Sa tagal ng pamamalagi ni Alexandra sa kaniyang kwarto hindi niya namalayan na malapit na palang sumapit ang hapunan nila. Bagamat, may inis na nararamdaman si Alexandra kay Cameron, pinili na lamang ng dalaga na ikalma ang kaniyang sarili, lalo na't alam niyang walang magandang maidudulot kung paiiralin niya ang galit na namumutawi sa kaniyang puso. Kasabay nito ay narinig na lamang ni Alexandra ang mahihinang katok na nagmumula sa labas ng kaniyang kwarto. Kaagad namang bumungad sa kaniya ang nakangiting si Nanay Ising habang nababakas sa mukha ng matanda ang matinding pag-aalala sa kaniya. Gusto mang magsumbong ni Alexandra kay Nanay Ising kagaya nang palagi niyang ginagawa noong bata pa siya, mas nanaig na lamang sa puso ng dalaga na sarilinin ang hinanakit na nararamdaman niya kay Cam
