SUNSET
Sa isiping pupuntahan ako ni Mr. Trevino ay kaagad akong bumangon sa kama at dumiretso sa banyo para maligo.
Natigilan ako ng napagtanto ko na suot ko pala pauwi ang long sleeve na pinasuot sa akin ni Ryker. Namalayan ko na lang ang sarili na nakangiti ng maalala ko ang ginawa niya bago ako lumabas sa banyo, hanggang sa natagpuan ko ang sarili na hawak ang noo ko.
Nakakatuwang isipin na hindi naman pala niya dinadaan sa pagiging agresibo ang lahat ng bagay. Pero napapaisip pa rin ako kung bakit kakaiba ang naging kilos niya kanina.
Hindi ako inaabot ng trenta minutos sa paliligo pero parang sumobra yata ako ngayon. Dalawang beses din ako nag-toothbrush na hindi ko naman gawain.
Nang magbibihis na ako ay pinili ko ang damit na kaaya-ayang tingnan sa mata ni Mr. Trevino. Syem
