Wala ako sa sarili ng magising pero bumangon pa rin ako dahil kailangan kong pumasok para magturo. Sandali akong natigilan nang makita ang sariling repleksyon ng mukha sa salamin. Maga ang mga mata ko at hulo-gulo ang buhok.
Sa pagkakatanda ko ay halos ganito rin ang hitsura ko noong unang araw matapos akong iwan ni Fred. At ngayon na bumalik siya ay unti-unting bumabalik sa akin ang sakit ng nakaraan.
Nagsimula na akong magluto ng almusalan namin ni Crisha pero isa lang ang tumatakbo sa utak ko ngayong umaga –si Fred.
"Crisha, anak gising na." mahinang bulong ko habang tinatapik siya sa balikat.
Nakatatlong tapik pa ako sa balikat niya bago siya tuluyang magising.
"Nay bagay po kayo nung gwapong lalaki kagabi. Parang gusto ko siyang maging tatay." kwento ni Crisha habang kumakain ka
