Evere’s POV
Hindi ko alam kung paano ko ipapaliwanag isa – isa sa mga kasamahan ko sa Lafayette ang nangyari sa akin ng nakaraang anim na buwan. Lahat sila ay gulat na gulat ng dumating ako doon para dalawin sila. Lahat sila ay maraming tanong. Kung nagkabalikan na daw ba kami ni Paeng. Kung ilang buwan na daw ang tiyan ko. Kung sino daw ang tatay. Kung hindi na daw ba ako aalis. Pakiramdam ko ay nasa isang interview ako at kailangan kong sagutin ang bawat tanong nila.
"Share mo naman, Evere. Ang tagal – tagal mong nawala. Miss na miss ka namin," sabi ni Rosie at yumakap pa sa akin.
"Mamayang gabi na lang tayo magkuwentuhan. Baka magalit na naman ang boss 'nyo. Alam 'nyo naman 'yun," natatawang sabi ko. Nauna lang kasi akong ihatid ni Paeng dito tapos ay dumirecho siya sa Jo
