البارت الثانى

1778 Words

سعاد : قوم يااحمد انت حاول معاه يمكن يرضى انا عملتله اكل خفيف اهوا احمد بحزن : انا قلبى وجعنى مش قادر اشوفه كده قوم انت ياياسين يابنى هو روحه فيك يمكن يرضى ياكل منك ياسين : حاضر ياحاج قام ياسين اخد الصنيه من امه ودخل واول مادخل الصنيه وقعت منه ووقف مسهم امه وابوه جريوا يشوفه فى ايه لما سمعه الصوت احمد : فى ايه ياسين ااااايه ده دخلت سعاد واول مابصت على زين صرخت بصوتها كله : اااااابنى زين كان مرمى على الارض مش بيتحرك ووشه اصفر جريت عليه سعاد وقعدت جنبه على الارض رفعت راسه تحاول تفوقه واما مافقش صرخت فى ياسين الى واقف مسهم ودموعه نازله على اخوه سعاد بصريخ ودموع: تعالا ياياسين شيل اخوك نايمه على السرير واجرى هات الدكتور اتحرك ياياسين انت واقف تتف*ج عليه لما يموت احمد رفع زين مع ياسين : روح يابنى هات دكتور رافت جارنا بسرعه بسرعه يا ياسين جرى ياسين جاب الدكتور وبعد اقل من عشر دقايق رجع بيه دخل رافت كشف على زين وبص لسعاد : هو ماكلش من امتى ياحاجه سعاد سعاد بدموع: بقاله يومين مش راضى يحط لقمه فى بوقه هو ماله يادكتور احمد بسرعه : قولى يارافت ابنى ماله رافت : متقلقش يااحمد هو بس ضغطه واطى خالص وسكره عالى سعاد شهقت وض*بت على ص*رها: يالهوى سكر ابنى جاله سكر ياحبيبى يابنى ياحرقه قلبى على الى جرالك رافت : اهدى ياحاجه سعاد هو ممكن يكون سكره عالى من الزعل بس ومجرد ما يهدى يضبط انا هاديله حاجه تنزل السكر وتعالى الضغط وانشاء الله هيبقى كويس بس لازم ياكل مينفعش يفضل كده ياسين : والله يادكتور قلبى وجعنى معاه بس هقول ايه الى هو فيه مش هاين ابدا ومافيش حد يستحمله رافت : الله يرحمها ويصبر قلبه بس الى هو بيعمله فى نفسه ده مش هيرجعها دا بالع** بيعذبها احمد : هنعمل ايه قضاء الله ولا راضه لقضائه الحمد لله على كل حال رافت : خد ياياسين هات العلاج والمحاليل دى نحاول نعوض جسمه شويه اخد ياسين منه الورقه ونزل جرى جاب الحاجه ورجع الدكتور علق لزين المحاليل وحقن فيها العلاج وفضلوا جنبوا طول الليل تانى يوم زين بدأ يفوق وفتح عنيه بص حوليه لقى ياسين جنبه نايم على الكرسى نده عليه بصوت تعبان : ياسين ياسين ياسين قام مفزوع : زين مالك ياحبيبى تعبان ولا حاجه حاسس بايه زين : اهدى ياياسين انا الحمد لله كويس انت نايم كده ليه ايه الى حصل ياسين : دخلت امبارح عليك لقيتك مرمى على الارض ووشك اصفر جبتلك دكتور رأفت كشف عليك كان ضغطك وسكرك مش مضبوطين فضل قعد معايا جنبك لحد الصبح بس مشى بدرى علشان عنده مستشفى زين اتن*د وغمض عنيه ودموعه نزلت: ياريتك سبتنى اموت يمكن اقدر اكون معاها هى وابنى!!! ياريتك سيبتنى ياياسين ياسين قرب عليه واخده فى حضنه : بعد الشر عنك يازين متقولش كده ياحبيبى انا مقدرش اتخيل ان اعيش فى الدنيا دى من غيرك انت اخويا وصاحبى وكل حاجه ليا زين رد عليه وصوته كله قهره وجع : مش قادر ياياسين حاسس ان قلبى وجعنى قوى حاسس انى بتخنق مش عارف اكمل فى غيرها ازاى وانا السبب فى موتها انا السبب ياسين بعده عن حضنه : يازين متقولش كده ده عمرها وقضاء ربنا حتى لو منزلتش فى اليوم ده كان هيحصل اى حاجه وتموت برده زين بغل: لا ياياسين الى قتلها كان قصدى وهى فادتنى ياسين مكنش عايز يقوله ان هو كان المقصود علشان ميزودش وجعه ورد عليه بتوتر: مين قال الكلام ده ده ده تلاقيه سواق سكران ولا لسه بيتعلم زين بصله قوى : انت ياياسين عارف ومتاكد انى انا كنت المقصود بس بتشيل الحمل من عليا انا شوفت العربيه كانت معلهاش نمر و كانت قصدانى علشان كده ملك جريت عليه زقتنى وماتت مكانى ياسين : ومين بس يازين هيكون عايز يأزيك انت عمرك ماعملت حاجه وحشه فى حد زين : عملت!! عملت ياياسين منعت جريمه كانت هتحصل فى ناس ملهاش زنب بس الى مش قادر اعرفه مين ورا الناس الى اتقبض عليها وكانوا شغالين مع مين هما اعترفوا على نفسهم بس الناس دى اصغر من انهم يقوموا بكل المصايب دى ياسين استغرب اخوه بيتكلم على ايه : انت بتقول ايه يازين مصايب ايه وناس مين انت عملت ايه زين : هحكيلك ياياسين قاطعتهم سعاد وهى داخله : زين ياحبيبى عامل ايه النهارده ياقلب امك زين ب**ره : الحمد لله ياماما سعاد : الحاج طلعت الرشيدى بره يازين جاى يعزيك ادخله ولا هتطلع انت زبن قام بالعافيه من على السرير وكان دايخ : لا انا طالع ياماما ياسين قام بسرعه سنده: يازين انت مش قادر خليك انت وهخليه يدخلك زين حاول يفوق نفسه : لا انا طالع عيب الراجل يجى وانا مطلعش وفعلا طلعله واول ما الحاج طلعت شافه قام راحله وخده فى حضنه: البقاء لله يابنى شد حيلك زين من كتر الوجع الى حاسس بيه والحزن الى باين على ملامحه شكله كان يصعب عل الكافر : الدوام لله ياحاج الحاج طلعت بزعل عليه : متعملش فى نفسك كده يازين ده قضاء ربنا ونسيبها زين بصله وسكت وشويه قاله : معلش ياحاج انا كنت عايز اخد اجازه قاطعه طلعت : اكيد يازين خد اجازه لحد ماتبقى كويس ووقت ماتتحسن مكانك محفوظ زين : ربنا يخليك ياحاج بس انا عايز اجازه سنه بدون مرتب طلعت بصله واستغرب : سنه !! ليه يازين سنه كتير قوى انت يابنى لازم تشتغل وتخرج نفسك من الخزن طب دانا كنت عايزك تزل بعد اسبوع تقولى سنه زين : معلش ياحاج انا مش هقدر اشتغل دلوقت خالص وبعدين انا مسافر طلعت : مسافر فين بس يابنى وانت كده زين : معلش ياحاج سامحنى محتاج ارتاح فتره ووقت مااحس انى قادر اشتغل هرجع على طول طلعت استسلم قصاد اصراره : خلاص يازين الى يريحك (وقام من مكانه ) استاذن انا شد حيلك زين قام بالعافيه : الشده على الله مع السلامه ياحاج مشى الحاج طلعت صاحب الشركه الى زين شغال فيها طلع ياسين قعد جنب زين : انت مسافر صحيح يازين ولا بتقوله كده زين ريح راسه لوره: اه ياياسين مسافر ياسين قام وقف : هتروح فين بدال ماتبقى وسطنا ونبقى جنبك فى الظروف دى تقولى اسافر وهتروح فين انشالله زين : هسافر اسكندريه ياياسين محتاج ابقى لوحدى (وغمض عنيه بوجع ) ملك كان نفسها نروح انا وهى بس ملحقتش ياسين قلبه وجعه قعد جنبه وطبطب على كتفه : طيب هاجى معاك مينفعش تبقى لوحدك مش هنبقى مطمنين عليك زين : مش هينفع تسيب شغلك وبعدين هو انا صغير ياياسين وصدقنى لو حصل اى حاجه هتصل بيك على طول خلاص ياسين: خلاص يازين الى يريحك اعمله بس مطولش هناك وانا هحاول اخد اجازه واجى قعد معاك كام يوم سعاد طلعت تنادى عليهم : يالا يازين الغدا جاهز هاتوا وتعالا ياياسين زين قام : لا ياحاجه مليش نفس انا داخل اريح شويه سعاد جريت عليه ودموعها نزلت : والله يازين لو ماجيت اكلت معانا لكون مخ**اك ولا عمر ل**نى يخاطب لاسانك ابدا زين بسرعه : خلاص ياحاجه خلاص متحلفيش انا جاى اهو راحوا كلهم وقعدوا يتغدوا فى **ت حزين قطعه زين : انا مسافر بكره الصبح سعاد واحمد بصوله واحمد اتكلم : رايح فين يابنى انت هترجع الشغل وانت تعبان كده زين : لا ياحاج مش مسافر شغل انا مسافر اسكندريه هقعد هناك فتره سعاد شهقت : ازاى يازين هتقعد لوحدك وانت مش قادر تقوم حتى من على السرير انت يابنى غاوى توجع قلبى عليك وخلاص زين : ياماما انا محتاج افضل لوحدى شويه وهرجع تانى احمد : طيب يابنى ماتروح تعقد فى شقتك شويه اهو هتبقى لوحدك بس معانا فى نفس البلد نروح ونيجى عليك زين قلبه وجعه لما افتكر شقته هو وملك وقد ايه كانوا مبسوطين فيها : لا ياحاج مش هقدر اعيش فيها تانى مقدرش اعيش فيها من غير ما ملك تكون فيها احمد بحزن على ابنه : خلاص يازين الى انت عايزه اعمله سعاد لسه هتتكلم قاطعها احمد : خلاص ياسعاد سيبه يريح كام يوم وهيرجع هيروح فين يعنى زين كمل كلامه وهو حاسس بتقل على ص*ره : انا هقوم اروح البيت عندى اجيب شويه حاجات وهاجى مش هتاخر ياسين قام : انا جاى معاك (لسه زين هيعترض) ومافيش اعتراض يازين انا جاى معاك هات الى انت عايزه وانزل معايا يلا زين قام نزل هو وياسين وصلوا شقته الى قضى فيها اجمل ايام حياته واول مادخل غصب عنه دموعه نزلت وافتكر يوم ماقلتله انها حامل قعد على الكنبه الى قعدها عليها لما داخت وملس بايده مكان ماكانت قعده واتكلم كانها قدامه ودموعه نزله: وحشتنى قوى ياحبيبتى كده برده تسبينى لوحدى وتمشى طيب كنتى خدينى معاكى قلبى مش قادر يستحمل بعدك طيب قوليلى اصبر على فراقك ازاى ياسين قرب عليه وطبطب على كتفه: كفايه يازين كفايه انت كده بتعذبها ادعلها ربنا يرحمها زين مسح دموعه وقام دخل اوضه نومه وياسين استناه بره حب يسيبه شويه لوحده دخل زين بص حوليه وراح فتح دولابها وملس بايده على فستان فرحها وافتكر يوم دخلتهم وقد ايه كان طاير من الفرحه فلاش باك دخل زين شايل ملك وهى متعلقه فى رقبته ومخبيه وشها فى ص*ره من ال**وف زين نزلها ووقف يبصلها والسعاده باينه جدا فى عنيه : هى حبيبتى م**وفه ولا ايه ملك بصت للارض ومردتش عليه زين قرب قوى ورفع وشها وحاول يخليها تنسى **وفها : بحبك وهفضل احبك لحد مانشيب انا وانتى وعيالنا حولينا وانتى سنانك تبقى وقعه وتقوليلى بوش يازين العياى عامين ايه ملك ضحكت بصوتها كله : انا كده بنص ل**ن مش سنانى وقعه يازين زين رفع ايده على خدها وبص فى عنيها : مش مهم المهم انى افضل جنبك على طول وافضل احبك على اى وضع ملك تاهت معاه من لمسته ليها ردت عليه بهمس : انا كمان بحبك قوى ومش عايزه من الدنيا اكتر من انك جنبى جوزى وحبيبى زين قرب مره واحده وحضن شفايفها بشفايفه مكانش قادر يبعد عنها كان زى العطشان الى مصدق لقى الميه وعايز يروى عطشه منها بيعد شويه ياخد نفسه الى ضاع منه بص عليها لقها مغمضه عنيها قرب تانى من شفايفها وحضنها قوى وهى اتجوبت معاه رفعت ايدها حولين رقبته تقربه منها لما حس بحركتها فى شعره النار قادت فيه اكتر نزل سحابت فستانها وسابه يقع وشالها راح بيها على السرير و..... فاق زين على صوت ياسين : زين اتاخرت كده ليه خلصت ولا لسه زين بصله بتوهان : اه اه ثوانى اجيب باقى الحاجه فى الشنطه وننزل زين اخد هدومه وكل الحاجه الى ممكن يحتاجها وقرب من برواز فى صوره ليه هو وملك اخده حطه فى الشنطه قفلها ونزل روح هو وياسين الصبح قام زين اخد شنطه وودع اهله ونزل ركب عربيته وراح على اسكندريه يبعد فيها عن كل الناس ___________________ فى مكان تانى داخل يخت باين عليه الفخامه وقف الباشا كبير العصابه يتكلم بغيظ وعصبيه : بقولك سافر ومش هيرجع دلوقت سعيد : يعنى ايه ياباشا هنسيبه خلاص كده الباشا : اصبر ياسعيد موضوع مراته يهدى ونشوف هنخلص منه ازاى سعيد : طيب ايه رأيك اسافر وراه واخلص عليه هناك الباشا بتفكير : لا ياسعيد انا مش عايز يبان فيها شبه جنائيه انا عايزها تبقى انتحار ويقوله ياعينى مقدرش يبعد عن مراته وموت نفسه وراها سعيد : دماغك عاليه قوى ياباشا الباشا : اومال دماغ حمار شبهك دى دماغ متكلفه كتييير قوى الصبر بس لما الاقى الوقت المناسب وهلقيه قريب قوى قوى ........

Free reading for new users

Scan code to download app

App Store Google Play

Facebookexpand_more