البارت الثامن

3513 Words

ليليان بدأت تفتح عنيها بالراحه بصلها وابتسم : حمد الله على السلامه يالى لى ليليان فضلت بصاله قوى وساكته وبعد شويه كتير قالتله : انت مين !!!!!! زين بصلها بيحاول يستوعب الى فهمه صح ولا من كتر خوفه متهياله انها مش عارفاه مفقش الى على ليليان الى من خوفها بدات تترعش ووشها اصفر قام من جنبها بالراحه ووجع الدنيا فيه لقى عم حسن داخل يجرى عليها يحاول يهديها عم حسن: اهدى ياحبيبتى مالك مافيش حاجه تخافى منها الموضوع انتهى ليليان بخوف وبتشاور على زين : مين ده يابابا كان قاعد جنبى ليه عم حسن سكت واتفاجأ هو كمان : انتى مش عارفاه يابنتى ليليان : لا هعرفه منين زين بصلها بوجع وقهره : انتى مش فاكره اى حاجه خالص !!! ليليان حاسه انها تعرفه بس مش فاكراه : بابا هو انا اعرفه منين انا مش فاكراه عم حسن لسه هيقولها زين سبقه : انا الى جبتك المستشفى بعد ماتخبطى ليليان بتحاول تفتكر : اه هو انت الى كنت واقف بالعربيه زين بقهره : اه انا !! ليليان : انا متشكرا قوى انك لحقتنى (وبصت لابوها ) هو انا من امبارح نايمه يابابا عم حسن بص لزين مش عارف يقولها ايه زين رد هوه : اه من امبارح نايمه وكنا قلقانين عليكى بس الحمد لله بقيتى كويسه ليليان ابتسمت : هو حضرتك معايا من امبارح زين خلاص جاب اخره نفسه يصرخ فيها ويقولها ازاى مش فاكرانى ولا فاكره حبى ليكى بس متكلمش : اه هنا من امبارح ليليان : انا اسفه انى عطلتك ومتشكره مره تانيه زين حاسس انه ضايع مش عارف يعمل ايه : العفو استاذن انا جرى على بره وعم حسن وراه ليليان بصتله قوى وقلبها وجعها مش عارفه ليه عم حسن طلع وراى زين لانه حاسس بيه : استنى يابنى رايح فين زين عنيه مدمعه بس رافض انه ينزل دموعه : هروح محتاج ابقى لوحدى شويه عم حسن طبطب على كتفه : بالراحه يازين هتفتكر كل حاجه بالراحه انت شايف حالتها عامله ازاى زين : كان قلبى حاسس انها مش هتفتكرنى من ساعت مافاقت وكنت بكدب نفسى واقول لا اكيد قلبها هيفتكر بس الظاهر كنت غلطان عم حسن: زين لو بتحبها بجد اصبر عليها وحتى لو مافتكرتش قلبها حاسس بيك بس هى مشوشه شويه من الى حصل وانشاء الله هتفتكر وكل حاجه هتبقى كويسه زين : انشاء الله هبقى اطمن عليها منك سلام دلوقت زين نزل مش عارف ولا حاسس بحاجه مشى فى الشارع يكلم نفسه : هو انا ليه حظى كده ليه كل ماقلبى يحب اخسر الى بحبه وكأن مكتوب عليا افضل لوحدى !! بس ملك سابتنى غصب عنها لكن ليليان هسبها ناسيه وابعد وخلاص ...ازاى !! ازاى هستحمل ان بعد كل ده ان كل واحد فينا يبعد وينسى وصل البيت ولسه عمال يكلم نفسه اول لما دخل وقف عند الباب يبص على البيت وكل ركن فيه وقف نده عليها : ليليان انتى هنا دخل قعد على اول كنبه وساب دموعه الى حبسها تنزل ***************** عند ليليان رجع عم حسن بعد مازين مشى وقعد جنبها عم حسن: الحمد لله انك بقيتى كويسه ليليان ابتسمت : حبيبى يابابا مش عارفه ليه حاسه انى بقالى كتير ماشوفتكش عم حسن غير الكلام : قوليلى ياحبيبتى مش جعانه اجبلك حاجه تكليها ليليان : لا يابابا مش جعانه قولى يابابا هو زين ده انا اعرفه قبل كده عم حسن : ليه ياحبيبتى بتسالى ليه ليليان سرحت : مش عارفه حاسه انى شوفته قبل كده واتكلمت معاه بس مش عارفه فين عم حسن : مش عارف يا لى لى يمكن تعرفيه او شوفتيه فى مكان قبل كده ليليان اول لما قالها لى لى بصتله قوى وحست ان الاسم ده مش غريب عليها : لى لى انت جبت الاسم ده منين عمرك ماقولتلى لى لى ده قبل كده عم حسن بلوم : بدلعك يا لى لى بلاش فرحان انك بقيتى كويسه ليليان دماغها هتنفجر هى سمعت الاسم ده قبل كده بس مش عارفه من مين ابوها حس انها بدات تتعب سابها وراح يجيب الدكتور دكتور اسامه دخلها : ها مرضيتنا القمر عامله ايه دلوقت ليليان حاسه بصداع من كتر التفكير : مصدعه قوى مش عارفه ليه (وبصت للدكتور ) هو انا مش المفروض اتعورت لما وقعت اسامه : اه فعلا الجرح كان حوالى اتنين سم بتسالى ليه ليليان حطت ايدها على جبنها : اومال ليه مافيش اسر للجرح ده اسامه بص لعم حسن وحاول يغير الكلام بس نيلها اكتر : اومال فين خطيبك شكله بيحبك قوى كان هيموت عليكى وانتى تعبانه ليليان استغربت : خطيبى !! انا مش مخطوبه (بصت لابوها )قصده ايه يابابا اسامه قال يمشى علشان ميلبخش اكتر وغمز لعم حسن يطلع وراه : طيب انا هروح اشوف المريض الى لسه جاى وهبقى ارجعلك خرج وعم حسن وراه : هى مش المفروض مخطوبه ولا فى ايه عم حسن مش عارف يقوله ايه : هى يعنى مش مخطوبه بس عم حسن سكت ومش عارف يقوله ايه اسامه حس انه مش عارف يتكلم يقول ايه : طيب انت حاسس انها تمام ولا فيه مشكله عم حسن : المشكله حاليا انها فاكره انها هنا من امبارح بس اسامه : انا قولتكم ان الفتره دى معدتش عليها وواحده واحده هنقولها يعنى نخلى فتره الغيبوبه اسبوع لحد ماتبقى كويسه ونقولها الحقيقية عم حسن : ربنا يسهل أنا هدخلها وربنا يسطر عم حسن دخل واول لما دخلها : بابا هو كان قصده ايه بخطيبى وليه مردش عليا لما سالته على الجرح عم حسن قعد جنبها ومتردد : ليليان ياحبيبتى انتى بقاله فتره كنتى فى غيبوبه وعلشان كده الجرح خف ليليان سهمت : فتره قد ايه يابابا عم حسن مش عايز يكدب عليها بس مضطر : اسبوعين ليليان برقت : اسبوعين علشان كده حاسه انى بقالى كتير مشفتكش طيب ليه دخلت فى غيبوبه هو الجرح كان جامد كده عم حسن : اه الخبطه كانت جامده شويه ليليان : طيب مين خطيبى الى قصده عليه عم حسن : مافيش اصله شاف زين كتير هنا ولما سأل انا قولتله خطيبها علشان اريح نفسى من الاسئله ليليان : وليه قولت كده عم حسن جاب اخره : فى ايه يابت انتى عماله تستجوبينى بدال ماتيجى فى حضنى وانتى وحشانى ليليان ابتسمت وحضنته قوى بس برده عقلها شغال وبتسال نفسها ميت سال ___________________ عند زين من ساعت مادخل البيت وهو متحركش من مكانه وعمال يفكر يعمل ايه يروح يقولها على كل حاجه ولا يستنى يمكن تعرفه وتفتكر طيب لو ماافتكرتش يعمل ايه حس انه هيجنن شويه تليفونه رن كان عم حسن رد عليه بسرعه : الو ايوا ياعم حسن فى جديد عم حسن : هرتنى اسئله عنك وعن فتره الغيبوبه ومابقتش عارف اقولها ايه زين بلهفه : سالتك عنى قالتلك ايه عم حسن : قالتلى انها حاسه انها تعرفك واتكلمت معاك بس مش عارفه فين زين : هو ممكن تعرفنى وتفتكر كل حاجه عم حسن : انشاء الله بس لازم تفضل قريب منها علشان تساعدها تفتكرك زين بامل : حاضر نص ساعه وهاجى عم حسن : ماشى يابنى هستناك زين قفل معاه وكله امل ان ليليان حبيبته ♥️ تفتكره قام غير هدومه وضبط نفسه ونزل يروحلها ********************* عوف كان واقف مراقب زين زى العاده وشاف زين وهو نازل من المستشفى وشكله حزين لاول مره من زمان جرى يحاول يعرف اى حاجه وفعلا عرف ان ليليان فاقت بس استغرب هو زين كان زعلان ليه رجع العربيه واتصل بالباشا : الو ايوا سعاتك الباشا : ها فى جديد ولا متصل ترغى عوف : فى جديد ياباشا البت الى زين لازقلها فاقت من الغيبوبه الباشا : وبعدين استفتدت ايه انا عوف : اسمعنى ياباشا من شويه لقيت زين نازل زى الى عايز يعيط ولما سالت عرفت ان البت فاقت الباشا استغرب : طيب وهو زعلان ليه كده لما هى فاقت عوف :مش عارف ياباشا الباشا :طيب اقفل دلوقت قفل فى وشه وبص لسعيد : الموضوع ده بوخ قوى ياسعيد سعيد : انا قولتلك اتحرك واخلص عليه قولتلى استنى الباشا بتفكير : لا هتتحرك خلاص بس هتعمل الى هقولك عليه سعيد : اؤمرنى سامعك الباشا : اسمعنى كويس ونفز الى هقولك عليه بالحرف وقعد الباشا يقوله على خطته ****************** زين وصل عند ليليان ووقف قصاد الباب ولسه هيخبط دكتور اسامه نده عليه زين : ايوا يادكتور خير فى حاجه ليليان كويسه اسامه ابتسم : متقلقش انا بس محتاج اتكلم معاك تعالا معايا المكتب دخلوا المكتب وقعدوا اسامه اتكلم : انت عارف ان حاله ليليان تعتبر حاله نادره جدا انا كنت متابع مع دكتور ماجد ولان حالتها مكنتش مفهومه زين : يعنى ايه مكنتش مفهومه اسامه : يعنى واحده مافيهاش اى مشاكل فى اعضائها الحيويه ومبتفوقش من الغيبوبه مكناش قادرين نعرف السبب زين :. حضرتك انا مش فاهم انا مطلوب منى ايه اسامه : احنا عايشين نتعلم ياستاذ زين من الحالات الى بنشوفها وممكن حالت ليليان تتكرر تانى علشان كده محتاج افهم كل حاجه زين باستغراب : حاجة ايه يادكتور الى محتاج تفهامها اسامه : بصراحه انا حاسس ان فى حاجه غامضه فى الموضوع ده حاجه مربوطه بيك وبيها ومش قادر اسكت فضولى ان اعرف زين بصله وفهم هو عايز ايه بس ياترى لو عرف هيصدق اصلا : بس يادكتور اسامه فى حاجات العقل ممكن ميستوعبهاش ولو اتقالت ممكن توصل للجنون اسامه انتبه قوى : انا صحيح دكتور بس درست فى حاجات كتيره ومؤمن ان فى خوارق تفوق مستوى العقل زين بتردد : انا هحكيلك على الموضوع كله بشرط اسامه : اتفضل قول زين : لو صدقت كلامى الموضوع هيبقى سر بينى وبينك ولو ماصدقتش هتقولى ولا كأنك سمعت حاجه وبرده متكلمش فى اى حاجه تمام اسامه : تمام اتفاقنا زين حكاله كل حاجه من اول موت ملك لحد ماليليان فاقت مش فكراه اسامه فضل مسهم وساكت بيحاول يستوعب الى زين قاله وبعد وقت كبير اتكلم : انا بحاول استوعب كلامك بس زين قاطعه : مش مصدق صح يبقى ولا كأنك سمعت حاجه سلام ولسه هيمشى اسامه قاله : استنى يازين مين قالك انى مش مصدق كلامك انا بقولك بحاول استوعب !!!معقول ممكن بنى ادم روحه تتجول بعيد عن جسمه وترجع تانى انا قرأت عن الموضوع ده قبل كده بس بصراحه مصدقتش وكنت بقول دى مجرد نظريه اول مره اتاكد انها ممكن تحصل فعلا ... انت عارف كام حاله كانت فى غيبوبه من غير اى سبب ولما بنفقد فيها الامل بنفصل عنها جهاز التنفس وتموت مش يمكن يكونوا زى ليليان محتاجين الى يفوقهم طبعا ده بيبقى قدرهم وربنا كتبلهم موتيتهم بس بقول يمكن زين بتفكير : ممكن ليه لا كلنا كنا فاقدين الامل ان ليليان تفوق بس فاقت اسامه ابتسم : فاقت علشان بتحبك وروحها متعلقه بلمسه منك مش قولتلك بتفكرنى بالاميره النائمه زين بحزن : والامير فاقت ناسيه اميرها ومش فاكره عنه اى حاجه اسامه حس بحزنه وقام قعد قدامه : زى مكان عندك امل دايما انها تفوق خلى عندك امل انها تفتكرك وتفتكر حبك ليها زين : ياريت انا خايف ابقى بالنسبه ليها ولا حاجه مش عارف ساعتها هعمل ايه اسامه : تخليها تحبك تانى بس الفرق انها اصلا بتحبك قلبها حاسس بيك ومستنيك وده المهم قلبها مش عقلها زين بصله بامل : عندك حق المهم قلبها وانا عارف انى موجود فيه زين قام : طيب انا هروح اشوفها ونبقى نكمل كلامنا بعدين اسامه : طيب هستناك احنا خلاص بقينا اصحاب ولا ايه زين ابتسم : اكيد سلام زين خرج من عند اسامه كله امل ان ليليان حبيبته تفتكره راح خبط على الباب سمع صوتها من جوه بتقوله يدخل زين دخل اول ماليليان شافته قلبها دق بعنف حطت ايدها على قلبها يمكن يهدى زين لاحظ حركتها وابتسم لانه عرف ان قلبها دق ليه قرب منها شويه وبص لعنيها : عامله ايه النهارده ليليان بصتله قوى بتحاول تفتكر شافته فين ولا تعرفه منين : الحمد لله كويسه ( وسكتت شويه ) استاذ زين احنا اتقابلنا قبل كده زين قرب كرسى جنب السرير وقعد ،: بتهيالى مش عارف ليليان : بس انا حاسه انى شوفتك واتكلمت معاك كتير زين بصلها بحب باين عليه : يمكن فى الحلم ليليان استغربت : حلم !!! ازاى فى حد بيحلم بحد ويلاقيه موجود فعلا زين : كتير .. انا مثلا مره حلمت بواحده كانت شبه الملايكه حبتها قوى وهى كمان حبتنى ولما صحيت ليليان قاطعته : لقتها فعلا زين : لقتها وملقتهاش !! ليليان : يعنى ايه لقتها ولا لا زين : لقتها بس هى معرف*نيش لانه كان حلمى انا مش حلمها ليليان : انا مش فاهمه حاجه بصراحه ياستاذ زين زين ابتسم : ماتخليها زين بس بدون القاب ليليان حاسه ان قلبها عارفه كويس وحافظ كل حاجه فيه لدرجه انها عايزه تقوم ترمى نفسها فى حضنه بس بتمنع نفسها وعايزاه يمشى قبل ماجسمها ي**نها ويروحله قلبت وشها كانها مضيقه وكلمته بضيق : بس احنا منعرفش بعض علشان نرفع الالقاب انا منكرش ان انت جميلك عليا كبير انك لحقتنى قبل ما يخ*فونى بس برده مايمنعش انى معرفكش اصلا علشان نتعامل كاننا اصحاب زين بصلها بصت عتاب كلامها وجعه قوى قام وقف وبعد ماكان هيمشى رجع ومال عليها قرب منها قوى : بس انا عارفك كويس قوى عارفك اكتر من نفسك يا لى لى وسابها ومشى ليليان اخدت نفسها الى كانت حبساه وهو قريب وبصت على الباب عايزه تنادى عليه يرجع بس منعت نفسها زين خرج ووقف قصاد الباب نفسه يصرخ يعيط يعمل اى حاجه تطلع الوجع الى جواه افتكر عم حسن هو راح فين طلع تليفونه واتصل بيه عم حسن رد : ايو يازين عامل ايه زين : الحمد لله اومال انت فين انا جيت المستشفى ملقتكش عم حسن : مافيش كنت فى مشوار وخلاص انا تحت قصاد باب المستشفى زين : طيب انا نازلك نزل زين وقابل عم حسن وقف سلم عليه : عامل ايه يابنى شكلك مش عاجبنى زين : انا كويس الحمد لله عم حسن : بتكذب عليا يازين مانت باين عليك يابنى انت دخلتلها زين اتن*د : اه واتكلمنا فى الاول كويس وفجاه لقتها قلبت فى الكلام وكان عايزه تقولى قوم امشى عم حسن ابتسم وسكت زين استغرب ابتسمته : ليه الضحكه دى عم حسن: ليليان طول عمرها لما تزنق بتهرب زين : يعنى ايه مش فاهم عم حسن : ليليان حاسه بيك فى قلبها بس مش فاهمه ده ايه علشان كده لما تعبت من انها مش فاهمه هربت منك ودخلت فيك شمال بالكلام علشان تمشى زين : والله انا مابقتش حمل الى بتعمله فيا بقولك ايه ياراجل ياطيب عم حسن : خير زين : ماتجوزهالى وانا هفكرها بمعرفتى عم حسن ضحك قوى ,: انا ماعنديش مانع بس استنى لما تطلع من المستشفى الاول زين : ماشى هستنى المهم انا دورت على شقه وهنقل فيها النهارده عم حسن : ليه كده يابنى هو انا قولتلك امشى زين : ليليان هطلع بكره على فكره دكتور اسامه قالى انها بقت كويسه وطبيعى ترجع على بيتها عم حسن : وانت يازين زين : مانا قولتلك جبت شقه جنبكم عبال مااشوف اخرت بنتك معايا ايه عم حسن : ماشى يابنى ربنا يصلح الاحوال زين : يارب اللهم امين ***************** سعاد دخلت على ياسين الاوضه وعفاريت الدنيا قدمها ياسين اول لما شافها كده قام وقف قصادها : مالك ياماما فى ايه ابويا اتجوز عليكى ولا ايه سعاد : انت ليك نفس تهزر اخوك فين ياياسين ياسين فهم : مانتى عارفه انه فى اسكندريه ايه الجديد سعاد : الجديد ان اخوك لازم يرجع بلده وشغله وحياته كفايه قوى لحد كده وانا مش هسكت اكتر من كده انشالله اروح اجيبه بالعافيه لحد هنا ياسين : ياماما اهدى ياحبيبتى والله العظيم زين كويس وبقى تمام وكلها فتره بس قليله وهيرجع سعاد : انا شبعت من الكلام ده.. ده حتى معدتش بيكلمنى ولا حتى بيكلم ابوك ايه بايعنا لدرجادى ياسين : لا ياست الكل ماتقوليش كده انتى اكتر واحده عارفه زين وعارفه ان مافيش اطيب منه بس كل الحكايه كان عنده مشكله كده هناك والحمد لله اتحلت سعاد : مشكلت ايه دى ياسين مش عارف يقولها ايه : لما يجى هيحكيلك هو خلاص سعاد : بص ياستاذ قول لاخوك قدامه يومين لو مرجعش لاهو ابنى ولا اعرفه وسابته ومشيت ياسين قعد مش عارف يعمل ايه كلم زين يقوله : الو ايوا يازين عامل ايه زين : الحمد لله مال صوتك ياسين : ابدا انت خليك لف عندك وعيش حياتك وانا اتبهدل بسببك زين : بدال فى بهدله تبقى ماما ياسين :عليك نور مانت ناصح اهو زين : مالها المرادى ياسين : ابدا حلفت انك لو فى خلال يومين مرجعتش لا انت ابنها ولا تعرفه زين اتن*د بتعب : والله مانا عارف القيها منين ولا منين ياسين : مالك يابنى هى مش ليليان فاقت وبقت كويسه زين : اه فاقت بس للاسف مش فكرانى ولا فاكره اى حاجه من الى حصلت معانا ياسين غمض عنيه : كنت حاسس والله من ساعت ماقولتلى على الى عملته بعد مافاقت وانا خايف انها ماتفتكرش طيب عملت معاها ايه زين : ادينى بقرب منها شويه شويه لما اشوف اخرتها ياسين: طيب هتعمل ايه مع الحاجه سعاد زين : انا هكلمها وارضيها بكلمتين متشيلش هم انت ياسين : وانت هتعمل ايه دلوقت هتفضل هناك زين : خليها ماشيه زى ماهى لما نشوف قدرنا هيودينا فين ياسبن : ماشى لو احتجت حاجه كلمنى زين: ماشى يابطل تسلم يالا سلام ياسين : سلام زين راح البيت ياخد حاجته ووداها الشقه الى أجرها فى العماره الى قصاد عماره ليليان وراح بات فى الشقه الجديده لان ليليان هتخرج الصبح طلع النهار وليليان الدكتور جالها كشف عليها وكتبلها خروج ابوها ساعدها تغير هدومها ولموا حاجتها ورجعوا على بيتهم ليليان اول لما دخلت الشقه حاست ان فيه حاجه ناقصه فيها فضلت تلف فيها كل حاجه مكانها بس لا فى حاجه مش موجوده ايه هى مش عارفه قعدت على الكنبه وبصت لابوها : بابا هو انت نقلت حاجه من الشقه دى او غيرت حاجه عم حسن : لا ياحبيبتى ليه ليليان سرحت : حاسه ان فى حاجه ناقصه بس مش عارفه هى ايه !! عم حسن : يمكن علشان بقالك كتير فى المستشفى ليليان : بس اسبوعين مش وقت كبير قوى يعنى عم حسن سكت مش عارف يقولها ايه ليليان قامت تدخل اوضتها وقفت وبصت لعم حسن: بابا هو تليفونى فين عم حسن : اهو ياحبيبتى معايا خدى عطاها التليفون ومركزش ان التلفون فى تاريخ اليوم ويادوب وفتحته لاحظت التاريخ وقفت مسهمه وعنيها على التاريخ عم حسن لقها كده قرب عليها : مالك ياليليان فى ايه ليليان بصتله قوى: احنا سنة كام يابابا عم حسن شتم نفسه ازاى نسى ان التلفون فيه تاريخ كان ممكن يقولها اتسرق مبقاش عارف يقولها ايه ليليان رفعت التلفون : هو ده تاريخ النهارده احنا فى شهر ابريل ٢٠٢١ هو ده التاريخ عم حسن : ايو يابنتى ده تاريخ النهارده ليليان دموعها نزلت : يعنى انا بقالى حوالى تسع شهور فى غيبوبه مش اسبوعين عم حسن : الدكتور قال نمهدلك المده واحده واحده علشان متتعبيش ليليان قعدت وعماله تفكر ازاى المده دى كلها عدت عليها وعلى ابوها بصتله بوجع : كنت بتعمل ايه المده دى كلها يابابا وانت لوحدك عم حسن ابتسم وراح اخدها فى حضنه : كنت معاكى مسبتكيش لحظه واحده ليليان بعياط: علشان كده انت خاسس وشكلك تعبان قوى عم حسن: انا بقيت كويس من ساعت مافوقتى ورجعتى لحضنى ليليان سكتت شويه وافتكرت زين يعنى هو لسه بيزوها حتى بعد تسع شهور طيب ليه هى كانت فكره ان الحادثه قريبه مش من شهور طيب ليه لسه بيجى يشوفها فضلت تفكر ومش لقيه رد عم حسن خرجها من حضنه : قومى يابنتى ارتاحى شويه فى اوضك ليليان : حاضر قوم انت كمان نام وارتاح عم حسن ابتسم : النهارده بس اقدر ارتاح وانام وانتى معايا تانى فى البيت كل واحد قام دخل اوضه ليليان دخلت اوضتها مكنتش عايزه تنام خرجت تانى وطلعت البلكونه تشم هوا البحر يمكن دمغها تبطل تفكير قعدت على المرجيحه وحست ان كان فيه حد بيقعد معاها هنا احساس هيموتها ان كان فى حد معاها فى البيت فى كل ركن فيه من بعيد شويه زين واقف فى البلكونه الى قصاد ليليان وشايفها قدامه وهى سرحانه سال نفسه: ياترى سرحانه فيه ياحبيبتى ولا فى ايه طلع تليفونه كان عايز يسمع صوتها اتصل على رقمها الى اخده من عم حسن ليليان ردت لما لقته رقم غريب : الو زين مردش وفضل يسمع صوتها بس ليليان : ايو مين معايا مافيش رد ليليان حست ان قلبها بيدق قوى مش عارفه ليه معقول يكون هو : لو متكلمش هقفل السكه زين ابتسم لانها مش عايزه تقفل يعنى هى حاسه انه هو ليليان : طيب بدال مش عايز ترد متصل ليه زين جاب اخره : علشان وحشتنى قوى وكنت عايز اسمع صوتك وقفل قبل ماترد ليليان بصت للتليفون واتاكدت ان هو فعلا قلبها حاسس بيه طيب ليه !!! ليه كل لما تشوفه قلبها يدق ليه حاسه بيه قوى قريب منها كده فضلت تفكر تتصل بيه وترجع تقول لا مش هتصل فضلت تتخانق مع نفسها لحد مانامت مكانها كل ده وزين واقف شايفها مش عايز يتحرك من قدمها عدى عليهم يومين على نفس الحاله ليليان بتفكر فيه ليل ونهار وهو يتصل يسمع صوتها ويقولها وحشتنى ويقفل ليليان صحيت تالت يوم وقررت تنزل تتمشى غيرت وراحت لعم حسن : بابا انا هنزل اتمشى شويه على البحر عم حسن : هتنزلى لوحدك وانتى لسه تعبانه ليليان : تعبانه ايه يابابا انا بقيت كويسه خالص الحمد لله عم حسن حاسس انه قلقان مش مرتاح : طيب استنى انزل معاكى ليليان : مالك ياحبيبى والله انا كويسه وبعدين الدنيا نهار والمسافه مش بعيده عم حسن : طيب متتاخريش عليا ليليان راحت باسته من خده : حاضر ياقمر سلام عم حسن جرى اتصل بزين : الو ايوا يازين زين : صباح الخير عامل ايه ياراجل ياطيب عم حسن قلبه مش مرتاح : الحمد لله بقولك ليليان نزلت زين اتنفض : نزلت راحت فين وهى لسه تعبانه عم حسن : نزلت تتمشى على البخر انزل ورها يازين انا قلقان عليها مش عارف ليه زين نزل بسرعه : حاضر اقفل انت وانا رايح وراها زبن نزل بص يمين وشمال لمحها بتعدى الشارع ناحيه البحر اتن*د براحه ويادوب راح وراها ولسه هيقرب لقى عربيه سودا متڤيمه اسود وقفت قدمها الباب اتفتح وواحد سحب ليليان لجوه بسرعه وتلعربيه جريت زين كان بيجرى يمكن يلحقها بس للاسف ملحقاش وقف يبص حواليه ويشد فى شعره مش عارف يعمل ايه وفجاه افتكر ان دى نفس العربيه الى خبطت ملك قلبه كان هيقف اتصل على ياسين وهو بينهج : ياسين الحقنى ليليان اتخ*فت !!!!!

Free reading for new users

Scan code to download app

App Store Google Play

Facebookexpand_more