Papunta na sana si Alarick sa restaurant kung saan sila manananghalian nang bigla na lamang may sumagi sa kaniyang lalaki. Nainis man sa ginawang pagkakasagi sa kaniya ng lalaki pinili na lamang ni Alarick na balewalain ito, lalo na’t hindi pa rin mawala sa isip niya ang pinag-usapan nila ni Alexandra. Sa isang iglap lamang para bang bigla na lamang siyang nalinawan sa bagay na matagal na niyang inaalam kung ano nga ba ang katotohanan. Ganoon na lamang ang pangungunot ng noo ni Alarick nang mapagtanto niya kung saan patungo ang lalaking bigla na lamang sumagi sa kaniya, kung kaya’t nagpasiya ang binata na sundan nang palihim ang taong kahina-hinala ang kilos. Muli na namang napakunot ang noo ni Alarick nang mapansin niya na sa rest house nina Alexandra at Cameron patungo ang lalaki. Sa isa
