البارت السادس ?
3389 Words
زين بتريقه : حاضر ياياسين هاروح دلوقت اصحيه واقوله ياعم حسن بنتك طلعتلى روحها فى البيت وعلشان كده دورت عليك وجتلك
فجاه لقوا الى واقف وراهم وبيقوله : مين دى الى روحها ظهرتلك !!!!!!!
زين وياسين لفوا بسرعه لقوا عم حسن واقف مسهم هما الاتنين تنحوا ومش عارفين يقولوا ايه عم حسن قرر سؤاله تانى
:قولى يازين مين دى الى بتتكلم عليها ؟؟
زين قرب منه : عم حسن مافيش حاجه داحنا بنتكلم فى حوار قديم بينى وبينه
عم حسن : لا يازين لا حوار قديم ولا حاجه انت بتتكلم عن ليليان بنتى صح
زين : ياعم حسن صدقنى مافيش حاجه من دى انا
قاطعه عم حسن : متكملش يازين انا عارف انت خايف مصدقش
زين بص لياسين ورجعوا بصوا لعم حسن الى راح قعد على الكنبه وحط راسه بين اديه وبعد شويه رفع راسه بص لزين وسأله : هى موجوده هنا
زين : لا
عم حسن سكت شويه وبعدين قالهم : مامت ليليان ماتت من عشر سنين كنا بنحب بعض قوى وكانت حياتنا حلوه لحد ماكتشفنا ان هاله مراتى عندها ورم فى المخ وفى مكان استحاله استئصاله عشنا خمس شهور فى عذاب لحد لما ربنا رحمها وقتها كنت حاسس انى بموت
عم حسن سكت ودموعه نزلت زين راح قعد جنبه وطبطب على كتفه : كفايه ياعم حسن
عم حسن : لا مش كفايه يازين لان الى حصل بعد كده مكنش حد يصدقه
زين استغرب ،: ايه الى حصل !!!
عم حسن : عدى اسبوع كنت بحاول اتماسك قدام ليليان لانها كانت منهاره بس كنت من جويا بتعذب لحد ما فى ليله كنت نايم على السرير صاحى وفجاه لقيت هاله وقفه قدامى قومت قعدت وعنيه مش مصدقه قولتلها ازاى انتى وقفه فعلا قدامى
قالتلى ايوه ياحبيبى انا مش قادره اسيبك
فضلت فتره كبيره شايفها طول الوقت قدامى كنت فرحان انها رجعت قدامى بس ليليان مكانتش مصدقه وبدات تخاف مكانش قدامى غير انى اروح لشيخ اساله وقالى ان روحها متعلقه بيا وإجى معايا. وفضل يقرأ ايات كتير لحد ما هاله اختفت ومبقتش اشوفها من وقتها
زين بزهول : انت قصدك ايه من الكلام ده ياعم حسن ليليان عايشه مش ميته
عم حسن : انا عارف يابنى بس الى مش قادر افهمه ليه انت
وهى مكانتش تعرفك اصلا
زين : صدقنى انا معرفش السبب
عم حسن: احكيلى يابنى ايه الى حصل وشوفتها ازاى
زين حكاله كل حاجه من وقت مشاف ليليان
عم حسن: وهى فين دلوقت يازين
زين: مردتش ترجع معانا وفضلت فى المستشفى
عم حسن قام وقف : تعالى معايا يازين على المستشفى
زين : ليه ياعم حسن خليك مرتاح وانا هروح اطمن عليها
عم حسن: انا عايز اطمن عليها بنفسى وبدال انت شايفها اكيد هنلاقى طريقه نرجعها بيها تانى
زين بهزار : طيب افطر الاول علشان ليليان مت**ر المستشفى فوق دماغى
عم حسن ضحك : حاضر ياسيدى بس بسرعه بالله عليك
زين : حاضر من عنيا
ياسين واقف متابع الموقف وبيبص لخوه الى لسه كان يادوب من كام اسبوع بيموت استغرب تغيره ده وبدات ظنونه تتاكد
****************
بعد ساعه وصلوا المستشفى واول مادخلوا اوضه ليليان عم حسن راح مسك ايد ليليان وبص لزين : هى فين يازين
زين بص حوليه ملقهاش : مش عارف ياعم حسن راحت ف
وقبل مايكمل لقها قدامه راح نحيتها : كنتى فين يالى لى
ليليان بصت لابوها : مش قولتلك خليه فى البيت يستريح يازين
عم حسن قام نحيت زين : انت شايفها يابنى دلوقت
ليليان بصت لزين : انت قولتله !!
زين : هو الى سمعنا وانا بتكلم مع ياسين
ليليان وقفت قدام ابوها : قوله انه وحشنى قوى يازين ونفسى اترمى فى حضنه قوى
زين لعم حسن : بتقولك انك وحشتها قوى ونفسها تاخدها فى حضنك ياعم حسن
عم حسن دموعه نزلت : وانتى كمان ياحبيبتى انشاء الله هتفوقى قريب وترجعى احسن من الاول بس حاولى يالى لى
ليليان ضحكت وبصت لزين : انت قولتله على دى كمان
زين بصلها قوى : ضحكتك حلوه على فكره
ليليان وشها احمر وغيرت الكلام : قولى يازين اشمعنى لما بابا مسك ايدى ماحستش بلمسه ايده هو كمان
زين : ماحستيش طيب استنى (راح مسك ايدها ) ها حاسه بحاجه
ليليان بصت على ايديها : اه كانك ماسك ايدى فعلا طيب اشمعنى بابا ماحستش بايده
عم حسن وياسين بصوا لزين مش فاهمين فى ايه عم حسن ساله : فى ايه يازين
زين حكاله الى حصل دلوقت وعم حسن وياسين استغربوا ياسين قاله : اتصل باستاذ نادر يازين اكيد فى حل للموضوع ده
زين اتصل بنادر : الو اذيك ياستاذ نادر
نادر : الحمد لله ايه الاخبار يازين
زين : طلع معاك حق فعلا ليليان عايشه بس فى غيبوبه
نادر : غيبوبه !! وحالتها ايه
زين : الدكتور بيقول كل اعضاها كويسه ومش عارفين ليه مش بتفوق تفتكر فى حل نرجع روحا التايه لجسمها تانى
نادر : انا اول مره اشوف حاله كده طيب اهلها قالولك سبب الغيبوبه
زين حكاله كل حاجه وقاله ان هو الى وداها المستشفى يوم الحادث وقاله انها مش بتحس الا بلمسه ايده بس
نادر فضل يفكر : انا مش شايف تفسير غير ان انت سبب وجود روحها دى
زين : مش فاهم قصدك ايه
نادر : الى اقصده ان روحها متعلقه بيك وممكن يكون بسبب ان انت الى انقذتها يوم الحادثه
زين : بس دى مكنتش تعرفنى ولا شاف*نى
نادر : يازين ساعات القدر بيعمل معانا حاجات متتعملش الا فى الخيال زى حالتك انت وهى من كل الناس الى فى اسكندريه تيجى انت من مصر علشان تنقذها من الخ*ف وتسبها وتمشى وترجع تانى بعد شهور ومن بين كل الشقق هنا تختار شقتها هى برده اكيد القدر ليه رأى فى الموضوع ده احنا مش عارفينه
زين بس لروح ليليان الى واقفه قدامه وسال نفسه ياترى ربنا بعتك ليا علشان اخرج من حزنى ووجعى على ملك رجع رد على نادر : تمام ياستاذ نادر لو فى جديد هكلمك
نادر : انشاء الله خير مع السلامه
زين قفل معاه وكلهم بصوله مستنين هيقول ايه زين بصلهم وبص ليليان ومعرفش يقول الى قاله نادر الى كل كلامه بيقول ان ليليان روحها متعلقه بزين بعد تفكير : مقالش حاجه مفيده وبرده ماهوش فاهم سبب الى بيحصل
عم حسن قعد باحباط وياسين بص لزين ومش مصدقه
ليليان قربت منه : انا تعبتك معايا يازين كفايه كده انت عندك شغلك وحياتك لازم ترجع لها
زين بصلها وقلبه مش مطاوعه يسبها ويمشى حاسس ان لو سابها ومشى عمرها ماهتفوق ابدا : انا مش تعبان يالى لى وبعدين انتى عايزه تخلصى منى وخلاص
ليليان بصتله وقالت فى نفسها : ااه لو تعرف انى مش بحس انى عايشه الا وانت قدامى بس هعمل ايه وانا مش عارفه مصيرى ايه
زين لما سكتها طال : مالك يالى لى ساكته ليه
ليليان : ابدا بس كنت عايزه اعرف نادر قالك ايه بالضبط
زين بص على ابوها وياسين الى بيتكلموا مع بعض : بصى انا نازل عايزك تيجى معايا
ليليان استغربت : رايح فين
زين : تعالى بس
زين استاذن من عم حسن وياسين قالهم هيجيب حاجه وراجع
نزل زين وراح على البحر عند اول مكان شاف فيه ليليان
وقف وبصلها : اول مره شفتك فيها كان هنا كنتى ماشيه لمحتك من بعيد واستغربت ليه لبسه فستان خفيف فى البرد ده وفجاه اختفيتى
ليليان : بس انا مش فاكره انى جيت هنا
زين : ده الى حصل بعدها حلمت بملك مراتى الله يرحمها جاتلى لبسه نفس فستانك وطلبت منى طلب استغربته
ليليان : طلبت ايه ؟؟
زين : قالتلى ساعدها يازين هى محتجالك سالتها هى مين فضلت تكرر الجمله وسابتنى ومشيت بس قبل ماتمشى قولتلها انى مش عارف اعيش من غيرها قالتلى هتعيش لما تساعدها
ليليان : انا مش فاهمه قصدك ايه
زين : بعدها على طول انتى ظهرتى فى حياتى ومن وقتها اتلهيت فيكى ونسيت حزنى وقهرتى على ملك كنت مضايق قوى من نفسى ازاى انساه ان مراتى حب عمرى كله ماتت مكانى لحد متكلمت مع نادر
ليليان اضيقت لما اتكلم على ملك كده بص حاولت متبينش
زين كمل كلامه : قالى القدر هو الى بعتنى ليكى اول مره وبعتك ليا تانى مره
ليليان : يعنى ايه !!
زين ابتسم : القدر بعتنى ليكى اول مره لما حاولوا يخ*فوكى ولحتك انا وقتها بس مشيت بعد ماوصلتك المستشفى ومن كلام نادر ان روحك اتعلقت بيا وقتها
ليليان بصت للارض ووشها احمر زين كمل : ورجع بعتك ليا لما رجعت تانى واخترت بيتك اعيش فيه من غير ماعرف انه بيتك علشان تجيلى وتخرجينى من حزنى ووجعى فهمتى ليه انا
ليليان هزت راسها باه سكتت شويه وبصت لزين : مراتك ماتت ازاى يازين
زين غمض عيونه بوجع : كنا خارجين نحتفل بحملها ووظفتى الجديده يومها مكانتش عايزه تخرج وانا اصريت عليها ويارتنى سمعت كلامها
سكت زين شويه وكمل بوجع اكتر : وقفتها قولتليها استنى اجيبلك ايس كريم ويادوب عديت الشارع سمعتها بتصرخ باسمى ولقيت نفسى واقع على الارض بصيت عليها لقتها مرميه على الارض غرقانه فى دمها
ليليان شهقت وحطط ايدها على ص*ره : عربيه خبططها
زين : اه العربيه كانت قصدانى وهى زقتنى والعربيه خبططها مكانى
ليليان : ومين هيكون عايز يعمل كده فيك انت بنى ادم طيب مفتكرش ازيت حد قبل كده
زين : لا ازيت حد ازيه كبيره قوى خسرته ملايين
ليليان باستغراب : معقوله انت عملت كده !!!
زين : اه عملت اتسببت فى خساره واحد علشان كان عايز يقتل ملايين الشباب وكانت النتيجه مراتى وابنى ماتوا
ليليان : انا مش فاهمه حاجه يازين
زين اتن*د : هفهمك انا كنت فى اسكندريه من ست شهور الى هو يوم الحادثه بتاعتك كنت جاى استلم ورق المدير بتاعى كان باعتنى اجيبه خلصت مشوارى وبعد ماكنت ناوى ابات واسافر تانى يوم قررت ارجع علشان ملك وفعلا ركبت عربيتى وفى رجعتى العربيه عطلت وشوفتك وهما بيحاولوا يخ*فوكى وحصل الى حصل سبتك بعدها ورجعت القاهره ويادوب وصلت القاهره كانت الساعه ١١ قولت لسه بدرى اروح الشركه اسلم الورق لمعتز المدير بتاعى ولما روحت الشركه شوفت الى كان السبب فى الا انا فيه !!!!
فلاش باك
زين وصل الشركه وهو داخل لمح المخزن مفتوح وفى حركه غريبه قرب من باب المخزن لقى معتز مديره واقف مع رجاله كتير بيطلعوا من بين البضاعه الى لسه وصله اكياس فيها حاجه بيضه قرب شويه يحاول يسمع حاجه
معتز للناس الى شغاله : يالا يارجاله خالينا نخلص قبل ماحد ياخد باله
رد عليه واحد اسمه صالح : خلاص اهو قربنا نخلص بس قولى يامعتز بيه البضاعه المرادى هنوديها على فين
معتز : على مكان كل مره والباشا هيجى يستلمها بعدين
صالح : مش ناوى تقولنا مين هو الباشا ده يامعتز بيه
معتز بصله وقرب عليه : انت نفسك تقابل وجه كريم ولا ايه لو عايز تشوفه تروح دلوقت تودع عيالك ومراتك وتكتب وصيتك الاول
صالح خاف واتكلم بتوتر : ها انا لا لا ابدا انا كنت بهزر مش اكتر وانا مالى انا وماله
معتز ابتسم بستهزاء : ايوا كده خليك عاقل وكل عيش يالا خلص مع الرجاله وخد بالك لو كيس واحد من البضاعه دى اتخربش بس متلومش الا نفسك ال*****ن ده مش زى بتاع كل مره ده حاجه جايه للناس الى فوق
زين اول ماسمع الكلام ده راح جرى على عربيته ومبقاش عارف يعمل ايه ومكنش قدامه غير انه يبلغ البوليس وفعلا اتصل بالبوليس بلغ وقفل معاهم وبعدها اتصل بالحاج طلعت
زين : الو ايوا ياحاج عامل ايه
طلعت : الحمد لله خير يازين فى حاجه مش بعاده تتصل بيا متاخر كده
زين مش عارف يقوله ايه : بص ياحاج هو الصراحه فى مصيبه
طلعت بخضه : فى ايه يازين قول على طول وقعت قلبى
زين : معتز ياحاج بيجب م**رات فى البضاعه بتاعتك
طلعت : ايه بتقول ايه مين قالك الكلام ده!! معقول !!!!انت عرفت منين
زين : لسه شايفه هو ورجاله بيطلعوا الم**رات من البضاعه الى لسه واصله من الصين وسمعته بيقول انها هيروين
طلعت كان هيجن : مش معقول بقى معتز الى مأمنه على شركتى يعمل كده طيب انت فين يازين
زين : انا عند الشركه وبلغت البوليس وزمانهم خلاص على وصول
طلعت : بلغت البوليس طيب مانا الى هروح فى داهيه ده مخزنى
زين : متخفش ياحاج انا بلغت وقلت ان انا انت علشان يبقى انت الى بلغت
طلعت : طيب انا عشر دقايق وجاى
زين : تمام مستنيك
ويادوب قفل والبوليس وصل زين قرب عليهم وكلم الضابط الى جاى معاهم
زين : انا زين مهندس هنا فى الشركه هما موجدين فى المخزن حضرتك
الضابط: انت الى بلغت ؟
زين : لا يافندم الى بلغ الحاج طلعت صاحب الشركه
(باص وراه لقى الحاج اجى ) اهو حضرتك اجى
الضابط دخل هو والعساكر الى معاه وقبضوا على كل الى كانوا موجدين وحرزوا البضاعه الضابط بص لطلعت
الضابط : اتفضل معانا ياحاج علشان نكمل التحقيق (وبص لزين )وانت كمان تعالا معانا
راحوا كلهم واتحقق مع الكل ومعتز اعترف ان البضاعه بتاعته
الضابط : يعنى انت بتعترف ان البضاعه دى بتاعتك والرجاله دى شغالين معاك انت
معتز واقف فى ايده كلبشات وباصص للارض : اه ياباشا بتعتى انا الى مخزنها عند الحاج طلعت من وراه
الضابط : يعنى انت ناوى تشيل الشيله لوحدك يابشمهندس ومش ناوى تعترف مين الى وراك اصل بصراحه مش مقتنع ان انت جايب بضاعه بملايين لوحدك وانت على حسب معلوماتى ماديآ عادى زى اى حد
معتز سكت ومردش عليه الضابط قاله : عموما انت حر لما تتعدم محدش هينفعك
معتز برده ساكت الضابط امر بحبسه هو والرجاله الى معاه وتحويل القضيه على النيابه والافراج عن الحاج طلعت
معتز وهو طالع كان زين واقف مع طلعت راح وقف قصاد زين وقاله : انت فتحت قبرك بايدك يازين متعيطش فى الاخر
زين : اما قبرى يتفتح احسن ما شباب البلد كلهم يموتوا
معتز ضحك باستهزاء : وانت بقى الى هتحميهم كان غيرك اشطر
وقبل مايكمل العسكرى شده : يالا يامتهم انت هتعد تحكى قدامى يالا
طلعت بص لزين : انا متشكر قوى يابنى لولاك كنت روحت فى داهيه
زين : بعد الشر عليك ياحاج يالا علشان اوصلك
ومشى زين ومكنش يعرف ان الى جاى اصعب بكتير
باك
ليليان واقفه تسمعه ومبرقه : انت قصدك ان الناس دى هما الى كانوا عايزين يقتلوك
زين بوجع : اكيد علشان كده قولتلك انها ماتت مكانى
ليليان قربت منه : محدش بيموت مكان حد دى اعمار ربنا كتبلها انها تموت فى الساعه دى فى الحادثه
زين : انا عارف ان ده اجلها بس كل لما افتكر يوم الحادثه واصرارها انها متنزلش يومها قلبى بيوجعنى وبحس ان انا السبب فى موتها هى وابنى
ليليان: الله يرحمها .. بس معنى كلامك ان انت فى خطر عليك والى عمل كده ممكن يكررها تانى
زين حس بخوفها عليه بس مبينش : اكيد بس الى مش قادر افهمه هو مين !! معتز شال القضيه لوحده لانه خاف من الراجل الكبير الى انا سمعته بيتكلم عنه بس هو مين مش عارف
تليفون زين رن كان ياسين : الو ايوا ياسين
ياسين : انت روحت فين يازين كل ده
زين : انا جاى اهو على طول
ياسين : طيب ياريت متتاخرش انا محتاج اتكلم معاك
زين : فى حاجه حصلت
ياسين بعصبيه : لا بس عايز اتكلم معاك ايه حرام
زين : طيب مسافه السكه
ياسين : مستنيك سلام
زين قفل معاه ورجع على المستشفى هو وليليان كان ياسين مستنيه قدام المستشفى
ليليان بصت لزين : انا هطلع الاوضه وانت روح بقى ارتاح
زين : ماشى بس هرجع تانى
ليليان ابتسمت وسابته واختفت بص لياسين الى واقف متعصب : مالك ياياسين فى ايه
ياسين : هنتكلم فى الشارع ممكن نروح
زين : يالا انت الى واقف
روحوا البيت واول مادخلوا زين وقف قصاد ياسين : ممكن افهم بقى متعصب ليه كده
ياسين: متعصب ليه !!! انت بتسال
زين : اه بسال لانى مش فاهم
ياسين بصله قوى : ممكن افهم اخرتها ايه
زين بزهق : اتكلم على طول الله يخليك من غير الغاز اخرت ايه
ياسين : اخرت الى انت عايش فيه ده رايح جاى ورى روح واحده لا تعرفها ولا تعرفك وبقيت بتتعامل معاها كانها انسانه عاديه ووقتك كله بقى ليها عايز افهم اخرتها ايه هترجع لحياتك امتى
زين : حياتى!!! انهى حياه قصدك شغلى الى كان السبب في موت مراتى ولا شقتى الى كل ركن فيها هيفكرنى بحياتى الى ضاعت ولا بلدى الى فيها ناس عايزه تقتلنى وانا مش عارف مين هما
ياسين : اقصد امك وابوك الى كل دقيقه بيتصلوا بيا يسالوا عليك وقولتلك ميت مره ملك قدرها كده مش معنى انك عملت حاجه صح تندم عليها انت انقذت شباب كتير من الضياع اما بقى الناس الى بتقول عليهم فى حكومه تقدر تحميك
زين ضحك قوى : والحكومه دى محامتش ملك ليه او على الاقل مجابتش حقها ليه لحد دلوقت معرفوش مين الى قتلها
والنبى ياياسين سيبنى انا مرتاح هنا انت تقدر ترجع شغلك ولخطيبتك
ياسين وقف قصاده : انت حبتها صح !!
زين بصله قوى وسكت شويه يستوعب هو قال ايه: هى مين دى الى حبتها
ياسين : ليليان يازين
زين : هو علشان عايز اساعدها تفوق وترجع لابوها الراجل الغلبان الى ملوش غيرها ابقى حبتها
ياسين : انت بتضحك على نفسك ولا عليا يازين انت حبتها ولو مش مصدق اقف قدام المريا وشوف نفسك اتغيرت ازاى
زين اتعصب : اتغيرت مالى مانا زى مانا ايه الى اتغير فيا
ياسين قرب عليه وطبطب على كتفه: زين انا اخوك اكتر واحد يفهمك انا خايف عليك لو هى انسانه عاديه زينا كنت هبقى فرحان ان ربنا خرجك من حزنك على ملك بس انا خايف عليك تتصدم تانى لو ليليان مافقتش من الغيبوبه هتعمل ايه ساعتها
زين : انت اكيد مش فى وعيك انا بحب ملك ياياسين مراتى ومش معنى انى بساعد ليليان ابقى بحبها والكلام خلص لحد كده
سابه ودخل اوضه ....ياسين دخل اوضه مضايق مش عارف يعمل ايه يساعد اخوه بيه شويه وياسمين اتصلت بيه
ياسمين : الو حبيبى عامل ايه وحشتنى
ياسين بيرد وباين فى صوته الضيق : الحمد لله ياحبيبتى وانت كمان وحشتينى
ياسمين حست بيه زعلان : مالك ياياسين فى حاجه حصلت
ياسين : لا ابدا مافيش قوليلى مامتك وعمى عاملين ايه
ياسمين : متغيرش الموضوع ياياسين انا حاسه بيك قولى ياحبيبى مالك هتخبى عليا
ياسين اتن*د : زين ياسمين خايف عليه قوى
ياسمين :من ايه بس مش انت قولت انه بقى أحسن وبدا يرجع زى الاول
ياسين : اه قولت بس مسالتيش نفسك ازاى زين الى كان بيحب ملك اكتر من روحه يتحسن بسرعه كده
ياسمين : بصراحه استغربت بس قولت ربنا هونها عليه بس انت بتقول كده ليه
ياسين : لو قولتلك مش هتصدقى ومش بعيد تقولى عليا اتجنيت
ياسمين : قولى ياحبيبى انا واثقه ان مافيش اعقل منك
ياسين حاكلها كل حاجه من اول ماعرف بليليان لحد دلوقت
: بس ياستى ولما وجهته انه بيحبها انكر واتعصب عليا وسابنى ودخل اوضه
ياسمين عماله تستوعب الى حكاه : انا لو مش عرفاك كنت قولت انك بتهزر بس واضح ان الموضوع بجد
ياسين : مش قولتلك مش هتصدقى بس للاسف انا شوفت الى عملته بعينى غير ابوها والى حكاه عن مامتها
ياسمين : طيب مش يمكن ربنا بعتها ليه علشان تهون بعد ملك عنه
ياسين بعصبيه : ومين هيهون بعدها عنه لو مافقتش وماتت هى كمان
ياسمين : اهدى ياياسين انشاء الله خير واكيد ربنا مش هيعمل حاجه وحشه وبعدين مش يمكن يكون فعلا بيساعدها بس
ياسين : لا ياياسمين انا عارف اخويا.. زين بيحبها بس لسه مش حاسس او مش عايز يحس
ياسمين : عموما سيبها على ربنا واكيد انشاء الله مش هيحصل الا كل خير
ياسين : يارب ياحبيبتى ادعيله ربنا يهديه ويعوضه خير
ياسمين ؛ يارب !! قولى بقى هتيجى امتى انت وحشتنى قوى
ياسين : وانتى كمان وحشتينى قوى يومين بس اطمن عليه وجاى
ياسمين : طيب قولى بقى بحبك وكده وكلام حلو
ياسين ضحك : بس كده بحبك يا احلى حاجه في حياتي كلها
ياسمين : وانا كمان بموت فيك
وكملوا المكالمه يحبوا فى بعد .......
_____________________
زين دخل اوضه قعد على السرير وبص لصورة ملك ومد ايده اخدها فضل باصص للصوره وهو ساكت بس عمال يسأل نفسه ..هو انا فعلا حبيتها ؟؟ طيب ازاى بالسرعه دى وازاى اصلا قلبى نسى ملك !! لا لا استحاله اكون حبتها هى بس صعبانه عليا مش اكتر
فضل يفكر لحد ماتعب اخد صورة ملك فى حضنه ونام ويادوب عنيه غفلت حلم بملك واقفه قدامه جرى عليها ولسه هيقرب قالتله : متقربش يازين قولتلك قبل كده مينفعش تقرب
زين : ملك وحشتينى قوى ليه معنتيش بتجيلى اشوفك هونت عليكى
ملك : انا مطمنه عليك يازين علشان كده مكنتش باجى
زين استغرب : مطمنه عليا ازاى وانتى مش معايا هكون كويس ازاى
ملك : لا انت كويس وقلبك دق تانى بلاش توقفه لوبتحبنى بجد طاوع قلبك علشان ارتاح واطمن عليك
زبن : انتى عايزانى احب غيرك ياملك وانساكى
ملك ابتسمت : مين قالك انك هتنسانى انا هفضل احلى زكرياتك بس لازم يبقى ليك مستقبل وهى مستقبلك (وشاورت على ليليان الى نايمه ولبسه فستان ابيض وكانت زى القمر )بصتله تانى خليك معاها يازين
زين : بس دى لسه نايمه ومش عايزه تقوم
ملك : الموضوع فى ايدك انت لازم تساعدها تصحى روحلها كده
زين قرب على ليليان وقعد جنبها على السرير لقى نفسه عمال يقرب اكتر ولسه هيبوسها ......قام من النوم على صوت اذان الفجر بص لصورة ملك الى فى ايده وقالها : حتى وانتى ميته بتفكرى فيا وعايزه تطمنى عليا عمرى فى حياتى ماهلاقى زيك ابدا (باس الصوره وقام يصلى الفجر ورجع بعدها كمل نومه وهو بيفكر فى الحلم وليليان الى كانت نايمه شبه الملاك بس ياترى معنى انها قالتله الموضوع فى ايده ايه مش قادر يفهم يعمل ايه علشان هى تفوق ......
- Writer
