البارت الاول

1572 Words

الفراق ..اصعب احساس ممكن نحسه فى حياتنا وخصوصا لو كان فراق حبيب ساعتها الدنيا بتبقى كل حاجه فيها مره ومفيش حاجه ممكن تغير مررتها مهما عملنا .... بدات الحكايه بصوان كبير جواه ناس كتيره قعده حزينه وواقف فى اول الصوان شاب مادد ايده يستقبل العزا وهو فى دنيا تانيه مش عارف ولا فاهم ايه الى بيحصل حواليه ولا قادر يصدق ان العزا ده عزا ايامه الحلوه وفرحه قلبه حبيبته ومراته الى ماتت بين ايده قرب عليه راجل كبير فى السن باين عليه الحزن : زين ..زين يابنى زين بصله وكانه فى دنيا تانيه : هاا بتكلمنى يابابا الحاج احمد بحزن على حالة ابنه : اه يابنى اطلع ريح شويه انت واقف على رجلك من الصبح وانا واخوك ياسين هنكمل العزا مكانك ياسين كان واقف جنبهم بص لاخوه الى منظره يقطع القلب : ايوا يازين اسمع كلام الحاج واطلع ريح شويه الناس اصلا نصها مشى زين مردش عليهم ياسين بص لابوه يحاول معاه تانى : زين ياحبيبى الى انت بتعمله فى نفسك ده حرام وملك عمرها ما هترتاح فى نومتها طول مانت كده زين سامع كلامهم بس مش مركز فى اى حاجه ولا شايف الا مراته الا غرقانه دم بين اديه وافتكر كلامها وهى خلاص بتموت ملك وهى خلاص بتموت والكلام بيطلع بالعافيه : زين اا نا بح بك قوى كا ن ن فسى افض ل جنبك بس مش مك تبلى خليى باا لك من نف سك واب عد عن النننناس الى عاي زه تاز يك انا خا ومكملتش كلامها وروحها طلعت للى خلقها وسابت روح تانيه محطمه بمعنى الكلمه فاق على صوت ابوه الى عمال يتكلم وزين بيبصله وبص : يازين يابنى متوجعش قلبى اطلع ريح شويه فوق زين : لا ياحج انا واقف فى عزا مراتى مش هرتاح فى حته الا هنا انت عايزها تزعل منى الحاج احمد بقله حيله : طيب على الاقل قعد بدال الوقفه دى زين قعد علشان يريح ابوه وسرح تانى فى اليوم المشؤم الى قلب حياته جحيم .... فلاش باك زين دخل ينادى على ملك : ملك يالوكه انتى فين يابت خرجت ملك من المطبخ مبوزه : انا بت ياسى زين ماشى شوف مين بقى الى هتكمل طبيخ زين قرب عليها حضنها : دانتى ست البنات كلهم ياقمرى عاملك مفاجاه حلوه ملك بفرحه : ايه هى قول زين :ادفعى الاول انتى هتضحكى عليا ولا ايه ملك قربت منه وباسته بسرعه على شفايفه : اهو قول بقى يالا زين رفع حاجبه : انتى بتضحكى عليا ياملك ايه دى البوسه بتبقى كده وقرب منها مره واحده يوريها يعنى ايه بوسة حبيب وبعد شويه بعد وبيحاول ياخد نفسه : هى دى البوسه الصح ملك مغمضه عنيها وهى سانده جبينها على جببنه وقالتله بهمس: انا كل يوم بحبك اكتر من اليوم الى بيعدى مش عارفه كمان كام سنه هوصل لايه زين بنفس الهمس : اكيد مش اكتر مانا بحبك دانا بستنى الساعه تجرى فى الشغل علشان اجيلك واخدك فى حضنى وانسى الدنيا ملك : ربنا بخليك ليا ياحبيبى زين : ويخليكى ليا ياقلب زين ملك : مش هتقولى ايه هى المفاجاه !! زين : بما انى صاحى جدا فى عملى واكتشفت المصيبه الى حكتلك عنها قبل ماتحصل فصاحب الشركه قرر ترقيتى مدير عام على المهندسين والمسئول عن كل المشروعات فى الشركه ايه رئيك بقى فى المفاجاه دى ملك بفرحه : بجد يازين الف مب**ك ياحبيبى بس انا مفاجاتى احلى بكتيييير زين : هو فى مفاجاه احلى من كده ؟قولى ياستى ملك : اترجانى شويه زين قرب منها ولف ايده حوليها قربها منه قوى : بس كده دانا بحب اترجاكى قد عنيا ملك بسرعه وهى بتضحك : لا خلاص هقولك من غير ماتترجانى زين بزعل : ليه كده بس بتقطعى رزقى ليه ملك بحب : بالع** دانا جيبالك احلى رزق من عند ربنا زين بصلها مستنيها تكمل وقلبه بيدق جامد ملك بابتسامه : انا حامل يازين زين بفرحه : بجد ياملك قولى والله ملك ضحكت جامد : والله حامل والاختبار اهو زين شالها ولف بيها وهو بيهيس : حامل هبقا اب مش مصدق كله كده فى يوم واحد الحمد لله ملك مغمضه عنيها: كفايه نزلنى دوخت والنبى يازين زين نزلها بسرعه : انا اسف ياقلبى معلش تعالى اقعدى ارتاحى اجبلك عصير ولا حاجه ملك مسكت ايده قعدته جنبها : لا مش عايزه غيرك قولى بقى نفسك فى ولد لا بنت زين : كل الى يجيبه ربنا خير ورزق المهم تقوموا بالسلامه تعالى بقى ياستى بمناسبه الاخبار الحلوه دى أخدك افسحك وأغد*كى بره ملك : والاكل الى انا عملاه خلينا هنا وخلاص زين : ياستى مش مهم خليه لبكره يالا قومى البسى ملك قلبها مقبوض مش عارفه ليه : بلاش يازين والنبى خلينا فى البيت زين **م عليها تقوم : يالا بقى ماتبقيش **وله ملك : امرى لله حاضر وفعلا اخدها ونزل راحوا اتغدوا وبعدها اتمشوا شويه زين شاف محل ايس كريم على الجنب التانى من الشارع زين : بقولك ايه خليكى هنا هعدى اجيب ايس كريم انا عارف انك بتحبيه وهجيلك على طول ملك قلبها اتقبض قوى وقبل ماتقوله لا بلاش كان بيعدى الشارع بصت لقت عربيه متفيمه اسود ومعلهاش نمر جايه ناحيه زين بسرعه جدا جريت عليه وهى بتصرخ : زززززين حاسب حااااسب زقت زين وقع على الارض وهو مش فاهم فى ايه بص حوليه لقى الناس ملمومه قام جرى لقها وقعه على الارض وغرقانه فى دمها قعد على ركبه وهو حاسس بضياع شال راسها وخدها فى حضنه ودموعه مغرقه عنيه ملك بصتله وهى خلاص بتموت والكلام بيطلع بالعافيه : زين اا نا بح بك قوى كا ن ن فسى افض ل جنبك بس مش مك تبلى خليى باا لك من نف سك واب عد عن النننناس الى عاي زه تاز يك انا خا زين بيهزها وهو بيصرخ: مللللللك قومى ياحبيبتى قومى ياملك ليه عملتى كده!!! ليه انتى !!كنتى سبينى انا اموت ليه تروحى انتى وابنى الى لسه مكبرش فى بطنك انا السبب يارتنى سمعت كلامك يارتنى مانزلتك اااااااااه ياااااارب ملللللللللللللك..... فاق من زكرياته على صوت المقرأ وهو بيصدق وبيطلب الفاتحه وشويه الصوان بقى فاضى وهو مكانه مش عايز يتحرك قرب عليه ياسين اخوه واقرب حد ليه فى الدنيا ياسين : زين يالا ياحبيبى معدش فى حد كلهم مشيوا زين بصله وقام معاه من غير ولا كلمه طلعه على اوضه ونايمه على السرير وهو زى التائه خرج ياسين ودموعه نزله على حال اخوه بص لولدته : ماما معلش حاولى تاكليه اى حاجه دا ماكلش من الصبح سعاد ودموعهامش بتقف : من الصبح ايه يابنى دا ماكلش من ساعت الى حصل بقاله يومين مادقش اكل انا خايفه يحصله حاجه ماتدخل تكلمه ياحاج هو بيحبك يمكن يسمع منك الحاج احمد بقهره على ابنه : يسمع منى ايه دا لا سمعنا ولا شايفنا ومافيش كلمه على ل**نه غير انا السبب انا السبب سعاد دموعها بتزيد : وبعدين انا خايفه يعمل فى نفسه حاجه ياسين : لا ياماما زين ميعملش كده ابدا بس الى هو فيه مش قليل ابدا على اى واحد مابالك انتى عارفه كان بيحبها ازاى والى زود المصيبه عيله انها كانت حامل سعاد شهقت وخبطت على ص*رها : اااايه حامل كمان ياقلبى يابنتى الله يرحمها ويغفر لها وانت عرفت منين ياياسين منه ياسين بوجع على اخوه : منه ايه ياماما هو اتكلم كلمه من ساعتها عرفت من تقرير الطبيب الشرعى اثبت انها كانت حامل فى شهر وان سبب الوفاه **ر فى الجمجمه مضاعف ونزيف داخلى نتيجه صدمه العربيه ليها الحاج احمد: لا حول ولاقوة إلا بالله ان لله وان اليه راجعون الله يرحمها ويصبر قلبك يابنى محدش شاف العربيه الى عملت الحادثه ياياسين ياسين : لا ياحاج العربيه جريت بسرعه بس الى لمحها قال ان مكنش عليها ارقام بس واضح انها مقصوده سعاد: يعنى ايه مقصوده ياسين كانوا قاصدين يموتها طب ليه دى عمرها ما ازت حد هيموتها ليه و مقطوعه من شجره لا ليها حد ولا تعرف غيرنا ياسين مش عايز يتكلم قدام امه خايف عليها بص لابوه الى فهم انه عايز يقوله حاجه : قومى انتى ياحاجه اعملى لقمه وحاولى تاكليه سعاد : حاضر يارب يرضى ويريح قلبى قامت سعاد واستنوها لما دخلت احمد بص لابنه : فى ايه ياياسين ومين الى بتقول عليه مقصود ياسين: لما روحت اشوف التحقيق وصل لايه الضابط الى ماسك القضيه قال ان كاميرات المراقبه الى قدام المحلات هناك بعد مرجعتها شافوا ان العربيه كانت قصده ياسين وملك جريت زقته بس ملحقتش نفسها والعربيه خبطتها احمد بخوف : قصدق ان اخوك فى حد عايز يقتله ____________________________ وفى مكان تانى جوه مخزن مهجور صوت قلم سمع فى المكان كله ض*به واحد باين عليه الهيبه والقسوه لراجل من رجلته : غبى انا قولتك اقتله هو مش مراته الراجل : ياباشا والله كان بينى وبينه متر بس هى الى زقيته ووقفت مكانه الراجل الكبير ض*به قلم تانى : علشانك غبى مكنتش عارف تستنى لما يكون لوحده اعمل ايه بموت مراته ااااه الراجل بخوف : متقلقش ياباشا بكره ولا بعده بالكتير قوى هجبلك اجله والصوان الى عملينه لمراته هيبقى ليه الباشا طلع مسدس من جيبه وصوبه على الراجل وقاله: انت خلاص جربت مره وانا عندى المره بفوره وطلعت الطلقه فى دماغه مات فى ساعتها الباشا نده على واحد تانى من رجلته الباشا : سعيد تعالا هنا اجى سعيد بخوف : اامرنى ياباشا الباشا : تاخد الجثه دى ترميها فى الميه مش عايزها تقب تانى سامعنى سعيد : امرك ياباشا عنيا وراح ينفذ كلامه ووقف الباشا باصص قدامه بغل وبيقول لنفسه : اقسم بالله ماهسيبك لو اخر نفس فيا مش هتفلت منى ابدا يازين الكلب ____________________ فى بيت زين سعاد عملت الاكل وطلعت لاحمد سعاد : قوم يااحمد انت حاول معاه يمكن يرضى انا عملتله اكل خفيف اهوا احمد : انا قلبى وجعنى مش قادر اشوفه كده قوم انت ياياسين يابنى هو روحه فيك ياسين : حاضر ياحاج قام ياسين اخد الصنيه من امه ودخل واول مادخل الصنيه وقعت منه ووقف مسهم امه وابوه جريوا يشوفه فى ايه لما سمعه الصوت احمد : فى ايه ياسين ااااايه ده دخلت سعاد واول مابصت على زين صرخت بصوتها كله : اااااابنى

Free reading for new users

Scan code to download app

App Store Google Play

Facebookexpand_more