البارت الثالث ?

2000 Words

وصل زين اسكندريه ونزل فى فندق قريب من البحر فضل كام يوم فى الفندق مبيعملش حاجه غير انه باصص لصورة ملك ومكنش بيعرف ينام غير لما ياخد المهدا وبعد كام يوم قرر ينزل يروح لسمسار يشوفله شقه مفروشه صغيره قصاد البحر دخل لاول سمسار شافه زين : السلام عليك ياحاج السمسار مهيب: وعليكم السلام اتفضل اى خدمه زين : انا كنت محتاج شقه مفروشه تكون صغيره وقصاد البحر مهيب: عنيا انا معايا اربع شقق اتفضل معايا بص عليهم واختار الى تعجبك بس الاول انت محتاجها تقعد فيها قد ايه زين : مش عارف خلى المهله مفتوحه لحد لما اقولك مهيب : تمام اتفضل معايا راح زين مع مهيب على اول شقه معجبتوش وتانيه والتالته برده معجبوش لحد مارحوا اخر شقه كانت اقصاد البحر على طول اول لما دخلها ارتاح وكأن هى دى الى كان بيدور عليها دخل البلكونه واعد على مرجيحه كانت فيها المنظر قصاده كان تحفه وقت غروب الشمس دخل عليه مهيب : هاا انا شايف ان دى عجبتك ولا ايه زين : اه فعلا جميله قوى مهيب : طيب تيجى معايا نمضى العقد واسلمك مفتاحها زين قام : يالا وبالمره اروح اجيب شنطتى من الفندق نزل زين مع مهيب راح مضى العقد واخد مفتاح الشقه وجاب شنطته من الفندق ورجع على الشقه __________________________ عند ياسين كان قاعد مع ياسمين خطيبته فى كافيه كان قاعد سرحان ومش مركز معاها وهى عماله تكلمه ياسمين سكتت لما لقته مابيردش عليها ونادت عليه : ياسين ياااسين ياسين انتبه وبصلها :بتقولى حاجه ياحبيبتى ياسمين : مالك ياياسين بقالى نص ساعه بتكلم وانت مش معايا ياسين اتن*د : مافيش ياياسمين كنتى بتقولى ايه ياسمين مسكت ايده : هتخبى على ياسمينا حبيبتك قولى مالك فيك ايه ياسين : هو فى غيره الى واجع قلبى عليه ياسمين: قصدك زين انت مش قولتلى انك كلمته وقالك كويس فى ايه بقى ياسين : قال كويس بس هو مش كويس صوته باين انه لسه على حالته ياسمين بزعل : طيب وبعدين هتسيبه كده ياسين : انا عايز اسافرله بس المشكله مش عارف اخد اجازه من الشغل خالص الايام دى بنقفل ميزانيات فى البنك ومش عارف اخد نفسى ولا عارف اعمل ايه معاه ياسمين: طيب اهدى كده وكلها كام يوم وتخلص الشغل ده وسافرله ياسين : ربنا يسهل المهم(مسك اديها وابتسم ) قوليلى بقى ياستى كنتى بتقولى ايه ياسمين بصتله وابتسمت: كنت بقولك بحبك قوى ياسين باس ايدها : وانا كمان بحبك اكتر من اى حاجه فى الدنيا ********************** عند زين كان كل يوم من ساعت ماراح الشقه قاعد فى البلكونه قصاد البحر وبيفتكر ملك و ايامه معها ويجى وقت النوم مايعرفش ينام غير بالمهدأ وفى يوم صحى وقرر ينزل يتمشى شويه على البحر وفعلا نزل وبعد ما اتمشى شويه وقف قصاد البحر وكان سرحان فجاه حس بحد ماشى من وراه بص لقى واحده ماشيه بس استغرب لما لقها لبسه فستان ازرق صيفى نص كم والجو كان ساعتها برد جدا البنت بعدت شويه بس فجاه اختفت زين غمض عنيه قوى وفتحها تانى وقال لنفسه : هو انا كان بيتهيالى ولا ايه ومركزش ورجع تانى على الشقه وفضل قاعد فى البلكونه زى كل يوم لحد ما نام مكانه وحلم بملك جايه لبسه فستان ازرق شبه الى شافه على البنت ووقفه تضحكله اجى يقرب منها قالتله : استنى يازين متقربش زين : ليه ياملك دانتى وحشانى قوى ياحبيبتى ملك : وانت كمان وحشتنى بس خلاص مينفعش تقرب منى انا بقيت بعيده قوى عنك زين دموعه نزلت : متسبنيش ياملك انا مش عارف اعيش من غيرك خدينى معاكى ملك : ياريت كان ينفع بس خلاص ده قدرنا وانت لازم تعيش وهتعيش زين : مش قادر ياملك ملك ابتسمت : هتقدر لما تساعدها هى محتجالك زين استغرب : هى مين ياملك ملك لسه على ابتسامتها وبصت على فستانها : الى انا لبسه فستانها زين : هى مين ملك بدأت تبعد شويه بشويه وهى بتقوله : ساعدها يازين ساعدها زين فضل يجرى وراها بس كل مادا المسافه بتبعد كل لما يقرب تبعد لحد لما اختفت خالص زين قام مفزوع من النوم وهو بينادى على ملك بس حوليه لقى نفسه مكانه على المرجيحه قام اخد نفسه وافتكر الحلم وسال نفسه : ياترى مين دى الى ملك عايزانى اسعدها فات حوالى اسبوعين من بعد الحلم الى زين حلمه ومن يومها محلمش بملك تانى خالص وده كان مضايقه وتاعب نفسيته وكان كل لما يحس انه مخنوق ياخد مهدأ علشان يقدر يهدى وينام وفى مره كان قايم يشرب راح فتح التلاجه شرب وخرج من المطبخ وفجاه لقى واحده واقفه قدامه الاتنين اتخضوا وصرخوا فى وش بعض : عااااااااا البنت حطت أيدها على قلبها وهو بيدق جامد وبصة لزين بخوف : انت مين وعايز منى ايه انا والله معايش حاجه تتسرق زين رد عليها بنرفزه: اسرق ايه انتى مجنونه ده بيتى انتى دخلتى هنا ازاى البنت : بيتك ازاى ده بيتى زين: اه يابن الكلب انا كده فهمت السمسار نصب عليكى واجرلك الشقه بعد ماجرهالى البنت ربعت ايدها قصاد ص*رها :ازاى بقى ياناصح اذا كان كل حاجه هنا بتعتي ملكى الانتريه ده واوضه النوم الى جوه والمرجيحه الى فى البلكونه كل حاجه زين بصوت عالى : قصدك ان انا الى اتنصب عليا البنت : اد*ك فهمت الحمد لله اتفضل بقى اطلع بره زين : لا مش طالع واعلى مافى خيلك اركبيه البنت : طيب انا هتصل بالبوليس يجى يقبض عليك وهقولهم حرامى (بصت حوليها ) فين التليفون زين ربع ايده زيها وبكل برود قالها : التليفون جوه فى الاوضه روحى اتصلى بالى انتى عايزاه البنت دخلت جوه تتصل بالبوليس زين فضل واقف مكانه مستنيها بعد ماستنى كتير نداه عليها : انتى ياااا هى اسمها ايه راح دخل ورها الاوضه بس ملقاش حد وقف مزهول راحت فين دى وهو متحركش من قدام باب الاوضه فضل يلف فى الاوضه وفتح الدولاب مش لاقى حد اخر ماتعب قعد على السرير يكلم نفسه : ايه ده بقى هو كان فى واحده هنا ولا انا بيتهيالى بس ازاى دانا اتكلمت معاها لالا انا لازم اخف المهدأ شويه لحسن بدأ يعملى تهيأت ______________________ فى بيت زين كانت سعاد قاعده مع الحاج احمد بيشربوا الشاى وبيتكلموا احمد : وبعدين معاكى ياحجه هتفضلى كل شويه تعيطى كده انا خايف على صحتك سعاد بدموع : قلبى وجعنى على ابنى يااحمد انت ماسمعتش صوته عامل ازاى احمد بزعل : سمعت وعارف انه لسه تعبان زى ماهو بس هنعمل ايه سعاد : يرجع ياحج يبقى فى وسطنا مع اخوه يعد معاه ولا يخرجه المهم يبقى فى حضننا بس طول ماهو لوحده هيفضل تعبان وعمره ماهيتحسن احمد بقله حيله : حاضر ياحجه هتكلم معاه وهخلى اخوه ياخد اجازه ويسافر بجيبه سعاد : اه ياحج ربنا يشفى عنك ويخليك لينا احمد : وادعى يهدى ابنك ويرجع يعيش حياته بقى سعاد رفعت ايديها للسما : يارب يسمع منك ********************** عند زين كان قاعد ماسك تليفونه بيقلب في صور ملك ومع كل صوره بيفتكر الموقف الى اتصور فيه لقى الى وقفه قدامه وبتقوله : انت لسه مامشيتش من بيتى زين رفع وشه بصلها ومش عارف هو فعلا شايفها قدامه ولا تهيأت مردش عليها وبص تانى للتليفون قررت كلامها تانى : انت ساكت ليه اطرش ولا ايه زين خلاص صبره نفذ قام من مكانه وقرب عليها ،: انا عايز اعرف انتى مين وروحتى فين المره الى فاتت واصلا دخلتى هنا ازاى البنت : انا صاحبت الشقه زين : وصاحبه الشقه دى ملهاش اسم البنت : ليها طبعا انا اسمى .....اسمى فضلت تفكر اسمها ايه بس مش فاكره فضلت تبص حوليها وتبص على نفسها لقت وشم قلب على اديها ومكتوب جواه اسم بصت لزين الى واقف مستنى يسمع اسمها ايه البنت : انا اسمى ليليان زين فضل يقرب وهو بيتكلم وهى تبعد : وانتى كنتى ناسيه اسمك ولا ايه ليليان بتحاول تدارى انها فعلا كانت ناسيه وبتتكلم بتقطيع : ايه ناسيه . ..ناسيه ازاى يعنى !!!هو هو فى حد ينسى اسمه زين لسه بيقرب : انتى دخلتى ازاى هنا وكنتى فين قبل ماتيجى دلوقت ليليان مش عارفه ترد عليه لانها مش عارفه هى جت منين ولا كانت فين كل الى عارفاه انها مابتكونش موجوده الا معاه زين شايفها ساكته وعماله تفكر ومبتردش كمل كلامه وكل ده لسه عمال يقرب وهى تبعد لحد ماوصلت للحيطه بتاعت البلكونه والغريب انها عدت منها وهى مش حاسه زين وقف مكانه وجاله زهول خرج البلكونه لقها لسه على حالتها بتفكر ومش حاسه بالى حصل زين كلمها بصوت مرعوش :انتى مش انسانه ليليان بصتله قوى : انت مجنونه اومال عفريته زين ولسه على زهوله : انتى مش شايفه عملتى ايه!!!! انتى عديتى من الحيطه ليليان قلبها اترعش وكانت خلاص وصلت لحد سور البلكونه: انا انا انا زين زعق بصوته كله : انتى روح لواحده ميته !!!!!! ليليان رجعت مره واحده لورى ووقعت من البلكونه زين بص عليها ملقاش حد فى الشارع جرى على جوه وقال :الحمد لله اختفت انا داخل اشغل قران البيت شكله مسكون لقى الى وراه بتزعق : انت ازاى تسمح لنفسك تقول عليا ميته وانا واقفه قدامك انت مجنون ولا عندك تهيات زين اتخض : بسم الله الرحمن الرحيم انتى عايزه منى ايه ليليان زعقت : انا مش عايزه منك حاجه انا عايزه شقتى الى انت مستحلها زين : طيب هسالك سوال وردى عليا ليليان: قول وخلصنى زين : انت اخر حاجه فاكره انك عملتيها كانت ايه غير انك كنتى هنا ليليان فضلت تفكر بس مش عارفه ومش فاكره غير انها معاه زين حاول يكلمها براحه يمكن تنصرف وتسيبه فى حاله : بصى انت اكيد ميته حاولى تروحى للمكان الى المفروض تكونى فيه ليليان دموعها نزلت : يعنى انا ميته !!!ازاى وانا بكلمك اهو انا مش عارفه هو انا المفروض ابقى فين زين صعبت عليه وقرب منها : انتى مش فاكره حاجه خالص ليليان زعقت جامد : لا لا وانا مش ميته محدش بيموت وبيفضل روحه على الارض انا مش ميته سامعنى زين جاب اخره : خلاص انا هثبتلك انك ميته انا هجيب حد يصرفك من ام البيت ده وفعلا نزل بس مش عارف يروح فين فتح موبيله ودخل على مواقع كتير وفضل يدور على حد يقدر يصرفها جاب رقم كذا حد ولسه هيتصل لقها واقفه جنبه : انتى ايه الى جابك ورايا مش سبتلك البيت ليليان بصت للارض ومش عارفه تقوله ايه لانها مش عارفه هى لزقه فيه ليه زين بيشد فى شعره منها اتصل بالرقم وطلب منه يجيله ضرورى واداله العنوان رجع البيت وقعد يستنى الراجل الى كلمه لقها قاعده جنبه زين بصلها قوى وهى حاطه وشها فى الارض : هانت وهثبتلك انك ميته لما اصرفك من هنا ليليان رفعت وشها واتحولت بصتها لتحدى : ورينى هتصرفنى ازاى شويه ووصل راجل باين عليه مهرج دخل البيت وزين بصله من فوق لتحت ليليان بصتله وضحكت وقالتله : هو ده الى هيصرفنى دا شكله عايز الى يصرفه زين وقف جنب الراجل : ها شايف ايه ياسيدنا الشيخ الراجل : اسمى زعتر يابيه ليليان ضحكت جامد : يالهوووى زعتر مره واحده زين بصلها وبصله بغيظ : المهم شايف ايه ياعم زعتر زعتر غمض عنيه وفضل يقول كلام مش مفهوم واول ماخلص فتح عنيه وبص لزين : فى روح شريره عايزه تخلص منك زين بصلها قوى: اهو صدقتى انك روح وشريره كمان زعتر بص لزين واترعش : اننننن نت بتكلم مين ياعم زين رفع حاجبه من منظره الى مرعوب : انت خايف كده ليه اومال هتصرفها ازاي زعتر اقنع نفسه انه مافيش حاجه وبص لزين بيدارى خوفه : احنا هنصرفها حالا بس هاتلى طبق فى ميه وملح زين جا**ه الحاجه زعتر فضل يكلم على الميه : حلرجا بلرجا ياحنتوش يابنتوش احضروا ومتاذهوش ليليان حبت تشتغله قامت ماسكه طبق الميه وكبته فوق دماغه زعتر بصوته كله صوت : حى السماح والرضا السماح والرضا وطلع يجرى على بره وهو عمال يقول نفس الكلمه كل ده وزين قاعد هيفرقع منها قام مسك تلفونه وجاب رقم واحد تانى وبصلها : ماتفرحيش يانا يانتى فى البيت ده ليليان راحت اقعدت تانى وحطت رجل على رجل وابتسمت : وانا معاك للاخر ........ *********************** عند الراجل الكبير كان قاعد مع دراعه اليمين الباشا : ها ياسعيد الشحنه الجديده جايه امتى سعيد : لسه مستلم اميل من الكنج بره بيقول بعد خمس ايام الباشا بتفكير : تمام طيب عملت حساب كل حاجه سعيد : متقلقش ياباشا انت عارفنى مابفوتش النمله من غير ماافكر فيها وفكرتك المرادى حلوه جدا الباشا ضحك : عجبتك الفكره صح!! اصلها جديده مين هيفكر ان جوه الاسمنت بضاعه بخمسه مليون دولار سعيد ضحك هو كمان :قولتلك ياباشا دماغك عاليه قوى الباشا : المهم ركز ولو حصل اى حاجه عرفتى سعيد : تمام ياباشا بعد مامشى سعيد الباشا قعد يفكر مع نفسه :لسه حسابك معايا يازين الكلب هعرفك ازاى تتسبب فى خسارتى اربعه مليون لا ومش بس كده كمان خسرتنى احسن رجاله عندى حسابك قرب بس الصبر

Free reading for new users

Scan code to download app

App Store Google Play

Facebookexpand_more