البارت العاشر

3291 Words

الباب اتفتح ودخل سعيد ووراه الباشا زين بصله مش مستوعب الى شايفه قدامه الباشا قرب من زين : زين باشا اخيرا شرفت زين بصدمه : انت !!!!!!مستحيل ..انا مش مصدق عنيا الباشا : لا صدق بتحصل كتير ولا انت مابتشوفش افلام قديمه زين لسه باين عليه الصدمه : طيب ليه ؟ومن امتى وانت كده!! الباشا راح قعد على الكرسى قدام زين وحط رجل على رجل: ليه ايه بضبط !!!قصدك يعنى ليه بقيت تاجر م**رات !! يعنى تقدر تقول بنتقم زين بستغراب : بنتقم من مين !! من شباب متعرفهمش اصلا الباشا قام وقرب منه مسكه من هدومه : بنتقم من كل واحد عنده ابن ومش محافظ عليه وسايبه لحد لما يضيع !! بحرق قلب كل ام مش واخده بالها من ابنها ومش محسساه بحنيه ورمياه لخدامه تربيه عرفت بنتقم من مين زين بزعيق : ليييه الناس عملتلك ايه الباشا بصله بتوه: معملوش حاجه انا الى عملت سيبت ابنى لحد ماراح منى ومات زين استغرب اكتر : مات !! امتى هو مش المفروض عايش بره الباشا ضحك قوى ضحكت وجع : مانا كنت بكذب فى دى كمان ! ابنى حسام مات من خمس سنين عارف مات ازاى اوفر دوووز عارف معناها زين بصدمه : كان مدمن !! الباشا راح قعد تانى : اه كان مدمن ولا انا ولا امه عرفنا الى بعد ما مات عارف ليه زين بدا يحس انه مش طبيعى ابدا الباشا كمل : علشان كنا سايبنوا للخدامه تربيه ولا كنا حتى بنسال عليه كان كل همنا الشغل والمظهر والشكل الاجتماعى وبس لحد ماراح بس انا اخدت حقه زين : من مين !! خدت حقه من ناس ملهاش ذنب قتلت كام شاب زى ابنك حرقت قلب كام ام الباشا بزعيق : يستهالوا علشان عملوا زى سابوا عيالهم علشان الفلوس زين : انت مجنون بدال ما تدور على مين الى خلا ابنك يدمن وتبلغ عنه روحت اشتغلت زيهم الباشا : مين قالك ان ماخلصتش منه ده اول واحد خلصت عليه (ضحك باستهزاء )وبعدين اخدت مكانه وبقيت اكبر تاجر م**رات فى مصر وعمر ماحد شك فيا اصل هيشكوا ازاى فى ?الحاج طلعت ? الراجل التقى بتاع ربنا زين : ومعتز طبعا كان يعرف ان انت الراجل الكبير طلعت بحزن : تعرف ان معتز ده اكتر واحد كنت بحبه من بعد حسام ابنى ويوم مانت بلغت حاولت احذره واتصلت بيه ميت مره والغبى كان قافل تليفونه وملحتش اعمل حاجه واتقبض عليه كنت ناوى اهربه قريب بس كان خلاص قرب ينهار ويعترف عليا فملقتيش قدامى غير انى اخلص عليه وبعتله الى يقتله!!(وبصله بغل ) وانت السبب علشان كده كنت عايز اخلص منك بس الغ*يه مراتك فدتك بنفسها زين اتعصب : اخرس متجبش سيرتها على ل**نك زين لقى بو** فى وشه من جعفر الى واقف جنبه ويادوب هيناوله التانى طلعت شاورله كفايه ليليان جايلها زهول من الى سمعاه وعماله تعيط وزاد عياطها بض*ب زين زين بوجع من الض*به : اوعى تكون فاكر نفسك ذكى وهتعرف تهرب بسهوله من كل الى عملته تبقى غبى طلعت ضحك قوى : والله مافى اغبى منك علشان انا هخلص عليك وهاخد الموزه دى واسافر بره بعييييد قبل مالنهار يطلع ويلاقوا جثتك ومحدش هيعرف مكانى تانى ابدا اصل انا محول فلوسى كلها بره وبعت الشركه كمان يعنى مش هيبقالى هنا ولا حاجه حتى الغ*يه مراتى طلقتها مانا كنت عايش معاها منظر بس هااا ايه رأيك مين فينا الغبى زبن ضحك قوى لدرجه ان طلعت بصله واستغرب وليليان بطلت عياط وبصتله طلعت زعق فيه : بتضحك على ايه ياحيوان زين سكت بصعوبه : عليك !! اصل دايما الغبى مفكر نفسه اذكى الناس وفى الاخر بيقع على بوزه طلعت بصله وبدا يقلق : ومين بقى الى هيوقعنى انت بعد ماتموت انشاء الله روحك هطلع وتبلغ عنى ليليان عقلها حس انها سمعت كلمه روحك دى قبل كده بس مركزتش كتير وانتبهت لزين الى ضحك تانى وطلع من جيب قميصه ميكرفون صغير ورماه لطلعت طلعت مسكه ومش فاهم : ايه ده انشاء الله ايه اغنيلك زين ومازال بيضحك : لا مانت غنيت خلاص واعترفت بكل حاجه انت عملتها طلعت عينه برقت وبص لسعيد ورجع بص لزين : ازاااى!! ولمين زين :لمين للبوليس !! وازاى هقولك علشان تعرف انك غبى اوعى تكون فاكر انى سافرت ونسيت حق ملك !! لو فات مليون سنه كنت كده كده هاخد حقها بس كنت برتب بالراحه علشان اوصل للراس الكبيره طلعت واقف مبرق ومستنى يسمع الباقى وزين كمل : من بعد مابلغت والبوليس كان شاكك فيك بس الشهاده لله انا ماكنتش شاكك فيك ابدا وقولت استحاله الراجل الطيب ده يعمل كده بس انت بغبائك شككتنى فيك من يوم مابعت عربيه تراقبنى فلاش باك زين لاحظ ان كل لما ينزل فى عربيه وراه وطول ماهو فى البيت العربيه واقفه قدام البيت اتصل على الرائد ايمن الى ماسك قضيه ملك زين : الو سياده الرائد انا زين جوز ملك الله يرحمها ايمن : اه فاكرك اخبارك ايه ياستاذ زين زين : الحمد لله ..بس انا فى حاجه كنت عايز اقولك عليها بما انك قولتلى لو فى حاجه شاكك فيها كلمنى ايمن ': خير زين : فى عربيه طول الوقت مرقبانى ومبتتحركش من قدام البيت الا وريا ايمن : قصدك ان الكلام الى قولته فى التحقيق انك انت المقصود مش ملك صح والناس فعلا لسه وراك وعايزين يخلصوا منك زين : اكيد انا قولت لسيادك من يومها ان اكيد معتز والى وراه ليهم يد فى موت ملك ايمن : يااستاذ زين مافيش اى دليل قدامنا ومعتز معترف على نفسه وعمره ما هيوصنا للراجل الكبير ابدا الناس دى عامله حسابها لكل حاجه زين : طيب وبعدين ايمن بتفكير : انا هبعتلك ناس من عندى تراقبهم وبدال ماهما الى يراقبوك الوضع يتع** زين : وبعدين ايمن : هنصبر لحد لما نشوف اخرتهم ايه بس ياريت نقدر نوصل للراجل بتاعهم زين : تمام وانا هبقى معاك بالتليفون لو فى جديد عندى وبعد المكالمه دى بقى بينهم اتصالات كتيرلحد تقريبا مابقوا اصحاب وعدى طول الفتره الى كان فيها ظهور ليليان فى حياته لحد ما اتخ*فت واتصل بطلعت وقاله ان معتز مات قفل معاه وكلم ايمن : الحقنى يا ايمن ليليان اتخ*فت ايمن : اتخ*فت !! امتى وازاى زين : العربيه الى خبطتت ملك عدت قدمها والى فيها شادوها وجريوا اعمل ايه انا هتجنن ايمن بقلق: طيب حد كلمك زين : لا محدش كلمنى وكان عندى امل فى معتز بس مات اخر امل مات ايمن استغرب : انت عرفت منين انه مات زين : الحاج طلعت الى قالى بتسال ليه ايمن عنيه وسعت : انا كنت شاكك فى الراجل ده بس هو كان مامن نفسه ومافيش دليل عليه بس الظاهر ان لكل مجرم هفوه زين بعدم فهم : يعنى ايه انا مش فاهم ايمن : محدش يعرف ان معتز مات خالص من بره الدخليه زين بصدمه : قصدك ايه انتوا مانشرتوش الخبر يعنى الحاج طلعت هو الى ورى كل ده وهو الى قتل ملك !!! ايمن : اكيد اومال عرف منين ان معتز مات دا حتى اهله معرفوش كنا مخبين لحد مانعرف مين وراها لان الطبيب الشرعى اكد انه اتقتل مش انتحر زين : طيب هنعمل ايه ايمن : خليك مستنى اكيد حد هيتصل بيك وفعلا اتصلوا بيه ورجع القاهره وكلم ايمن وهو فى الطريق عرفه ايمن : كويس قوى احنا محتاجين اعتراف من طلعت علشان نقدر نقبض عليه زين : طيب مايمكن يخلص عليا من غير مايشوفنى ايمن : ماعتقدش عموما احنا معاك انا هقابلك فى جمرك القاهره علشان الى وراك ميشكوش وهشوف الرخص وهد*ك معاها ميكروفون تحطه فى جيبك ومعاه جى بى اس علشان ابقى وراك انا والقوه زين بقلق: انا اهم حاجه عندى ليليان تخرج سليمه ياايمن ايمن : خير انشاء الله متقلقش زين وصل بيته وقعد مع ياسين وحكاله كل حاجه وعطاله رقم ايمن زين : ده رقم ايمن لما انزل اتصل بيه وتابع معاه لحد لما نخلص واذا جرالى حاجه توصل ليليان لابوها ياسين بخوف : بعد الشر عنك انا مش موافق على الى انتى هتعمله ده زين : مش هنوصل لليليان الى لما اروح معاهم ولازم نلاقى دليل على طلعت ياسين : لا لا لا انت كده بترمى نفسك فى النار وممكن يخلص عليك من بعيد من غير مايدخل ساعتها هتعمل ايه زين: ماتخفش ايمن معايا ومعاه قوه وانشاء الله هيحصل الى احنا عايزينه....... باك طلعت بدا يعرق ومش فاهم حاجه بس حس انه وقع : يعنى ايه انت كنت عارف ان انا الى ورى كل حاجه طيب ازاى وانت كنت متفاجئ لما شوف*نى دلوقت زين ضحك : يارجل مش لازم اقنعك انى مصدوم و اجرجرك فى الكلام علشان تعترف وفجاه دخل ايمن والقوه الى معاه بعد ماتعاملوا مع الرجاله الى بره قبضوا على سعيد الى الصدمه لجمته وعلى جعفر ايمن رفع مسدسه : سلم نفسك ياطلعت اعترافك معايا وخلاص اللعبه خلصت من غير تفكير طلعت طلع مسدسه فى لحظه وصوب على ليليان : انا مش هموتك واريحك انا هحرق قلبك عليها طول العمر وفى لمح البصر قام زين بالكرسى المربوط فيه ورمى نفسه على ليليان وخرجت رصاصه من مسدس طلعت فى ص*ر زين ورصاصه من مسدس ايمن فى دماغ طلعت وقع ميت كل ده حصل فى لحظه ليليان سرخت لما زين وقع عليها غرقان فى دمه ايمن جرى عليهم فكهم ليليان رفعت راس زين على رجلها وبصت لايمن بدموع : اسعااااف بسررررعه وبصت لزين : زين فوق والنبى اوعى تموت زين رد عليا زبن فتح عنيه واتكلم بالعافيه : انتى كويسه ليليان بدموع : لا مش كويسه ياسين دخل يجرى عليه زى المجنون ودموعه نزله: زين جرالك ايه رد عليا ياحبيبى زين بص لياسين : خلى بالك منها ووصلها لعم حسن وقله انى عند وعدى ياسين : انت الى هتوصلها بنفسك وهتوفى بوعدك زين بص ليليان : انا بحبك قوى يا لى لى وغمض عنيه فقد الوعى ليليان بصتله بزهول مش مصدقه الى هيا فيه وحسه انها فى دوامه ياسين بقى يصرخ وهو بيقتم الجرح بايده : فين الاسعاف اخويا هيروح منى الاسعاف وصل اخيرا ونقل زين المستشفى بين الحيا والموت ياسين اتصل بابوه واول ماعرف اجى جرى على المستشفى وسعاد معاه الى جريت على ياسين بدموع : اخوك فين اخوك راح خلاص ياسين : اهدى ياحبيبتى والله هيبقى كويس احمد : هو فين يابنى ياسين : فى العمليات ياحاج ادعيله احمد قلبه هيقف من الخوف : يارب قومه بالسلامه يارب انا ماليش غيرك خليك جنبه وراعيه برحمتك احمد انتبه على ليليان الى قعده فى وادى تانى مش دريانه بحاجه ومش سامعه الى صوت زين وهو بيقولها ( انا بحبك قوى يالى لى ) بص لياسين يساله بعنيه هى دى ياسين شاورله اه غمض عنيه بوجع على ابنه الى الفرحه حالفه ماتعيش معاه شويه وخرجت الممرضه تجرى عليهم : محتاجين دم بسرعه ومافيش فصيلته فى المستشفى ياسين راح عليها بلهفه : انا نفس الفصيله Oسالب الممرضه: اتفضل معايا احمد سالها قبل ماتمشى : حالته ايه يابنى طمنينى الممرضه: هو نزف دم كتير والرصاصه فى منطقه حيويه ربنا يستر ادعيله (وجريت مع ياسين تاخد الدم ) سعاد لما سمعت قعدت على الارض وعياطها بقى نحيب وليليان نفس الحاله عياطها بيزيد ياسين خلص ورجع وقف مكانه تانى شويه وتليفونه رن كان عم حسن : ايوا ياعم حسن انت وصلت عم حسن : ايوا يابنى انتوا فين ياسين : قدام اوضه العمليات عم حسن : انا جاى عليكم اهو قفل معاه ودقايق كان وصلهم ليليان جريت عليه حضنته وبعياط: زين يابابا فدانى بنفسه انا خايفه قوى عم حسن مش عارف يفرح بينته الى رجعت حضنه ولا يحزن على زين طبطب عليها : متخافيش يابنى هيبقى كويس ربنا معاه وهيقومه بالسلامه عم حسن اقعد ليليان وراح سلم على ياسين وراح على احمد سلم عليه : متخافش يابو زين هيبقى كويس انشاء الله زين راجل وعمره ماضر حد ربنا مش هيسيبه ابدا احمد بدموع : يارب ينجيه ويعافيه ليليان بصت على سعاد الى ماكنتش شيفاها اصلا وقربت عليها قومتها من على الارض وراحت على الكرسى قعدتها عليه وفضل حضنها ومش عارفه توسيها ولا تواسى نفسها عدى وقت كبير عليهم مش عارفين قد ايه لحد مالقوا باب العمليات بيتفتح وزين خارج على السرير والدكتور وراه كلهم جريوا عليه لحد مادخل العنايه والدكتور منعهم يدخلوا احمد وقف قصاده : طمنى يابنى حالته ايه الدكتور : الحمد لله احنا قدرنا نطلع الرصاصه ونوقف النزيف هو بس محتاج ملاحظه ال٢٤ساعه الجايه لحد منطمن عليه وبعيد ننقله اوضه عاديه ياسين برجاء: يعنى مافيش خطوره عليه يادكتور الدكتور : انا مش هكدب عليك الرصاصه كانت جنب القلب باقل من ميلى واحنا عملنا الى علينا المهم قوة تحمله وعموما انشاء الله خير عن اذنكم الدكتور مشى وهما فضلوا قدام اوضه العنايه شويه ياسمين وماماتها وصلوا سلموا على كلهم وياسمين راحت لياسين : هو عامل ايه دلوقت ياسين :الدكتور قال لازم يفضل فى العنايه ٢٤ساعه لحد مايطمن انه كويس ياسمين : انشاء الله هيبقى كويس وهيقوم بالسلامه ياسمين لاحظت ليليان الى بتعيط فى حضن ابوها : مين دى ياياسين ياسين : بعدين هقولك مش وقته ياسمين سكتت وراحت على ماماتها الى بتحاول تهدى حماتها ليليان قامت من حضن ابوها وراحت وقفت قدام الاوضه دموعها نزلت اكتر وهى شيفاه قدمها من الازاز نايم وص*ره ملفوف واجهزه كتيره متوصله بيه وفضلت تسال نفسها : حبتنى امتى يازين علشان تضحى بنفسك علشانى انا حاسه بقلبى عارفك بس عقلى مش فاكرك قوم يازين قوم علشان خاطرى انا حاسه انى غرقانه ومش لقيه البر وانت الى هتخدنى لبر الامان فضلت واقفه اكتر من تسع ساعات قدام الاوضه ومرضتش تتحرك ولا تاكل ولا تشرب احمد صعبت عليه قام قرب منها يحاول معاها تقعد حتى شويه : يابنتى تعالى ريحى شويه لسه قدامه ٣ساعات كمان كده هتقعى من طولك ومش هتقدرى تبقى جنبه لما يفوق ليليان بصتله وفعلا بدات تدوخ راحت معاه وقعدت وخدت من ياسمين عصير بالعافيه الكل كان بيتعامل معاها وهما مش عارفين هى مين بس واضح انها تعرف زين لانها هتموت عليه سعاد قامت وراحت لياسين وشوشته : مين دى يابنى واخوك مين عمل فيه كده وليه ياسين : دى ليليان ياماما وموضوع زين كبير قوى هاحكيلك عليه بعدين لما اطمن على زين سعاد : يعنى هو يعرفها من زمان ياسين : من بعد ماسافر بفتره وقبل ماتسالى تانى اه بيحبها سعاد سكتت وراحت قعد تانى عدوا ال٢٤ساعه والدكتور دخل يطمن عليه وخرج كلهم وقفوا قدامه الدكتور ابتسم : الحمد لله الخطر زال وهيبقى كويس انشاء الله احمد بفرحه : يعنى هيفوق خلاص وهيبقى كويس الدكتور : اه ياحاج هيبقى كويس بس هيفوق امتى على حسب استجابته وانشاء الله مش هيطول وبمجرد مايفوق هننقله اوضه عاديه عن ازنكم ليليان رجعت تانى لوقفتها وعنيها على زين بتترجاه يفوق شويه الممرضه دخلت تديله العلاج ليليان جريت عليها وبتكلمها بعياط : لو سمحتى ممكن ادخله خمس دقايق بس بالله عليكى الممرضه صعبت عليها بس خايفه تتجازى: الدكتور مانع الزياره عنه والله غصب عنى ليليان عياطها زاد : والله ماهتاخر خمس دقايق بس وهخرج قبل ماحد يحس الممرضه مش عارفه ترفض قدام عياطها : طيب بس والنبى خمس دقايق وانا هقف اراقب لحسن الدكتور يرجع ليليان فرحت ودخلت جرى لبست الواقى وقربت من سرير زين مسكت ايده وقربت عليه : زين انا ليليان انا عارفه انك سامعنى قوم بقى والنبى طمنى عليك علشان خاطرى اوعى تتاخر علينا كلنا مستنينك تفوق وترجع لينا تانى زين انا اه مش عارفاك ومش فاكره انا شوفتك قبل كده ولا لا بس انا كمان حاسه انى قلبى جواه حاجه كبيره ليك وكفايه انك كنت هتموت علشانى اوعى تسبنى لو حصلك حاجه انا هموت وراك الممرضه دخلت : كفايه كده الله يخليكى علشان انا متاذاش ليليان بصتلها ورجعت بصت لزين : متتاخرش عليا يازين ولسه هتسيب ايده وتمشى لقته مسك ايدها وتشبس فيها ليليان رجعت بصت عليه بلهفه : زين انت فوقت وبصت للممرضه : مسك ايدى والله هو كده فاق رجعت بصت عليه تانى لقته بيفتح عنيه بالراحه واول كلمه قالها اسمها ليليان قربت منه ومابقتش عارفه تعمل ايه من فرحتها : زين انت كويس زين ابتسم واتكلم بالعافيه : اهم حاجه انتى كويسه حصلك حاجه ليليان بدموع فرحه : انا كويسه بدال انت بقيت كويس وبصت للممرضه : ممكن تنادى الدكتور تقوليله ان زين فاق الممرضه : حاضر بس اطلعى انتى علشان مايتكلمش معايا وهو كده كده هيتنقل اوضه تانيه عاديه ليليان بصت لزين : انا هسيبك واطلع عبال ماتتنقل الاوضه التانيه وهرجعلك زين شاور براسه بالراحه خرجت ليليان فرحانه وقالتلهم ان زين فاق الكل فرح واول ما اتنقل على اوضه عاديه الكل دخله سعاد راحت قعدت جنبه وماسكه ايده وبدموع : كده يازين توجع قلبى عليك زين طبطب على ايديها : حقك عليا ياماما غصب عنى والله احمد : خلاص بقى ياسعاد الحمد لله انه بخير سيبه ابنك مش قادر يتكلم ياسين قرب منه : الف سلامه عليك يازين انا كنت حاسس ان روحى بتطلع بس الحمد لله عدت ياسمين : سلامتك يازين الف سلامه زين : الله يسلمكم الحمد لله جت سليمه عم حسن : حمد الله على السلامه يازين يابنى زين : الله يسلمك ياعم حسن الامانه رجعتلك اهى زى ماوعدتك بس مش هتفضل معاك كتير ليليان ات**فت ووشها احمر من العيون الى كلها ركزت معاها عم حسن : انت لو طلبت عنيا ماتغلاش عليك يازين كفايه انك رجعتهالى مرتين ليليان استغربت وبصت لابوها وقالت فى نفسها : مرتين!! قصده ايه بابا يمكن قصده لما لحقنى من الخ*ف اول مره زين بس لابوه : بابا روحوا ارتاحوا بقى كفايه عليكم كده وخد عم حسن وليليان معاك دى بقالها يومين مخطوفه واكيد تعبانه خاليها تنام وترتاح سعاد : خدهم ياحاج وروح انا هبات معاه مش هسيبه زين خلها تقرب منه : يعنى ينفع ياسعاد الناس جايه من بلد تانيه وتعابنين تسبيهم من غير اكله حلوه والبت الغلبانه الهفتانه دى هيغمى عليها والله سعاد غمزتله وبوشوشه : البت الغلبانه ياسوسه بقى رايح تحب فى اسكندريه وسايبنى هنا هموت من القلق عليك زين ضحك وحط ايده على جرحه مش قادر يضحك : مين الى قالك بابا ولاياسين سعاد برقت : هو ابوك كمان عارف وانا اخر من يعلم (وبصت لاحمد الى بيتكلم مع عم حسن ومش واخد باله ) ماشى يااحمد لما اروحلك زين مسك ايدها : خلاص بقى ياست الكل علشان خاطرى سعاد ابتسمت : ماشى ياحبيبى علشان خاطرك انت بس المهم تقوم بالسلامه زين : طيب ياحبيبتى روحوا ارتاحوا وخالى بالك منها ياماما شكلها تعبانه دى لسه قايمه من غيبوبه سعاد خبطت على ص*رها : ياضنيا يابنتى ليه يازين كان مالها وانت مين الى عمل فيك كده انا مش فاهمه حاجه ياسين قرب : مش قولتلك انا هحكيلك كل حاجه بس مش وقته روحى مع الناس وانا هبات مع زين يالا زين : ياسين روح ريح انت كمان عل ياسين قاطعه: ماتحاولش انا هبات معاك وفى سرير اهو هريح عليه زين سكت وسعاد قامت راحت ليليان : يالا يابنتى علشان ترتاحى شويه ونيحى الصبح نطمن عليه ليليان بصت على زين مش هاين عليها تمشى وتسيبه ولحد اللحظه دى مش مصدقه انه كان هيموت علشان هى تعيش احمد اخد عم حسن وسابقهم وسعاد خرجت ولليليان لسه هتمشى زين ناده عليها راحتله ياسين غمزله و قاله هيوصل ياسمين ويرجع ليليان قربت منه : عايز حاجه اعملهالك زين مسك ايدها قعدها جنبه : انتى كويسه حاسك تعبانه ليليان ابتسمت : انا كويسه طول مانت كويس انا بس مش متخيله لحد دلوقت انك فادتنى بنفسك زين ابتسم : علشان بحبك مستعد اموت وانتى تعيشى ليليان استغربت : حبتنى امتى يازين انا فوقت من الغيبوبه لقيتك جنبى معقول حبتنى وانا فى الغيبوبه زين : وليه لا !! حد يشوف الملاك ده قدامه وميحبوش ليليان : ازاى تحب واحده متعرفش عنها اى حاجه زين : اقولك الحقيقه !! ليليان: ياريت زين : حلمت بيكى !! ليليان: انت بتهزر صح زين : لا مش بهزر انا عشت معاكى اجمل حلم ممكن احلمه فى حياتى ليليان: وعرفت ان انا فى غيبوبه منين زين حاول يهرب منها مسك ص*ره وغمض عنيه خافت عليه وقربت منه : زين انت تعبان اجبلك الدكتور زين : لا بس تعبت من الكلام ليليان : انا اسفه نسيت ان الكلام يتعبك خلاص نام شويه علشان ترتاح زين : انتى كمان انزلى زمانهم مستنينك تحت روحى ارتاحى ومتتاخريش عليا الصبح ليليان قامت : حاضر مش هتاخر سلام زين فضل عنيه عليها لحد ماخرجت غمض عنيه وقال لنفسه : اقولك ايه بس اذا كنتى مش فاكره حاجه هقولك الى حصل ازاى خليها ماشيه كده وخلاص المهم انك معايا ياسين دخل وسمعه بيكلم نفسه : انا كده هقلق عليك هى وصلت انك تكلم نفسك زين ضحك : الحب بهدله ياخويا ياسين قرب قعد جنبه : هى لسه مفتكرتش حاجه زين : لا بس مش مبطله اسئله ياسين. : طيب احكلها انت زين بصله قوى : اقولها ايه روحك كانت معايا طول مانتى فى الغيبوبه وعلشان كده حبيتك لا ياسين خليها لحد ماتفتكر لوحدها ياسين : ولو مافتكرتش زين : مش مهم المهم انها معايا وهتبقى مراتى ياسين: طيب ممكن تنام شويه علشان جسمك يرتاح زين : ماشى بس قوم نام انت كمان تصبح على خير ياسين : وانت بالف خير *****************

Free reading for new users

Scan code to download app

App Store Google Play

Facebookexpand_more