Isang nakabibinging katahimikan ang namayani sa kwarto ni Camilla nang makaalis sina Cameron at Alexandra. Habang pinagmamasdan ni Camilla ang mag-asawang nasa harapan niya hindi maiwasan ng dalaga na magtaka sapagkat hindi niya akalain na alam ng mga ito na nasa ospital siya. Hindi naman nakaligtas sa paningin ni Camilla ang kakaibang emosyon na bumakas sa mata ni Roselia bagay na ipinagtaka lalo ng dalaga. Isama mo pa rito na para bang maluha-luha sa harapan niya si Roselia na para bang may pinagsisisihan itong nagawa. Samantalang ang asawa naman nitong si Zed ay tahimik lamang sa isang tabi ngunit hindi nawawala sa mukha ng lalaki ang matinding kaseryohan. Kung kaya’t isang pagtikhim muna ang pinakawalan ni Camilla bago kausapin ang hindi niya inaasahan na panauhin.
“Naparito po kayo,
