"Hindi yata ngayon pumasok ang love of my life mo," nakangising biro ng kaibigan ko.
Pipingutin ko sana ang tainga nito ng mabilis itong nakaiwas habang natatawa.
"Oy, apektado siya. Namiss mo?" Pang-aasar nito.
"Isa pa!" Sabay irap dito.
Inakbayan naman ako nito habang nakangiti.
"Nagpapamiss lang 'yon!"
"Wala naman akong pakialam," wika ko.
Ngunit sa kaibuturan ng puso ko, nagtataka ako kung bakit hindi na naman ito pumasok.
Hindi pa rin ba magaling ang paa nito?
"Baka natauhan na iyon." Napalingon naman ako rito.
"Oh, bakit ganiyan reaksyon mo, bes? Takot ka no?!" Ngising-ngisi ang pagmumukha nito.
"Ewan ko sa iyo!" Sabay hakbang ng mabilis upang mapag-iwanan ito.
Isang malakas na tawa naman ang pinakawalan nito. Lakas talaga ng tama eh!
Alas sais ng hapon.
Sunod-sunod na
