayan kay Paeng. Kahit ang bestfriend ko na si Sara ay hindi alam kung nasaan ako. Tanging si Nana Conching lang ang kinokontak ko para malaman ko ang kalagayan ni Raffie. Pero nitong nakaraang buwan, hindi ko na siya matawagan. Nakapatay na ang telepono niya.
Inilapag ko sa table ang extra plate na hinihingi ng customer. Paalis na lang ako ng marinig kong may tumawag ng pangalan ko.
"Evere?" tonong naniniguro iyon.
Sinino ko ang lalaking tumawag sa akin na nakaupo sa kabilang
