Sa pagmulat ng mata ni Alexandra, kaagad na napakunot ang noo ng dalaga nang mapansin niyang nasa hindi siya pamilyar na kwarto. Sa hindi malamang dahilan kaagad na binalot ng kaba ang puso ng dalaga nang mapagtanto niyang wala siya sa kwarto nila ng binata, kaya naman hindi maiwasan ni Alexandra na mas lalong makaramdam ng kaba sa kaniyang puso sa isiping nasa panganib na naman ang buhay niya. Kaagad din na nalanghap ng dalaga ang simoy ng hangin na para bang amoy dagat ang paligid. Hanggang sa makarinig na lamang siya ng paghampas ng alon na siyang ipinagtaka lalo ng dalaga. Kung kaya’t walang sinayang na oras si Alexandra at mabilis na bumangon mula sa kaniyang pagkakahiga. Masakit man ang kaniyang katawan dahil sa mainit na tagpo na pinagsaluhan nila ni Cameron pinilit pa rin ng dalaga
