البارت الخامس ?

2467 Words

عم حسن بحزن : تعالوا معايا قاموا كلهم وهما مستغربين هو اخدهم فين والى زاد دهشتهم انوا دخلهم المستشفى فضلوا ماشين وراه لحد مادخلوا اوضه وكانت المفاجاه ............. ليليان نايمه ومتوصل ليها اجهزه كتيره عم حسن وزين قربوا منها عم حسن : بنتى فى غيبوبه بقلها ست شهور زين بصلها بحزن : ايه الى حصلها ياعم حسن عم حسن ابتدا يحكى الى حصلها وفى نفس الوقت ليليان افتكرت كل حاجه فلاش بالك ليليان كانت بتشتغل فى شركه اجهزة كمبيوتر وفى يوم اتاخرت فى الشغل لان كان فى طلبيه المفروض تسلمها بنفسها وهى مروحه كانت لازم تمشى فى شارع جانبى وتطلع منه على الشارع الرئيسى علشان تركب ولحظها السئ وقفها واحد شكله سكران الشاب بيكلم وهو بيطوح : راحه فين ياموزه ليليان مردتش عليه وفضلت ماشيه فجاه طلعلها اتنين تانين واحد منهم وقف قصدهاكان اسمه محسن: مابترديش ليه ياحلوه ولا احنا مانشبهش ليليان بخوف : لو سمحت عدينى انا مش عايزه مشاكل محسن : طيب محنا كمان مش عايزين مشاكل وعشان كده تعالى معانا من سكات مسك ايدها وبدا يشدها وهى من خوفها مش عارفه حتى تصوت فجاه لمحت واحد وقف بعربيته ض*بت محسن بالشنطه وطلعت تجرى وهى بتصوت ليليان جرت تستنجد بالى نزل من عربيته وفعلا شافها من بعيد كان محسن وعلى لحقوها ومسكوها والشارع كان مضلم الشاب جرى نحيتهم ولحظ ليليان كان معاه مسدس ض*ب طلقه فى الهوى اول ما محسن وعلى سمعها زقوا ليليان اتكعبلت وقعت على دماغها على حجر كبير ووشها بقى كله دم وبعدها محستش بحاجه باك ليليان بصت على ابوها الى افتكرته وافتكرت كل حاجه ودموعها نزلت عم حسن بحزن : الناس قالولى ان واحد جابها هنا وان هو الى لحقها من الى كانوا عايزين يخ*فوها زين بصله قوى : الكلام ده كان فى شهر ٨ صح ياعم حسن عم حسن : ايوا يابنى زين بص ليليان الى وقفه تعيط وبص تانى لعم حسن: انا الى جبتها المستشفى ليليان بصتله باستغراب : انت ازاى نفس السؤال ساله عم حسن وياسين زين : كان عندى شغل هنا من ست شهور ويادوب خلصت وكنت راجع القاهره تانى العربيه عطلت منى جنب شارع كان ضلمه وشويه سمعت صريخ جريت اشوف فى ايه لقيت واحده بتجرى واتنين بيجروا ورها كان معايا مسدسى ض*بت طلقه فى الهوا زقوها وجريوا روحت عليها كان وشها كله دم شلتها وجبتها المستشفى انا واتنين كانوا شايفين الحادثه وطلبت رقمك من تلفونها قولتلك ومشيت رجعت لعربيتى بس كنت فاكر انه مجرد جرح مكنتش اعرف ان الموضوع خطير كده زين بص ليليان الى نايمه كانت جميله كأن مافيهاش اى حاجه : بس مش باين عليها اى تعب هى عندها ايه عم حسن : محدش عارف يابنى الدكاترة بيقولوا الاعضاء كلها سليمه بس مش عارفين مش بتفوق ليه زين باسف : انا اسف ياعم حسن مكنتش اعرف ان الحاله كده عم حسن : وانت زنبك ايه يابنى كتر خيرك الله اعلم من غيرك كان ممكن يحصلها ايه اكتر من كده كل ده وليليان وقفه مسهمه لزين وبتسال نفسها : ياترى ده سبب انى مش عارفه اكون موجوده الا معاه زين بص عليها لقها سرحانه فيه غمز لياسين يحاول ياخد عم حسن بره ياسين مش عارف يقوله ايه بص لعم حسن حس انه تعبان : ايه ده ياعم حسن شكلك تعبان قوى عم حسن بحزن : لا يابنى انا كويس الحمد لله ياسين : لا تعالا معايا اقيسلك الضغط والسكر عم حسن لسه هيعترض ياسين حلف عليه وفعلا نزل معاه زين بص ليليان : افتكرتى ليليان بدموع: اه افتكرت كل حاجه انا ليليان حسن السعدنى عندى ٢٦ سنه بشتغل فى شركه اجهزه كمبيوتر امى متوفيه من عشر سنين وابويا ربانى لوحده مرضاش يتجوز عشانى وفى الاخر مرميه على سرير وهموت فى اى وقت زين قلبه وجعه وحاول يضحكها: متقوليش كده انتى مش شايفه نفسك نايمه زى القمر اهو وتقوليلى اموت ليليان ابتسمت : طيب ليه مش بفوق يازين زين حاسس ان قلبه بيدق جامد كل لما بيسمع اسمه منها مش عارف ليه : اكيد فى سبب وانتى اهو حاولى تساعدى نفسك ليليان : يعنى اعمل ايه زين: مش يمكن زى ما قال استاذ نادر انتى من النوع الى بيسب جسمه حاولى ترجعى جسمك تانى ليليان مش عارفه تعمل ايه : اعمل ايه يعنى زين بتفكير : والله مانا عارف (راح قرب عليها وهى نايمه كان فى حاجه على خدها مد ايده وملس على خدها علشان يشلها) ليليان بدهشه: زين انا حسيت بلمست ايدك على خدى زين :بجد !! طيب كويس معنى كده انك لسه مرطبته بجسمك واكيد فى حل نخليكى ترجعى جسمك !!طيب جربى كده واطلعى نامى مكانك في جسمك ليليان فعلا طلعت نامت بس مافيش اى تغير قامت وقفت وبصت لزين : مافيش حاجه اتغيرت انا فى حته وجسمى فى حته تانيه !! زين بهزار : ماتخافيش يالى لى اكيد فى حل ليليان ابتسمت : لى لى !! زين ابتسم هو كمان : اه صحيح نسيت انك بتتنرفزى منه ليليان : تصدق اتعوت عليه .. المهم نسيت اشكرك زين : على ايه ليليان : على الى عملتوا معايا وعلى انك لحقتنى من الى كانوا عايزين يخ*فونى زين قرب منها : يارتنى كنت جيت بدرى عن كده مكنش زمانك نايمه فى غيبوبه كده ليليان بحزن : ده نصيبى اعمل ايه زين : عموما انا معاكى لحد منلاقى حل تفوقى بيه ليليان : بجد.يازين !! ياعنى هتساعدنى تانى زين : انا قولتلك قبل كده انى هساعدك ومش هينفع اسيبك فى نص الطريق واكيد فى سبب انك ظهرتيلى ولازم نعرفه شويه ودخل ياسين وعم حسن زين : عملت ايه ياياسين ياسين: ضغطوا كان واطى جدا كتبوله علاج بس اهم حاجه الراحه زين راح لعم حسن : عم حسن انت لازم ترتاح علشان تقدر تكمل معها ايه رايك تروح معايا تنام كام ساعه وترجع تانى عم حسن : لا يابنى مش هقدر اسيب بنتى وامشى ياسين: ياعم حسن انت مامشتش من المستشفى من يوم ماهى دخلت الدكتور بره قالى ومابتنمش ساعتين على بعض زين : ياعنى انت عايز هى تفوق وانت تعبان ليليان وقفه قلبها وجعها على ابوها الى خس جدا وباين عليه التعب بس مش عارفه تعمل حاجه بصت لزين : زين اقنعه يروح معاك والنبى ده شكله تعبان قوى زين شاورلها بدماغه من غير عم حسن مايلاحظ : يالا ياعم حسن وانا هكلم الممرضه المسؤله عنها لو حصل اى جديد تتصل بينا على طول عم حسن وافق قصاد الحاحهم : حاضر امرى لله ولو ان قلبى مش جاينى اسيبها لوحدها زين : ياعم حسن هى مش لوحدها الممرضات والدكاتره حوليها ولو لقدر الله حصل حاجه ربع ساعه هنبقى هنا عم حسن: حاضر يابنى وراح نحيه ليليان الى نايمه لا حول لا ولا قوه باسها من جبينها وبص لزين وياسين : يلا بينا زين شاور لليليان انها تيجى معاهم وهى شاورت لا زين بص لياسين علشان ياخد عم حسن ويسبقوا هما واخر نفسه هو شويه وقف قصاد ليليان : مش هاتيجى معانا ليه ليليان : انا خلاص عرفت مكانى فين وكتر خيرك على كده ومتشكره على مساعدتك لبابا كمان زين اضايق جدا من فكره انه ميشفهاش تانى مش عارف ليه : طيب ماتيجى علشان حتى تبقى مع عم حسن ليليان ضحكت بمراره : على اساس انى هقدر اخد بالى منه او حتى اهون عليه زين : انا ممكن اقوله انى شايفك و قاطعته ليليان : اوعى يازين هيقول عليك مجنون وهيخاف منك اهم حاجه خليه يرتاح كام يوم لو اقدرت زين : حاضر هحاول اخليه عندى كام يوم ليليان : ربنا يخليك يازين متشكره قوى زين بصلها مش عارف يقولها ايه ومش عارف يمشى ويسبها فجاه افتكر ملك ووشه اتغير واستاذن منها ومشى وهى لحظه تغيره ده وسالت نفسها : هو ماله فجاه شكله اتغير وزعل ليه !!! ____________________________ عند الراجل الكبير كان قاعد مع سعيد وجاله تليفون : الو ايوا يابنى فى جديد الراجل واسمه عوف : ايوا ياباشا كان دخل مستشفى هو واتنين وشويه وخرجوا وراحوا على البيت الباشا : متعرفش كان عند مين عوف بخوف : لللللا ياباشا معرفش الباشا بصوت عالى : انت غبى هو انا مشغل معايا شويه بهايم لازم اقول اعمل ايه !!حالا تعرف كان عند مين وتقولى وقبل ما عوف يتكلم كان قافل السكه فى وشه عوف وقف مش عارف يعمل ايه رجع على المستشفى تانى وطلع فضل يلف فى المستشفى وراح وقف جنب ممرضه عوف : بقولك ياقمر الممرضه سهر : نعم اى خدمه عوف : كان فيه شاب دخل المستشفى دلوقت هو واتنين متعرفيش كانوا فى اوضه كام سهر : شاب مين ده شكله ايه عوف : شاب كده ابيضانى وحليوه ومعاه راجل كبير وشاب تانى سهر فكرت شويه : اه افتكرت ..بس انت بتسال ليه اصلا عوف طلع ٢٠٠ جنيه حطهم فى ايدها : مافيش اصل كنت جاى معاهم وتهت منهم وعمال الف فى المستشفى مش لقيهم سهر فرحت بالفلوس : اه دول كانوا عند واحده فى غيبوبه بقلها فتره كبيره والراجل الكبير ده ابوها بس مشيوا عوف : الف شكر ياقمر سهر : اى خدمه عن اذنك عوف نزل واتصل تانى على الباشا وقالوا على الى عرفه الباشا: بت مين دى الى فى غيبوبه عوف : الممرضه قالتلى انها بقالها فتره كبيره قوى فى غيبوبه والراجل الى نزل معاه ده ابوها الباشا : خليك وراه وعنيك عليه سامعنى عوف : امرك ياباشا الباشا قفل معاه وفضل يفكر : ياترى مين دى يازين الكلب _________________________ زين روح البيت مع ياسين وعم حسن حضر اكل وتعشوا ودخل عم حسن يرتاح زين : ادخل ارتاح فى اوضك ياعم حسن كل حاجه زى ماهى عم حسن بحزن : والله يابنى البيت مالوش طعم من غير بنتى علشان كده اجرته وروحت اعدت معاها فى المستشفى زين : انشاء الله خير وهتقوم وتبقى زى الفل وتجوزها كمان عم حسن رفع ايده للسما : اللهم امين يارب انا ماليش غيرها فى الدنيا اشفى عنها يارب!! لو اعرف بس هى فيها ايه زبن : تعالى يارجل ياطيب ارتاح وربك كريم انشاء الله عنده الشفا دخل عم حسن نام وزين راح قعد مع ياسين الى عمال يبصله قوى زين : مالك ياياسين بتبصلى كده ليه ياسين: مستغرب بس زين : ايه الى مستغربه ياسين: فعز همك وحزنك روحت تشيل هم حد تانى وكأن ربنا بعت البت دى ليك علشان تخرج من حزنك زين : انا منستش حزنى على ملك ياياسين بس تقدر تقول اتاقلمت معاه وبحاول اعيش ياسين ابتسم وسكت زين بصه : ابتسمت وسكت ليه ياسين : بص يازين انا اخوك واكتر واحد بيحس بيك انت فيك حاجه مش قادر اتاكد منها بس بكره الايام تاكدلى زين بصله باستغراب : حاجه ايه ياياسين ياسين قام : متشغلش بالك تصبح على خير سابه ودخل ينام وزين فضل قاعد مكانه وحس ان البيت فى حاجه ناقصه قام قعد على المرجيحه وكل مايجى يفكر فى ملك يفتكر ليليان اضايق من نفسه وكان هيجن فضل على حالته دى لحد منام مكانه ليليان لقت نفسها مش عارفه متبقاش معاه بعد مانام راحت وقفت قدامه : انا اسفه يازين انا مش عارفه ليه مش بلاقى نفسى الا معاك ولا عارفه سبب ليه وجودى دايما مرتبط بيك فضلت واقفه قدامه لحد لما النهار طلع واول ماحست بيه هيصحى مشيت .... ______________________ سعاد قامت تعمل فطار لجوزها وطول الوقت عماله تفكر فى زين وقلبها وجعها عليه راحت لجوزها سعاد : ياحاج انا عايزه ابنى يرجع بقى انا قلبى وجعنى عليه قوى الحاج احمد : قعدى ياسعاد واهدى اخوه معاه ولسه مطمنى عليه سعاد راحت قعدت قصاده : بجد يااحمد قالك ايه احمد : قالى انه بقى احسن كتير قوى وبدا يرجع لطبيعته سعاد استغربت : معقول طب ازاى ؛؛ انت بتقولى كده بس علشان مقلقش صح احمد : لا اله الا الله ياستى والله مابكذب ابنك لسه قايلى كده سعاد : يارب يااحمد يكون فعلا بقى احسن يمكن دعواتى ليه ربنا استجاب لها وهدى قلبه على فراق ملك احمد : كل حاجه بتبدأ صغيره وتكبر الا الحزن بيبدأ كبير ومع الايام بيصغر ويقل وربنا عطانا نعمه النسيان رحمه بينا سعاد :ونعمه بالله فعلا معاك حق احمد بهزار : طيب هتفطرنى بقى ولا انزل الشغل خفيف سعاد : لا ياخويا حالا والفطار يكون جاهز "************************* زين صحى اول مافتح عنيه حس ان كان فى حد هنا نادا على ليليان محدش رد عليه قال لنفسه : مالك يازين انت اتهبلت ولا ايه انت مش سايبها فى المستشفى امبارح وبعدين مالك هتموت عليها كده ليه انت نسيت مراتك بالسرعه دى رد على نفسه : لا ابدا عمرى ماهنساها ابدا دى حب عمرى انساها ازاى رجع سأل نفسه تانى : اومال مالك معندش بتفكر الى فى ليليان ومش عايز تفكر الا فيها فوق دى مجرد روح هايمه مش عارفه مصيرها ايه فوق لنفسك قبل ماتلاقى حياتك بقت جحيم وكفايه مراتك الى خسرتها ولحد دلوقت مش عارف مين عمل فيها كده عايز تخسر ايه تانى رد تانى :معاك حق بس انا كل الحكايه عايز اساعدها وكلها فتره قليله وارجع بلدى ومش هشفها تانى شويه وياسين صحى وراح قعد جنب زين الى محسش بيه من كتر ماهو سرحان ياسين : صباح الخير ياعم السرحان زين انتبه : ها بتقول حاجه!! انت صحيت امتى ياسين : لسه يادوب صاحى المهم مالك على الصبح سرحان فى ايه زين اتن*د : ولا حاجه هو عم حسن مصحاش لسه ياسين عارف ان زين بيغير الكلام بس هو **م يعرف ماله : زين متغيرش الكلام مالك فيك ايه انا حاسس بيك انت فيك حاجه زين بصله مش عارف يقوله ايه : والله ماعارف مالى ياياسين حاسس انى عامل زى التايه من يوم ما ليليان ظهرت فى حياتى وكل حاجه اتغيرت ومش عارف السبب ياسين بصله قوى : وبعدين سامعك زين : وبعدين ايه ياسين : عايز اعرف هنا (وشاور على قلبه )فى ايه زين : قصدك ايه هنا♥️ مافيش غير ملك وبس ولا عمره هيكون فيه ياسين : زين اسمعنى كويس انا عارف انت بتحب ملك قد ايه والله يرحمها مكنش فيه زيها ومطلبتش منك تنساها كل الى عايزه منك انك تعيش بس!!! زين قام وقف : قصدك ايه مش فاهم !!! عايزنى احب واتجوز واعيش حياتى كان مافيش حاجه حصلت ..وملك الى ماتت مكانى ياسين اتعصب : محدش بياخد عمر حد كل واحد فينا مكتوبله هيموت ازاى وملك ربنا كتبلها تموت بحادثه مكانك بقى او غيره كانت هتبقى دى موتيتها زين : انا عارف الكلام ده كويس بس ميمنعش انها ماتت غدر وميرديش حد انى اعيش حياتى وانساها كانها مكنتش موجوده ياسين قرب منه وطبطب على كتفه: لا يازين محدش يقدر يقولك انساها بس بلاش تيجى على نفسك وتدوس عليها قوى زين : انا تعبان قوى ياياسين حاسس انى قلبى وجعنى قوى وجعنى على ملك الى راحت منى ووجعنى على البنت الغلبانه الى مرميه على سرير ورحها تايه ووجعنى اكتر على الراجل الى جوه الى بيموت كل يوم على بنته ياسين : طيب وبعدين هتعمل ايه مافيش فى ايدك حاجه تعملها !!! طيب مش انت قولت هتروح لنادر الى قولتلى عليه زين : اه هتصل بيه واشوف هيقولى ايه ياسين : طيب ايه رأيك تقول لعم حسن واهو يبقى معاك يمكن يقدر يساعد زين بصله قوى : انت واعى للى بتقوله انت عايزنى اروح للراجل اقوله انا كذبت عليك وعرفت بنتك من روحها الى ظهرتلى دانت لما قولتلك قولت عليا اتجننت ماباك الراجل الكبير هيقول ايه ياسين : مش يمكن يصدقك ويساعدك زى مانا صدقتك زين : انت مصدقتش الى لما شوفت بعينك الى هى عملته ولولا كده كان زمانك ساحبنى على دكتور نفسى ياسين : يابنى اسمع كلامى واكيد هى عندها حاجه هتخليه يصدق ان انت شايفها زين بتريقه : حاضر ياياسين هاروح دلوقت اصحيه واقوله ياعم حسن بنتك طلعتلى روحها فى البيت وعلشان كده دورت عليك وجتلك فجاه لقوا الى واقف وراهم وبيقوله : مين دى الى روحها ظهرتلك !!!!!!!

Free reading for new users

Scan code to download app

App Store Google Play

Facebookexpand_more