البارت الرابع ?

3695 Words

زين اتصل بواحد تانى يجيله ووصل هو واتنين معاه واول مادخل هو والى معاه وقفوا وعملوا دايره وهما ماسكين ايد بعض زين بصلهم وفتح بوقه من الزهول : انتوا بتعملوا ايه انتوا جاين تلعبوا فاتحى ياورده عندى (وعلا صوته مره واحده ) انا جايبكم تصرفوا ام العفريته الى هنا ليليان قامت وقفت : احترم نفسك وإلا والله اوريك شغلك زين اتجاهلها ومردش عليها وبص للناس الى جايبهم واحد منهم قاله : حضرتك احنا بنعمل تعويزه علشان نجيب جنى اعلى من الى هنا يخدها ويمشى زين : ياصلاة النبى وافرضوا الى جبتوه عجبته القعده وفضل مع الى هنا اعمل ايه هجيبوا واحد تالت ياخد الاتنين رد عليه التانى الى معاهم : الصبر ياحضرت وسبنا نشوف شغلنا زين راح قعد وبرده ليليان جنبه التلاته فضلوا يلفوا فى البيت ويرجعوا يعملوا نفس الدايره وهما بيقولوا كلام بصوت واطى وفجاه طلع واحد قاله :خلاص ياحضرت الجنى الخادم بتعنا اخدها ومشى زين بص لليليان الى قعده جنبه وبتضحك وبص للراجل تانى : يعنى خلاص مشيت من البيت الراجل بتاكيد : ايوا طبعا هو احنا بنلعب زين قام : طيب استنونى ثوانى اجيب حسابكم دخل زين وطلع معاه عصاية طويله وجرى وراهم : اه ياولاد الكلاب ياحرميه بتشتغلوا الناس والله مانا سايبكم التلاته جروا منه ونزلوا السلم ورا بعض بسرعه اول واحد فيهم اتكعبل ووقع من على السلم والاتنين وراه وباقوا كلهم وقعين فوق بعض زين واقف فوق اول ماشفهم وقعوا : تستهلوا الوقعه دى رحمتكم منى ياكلاب دخل تانى البيت لقاها قعده زى ماهى بصتله بتحدى : هاا استسلمت ولا لسه زين بغيظ : والله ابدا اصبرى عليا اتصل باخر امل ليه خبير روحانى كان فى ناس كتيره بتتكلم عنه على النت بس زين كان مستبعده لانه حس انه نصاب بص بعد الى شافه قال يجرب وفعلا اتصل بيه وقاله انوا مشغول النهارده وهيجى بكره زين قفل معاه وبصلها : حظك حلو لسه قدامك معايا لبكره ليليان : اما اشوف وادى قعده زين سمع تليفونه بيرن قام جابه لقاه ياسين رد عليه : الو ياسين : حبيبى عامل ايه زين باين فى صوته العصبيه : الحمد لله انت عامل ايه وبابا وماما أخبرهم ايه ياسين حس ان فى حاجه من صوته : الحمد لله ..مالك يازين انت متعصب ليه كده زين : انا ابدا وهتعصب ليه بيتهيالك ياسين : المهم كنت بتصل اقواك هجيلك بكره هقعد معاك يومين زين مش عارف يقوله ايه مش عايزه يجى وهو عنده المصيبه دى بس هيعمل ايه ياسين لما سكوته طال حس انه مش عايزه يسافرله : مالك يازين انت مش عايزنى اجيلك زين بسرعه : ابدا ياحبيبى دانت حتى وحشتنى قوى بس شغلك عملت فيه ايه ياسين : خلاص احنا قفلنا الميزانيات وقدرت اخد اجازه زبن : تنور ياحبيبى هستناك تكلمنى علشان اد*ك عنوان الشقه ليليان بصتله بغيظ: هو انت كمان هتجبلى واحد تانى يقعد معاك استحاله زين اتعصب عليها : ماتغورى بقى من وشى ق*فتينى ياسين استغرب هو بيكلم مين ,: بتكلم مين يازين حد عندك زين : لا ابدا... دى دى دى دبانه غلسه بعيد عنك نازله زن زن زن لما جبت اخرى ليليان من جنبه : أنا دبانه يابعوضه زين بصلها واستحلفلها وكمل كلامه مع اخوه ،: خلاص هستناك بكره انشاء الله ياسين: تمام مش محتاج حاجه اجبهالك وانا جاى زين بصلها قوى وقاله : ياريت شويه بخور ويكون فيه عين عفريت ابخر بيهم الشقه لحسن بعيد عنك ماليه دبان ازرق ياسين ضحك قوى : دبان وازرق لا انا كده قلقت عليك وهجبلك البخور وفى عين العفريت ورجله كمان يالا سلام زين : سلام ياحبيبى زين قفل معاه وبص للى قعده جنبه حطه رجل على رجل وبتهز فيها : اعمل فيكى ايه مانا لو اقدر امسكك كنت قتلتك فوق مانتى ميته ليليان : ورينى هتعمل ايه انت فالح الا فى الكلام وشويه الهبل الى عمال تجبهم ..طب والله لوريك انت والى جاى بكره ده هعمل فيه ايه زين افتكر الخبير الروحانى : يانهار اسود دانا نسيت !! هجيبه ازاى بكره وياسين جاى انا ماكنتش عايزه يعرف بالمصيبه دى ليليان بصتله بق*ف : والله ماحد مصيبه غيرك قال يعنى هيجيب خبير ارصاد جويه تلاقيه نصاب ذى الى قبله بلا خيبه زين بصلها بنص عين : انتى بتقولى ايه يابت ليليان زعقت: بت لما تبتك بقولك ايه خلى يومك يعدى بدال مااقوم ا**ر البيت فوق دماغك زين ببرود : اهو مش بقولك عفريته مش مصدقه قومى ورينى شغل العفريت و**رى البيت ليليان عماله تلف حولين نفسها عايزه تمشى من وشه بس مش عارفه تروح فين فضلت على الحاله دى وزين متابعها لحد ماعينه غفلت ونام مكانه وقفت ليليان لما لقيته نايم وقربت منه وقعدت جنبه وفضلت بصاله شويه وهى بتسال نفسها : ياترى ايه سر انى مش عارفه ابقى مع حد غيرك انا مش قارده افتكر اى حاجه ولاعارفه انا مين ولا اذا كنت فعلا ميته ولا لا (وسرحت بتفكرها ) طيب لو ميته ليه لسه على الارض فضلت على حالتها دى لحد الصبح ماطلع والشمس نورت البيت كله ونورها وصل لزين صحاه فتح عنيه لقى ليليان لسه قدامه زين بصلها وقام من مكانه وهو بيقولها بتريقه: صباح الخير يالى لى ليليان بصتله بغيظ : ايه لى لى دى انا اسمى ليليان زين رفع حاجبه : هو اسم لى لى مضيقك ليليان : ان متقولوش تانى زين ابتسم : طيب كويس انك قولتيلى يا لى لى ليليان بنرفزه : انت مش بتفهم قولتلك متقولوش تانى زين رقصلها حواجبه : وانا مش قايل الا لى لى انا شايفه احلا من ليليان ليليان سكتت لما حست انه هيفضل يضايق فيها بالاسم طول ماهى مضايقه منه شويه وياسين اتصل رد عليه زين وهو مش عارف يعمل ايه : الو ايوا ياياسين انت فين ياسين: معلش يازين انا هتاخر شويه يعنى هاجى على المغرب زين فرح انها اتحلت من عند ربنا : انت كويس ياياسين ياسين: انا كويس يازين متقلقش كل الحكايه ان ياسمين كانت عايزه تجيب شويه حاجات وعايزنى معاها قبل مااسافر فهخلص معاها واجياك زين : طيب خلاص خليك للصبح متسافرش بليل ياسين: مش مستهلى وبعدين دى كلها ساعتين واكون عندك زين : تيجى بالسلامه هستناك ياسين : الله يسلمك يالا سلام عبال مااجيلك زين : سلام قفل معاه ولسه هيسيب الموبيل لقاه بيرن كان رقم غريب رد : الو مين معايا المتصل: انا نادر عبد الرحمن الى حضرتك اتصلت بيه امبارح زين : اه اهلا بيك نادر : انا متصل اقول لحضرتك انى هاجى على الساعه 2الضهر كويس زين : تمام كويس قوى نادر : خلاص 2هكون عندك بس ياريت ابعتلى ابلكيشن بالعنوان زين : حاضر مع السلامه زين قفل معاه وبعتله العنوان وقام يعمل قهوه علشان يفوق نفسه دخلت عليه ليليان : انت هتشرب قهوه من غير ماتفطر زين بصلها بنص عين ومردش عليها وهى بصتله بق*ف وقالتله : انت حر انشالله يجيلك جفاف انا مالى زين لف بصلها بزهول : جفاف !!!! انت بتقولى اى كلام وخلاص هقولك ايه روحى يا لى لى العبى فى اى حته بعيد عنى ليليان مردتش عليه وفضلت وقفه مكانها زين خلص وطلع وسابها فى المطبخ راح قعد على الكنبه ويدوب بيسيب فنجان القهوه لقاها قعده جنبه بصلها قوى وقالها : يابنتى بطلى تطلعى فجاه كده هقطع الخلف بسببك ارحمينى ليليان سكتت لانها مش عارفه ليه مش بيبقالها وجود الا جنبه شويه وجري الباب رن قام زين فتح لقى رجل فى الاربعين لابس بدله شيك وشكله محترم جدا نادر : انا نادر زين : اه اهلا استاذ نادر اتفضل دخل نادر واول مادخل بص نحية ليليان وراح قعد فى الكرسى الى جنبها زين استغرب هو ليه راح قعد بس لليليان الى لسه قعده زى ماهى وبتبص باستهزاء لنادر ومستنيه تعمل فيه مقلب نادر بص لزين : على فكره ممكن تقعد مش لازم تفضل واقف زين راح قعد جنب ليليان وقاله : انت هتقعد كده بس مش هتعمل حاجه نادر : هو انا المفروض اعمل ايه زين بتريقه : يعنى تجيب ميه وملح وتقرا عليهم ولا تعمل تعويزه علشان تطرد العفريته نادر رد عليه صدمه : بس انت معندكش عفاريت زين قام وقف وليليان بصتله قوى: شوفت مش انا قولتلك نا مش عفريته زين بصلها: والله لو ما سكتى لقتل نفسى عشان ابقى عفريت واقتلك سامعه اخرسى خالص اما اشوف بيقول ايه ده كمان نادر ضحك : ممكن تهدى وتسمعنى زين بعصبيه : اهدى ايه انا قولت اكيد انت كمان نصاب زيهم !!!مافيش عفريته ازاى والى ق*فانى فى عشتى دى مين خيالى نادر : استاذ زين الى هنا صحيح روح بس مش ميته زين وليليان قعدوا وبصوله زين قاله: يعنى ايه انا مش فاهم نادر بهدوء: افهمك ..الروح الموجوده هنا فيها طاقه ايجابيه استحاله تكون فى ميته ابدا فيما معناه ان الى عندك اصلا مش روح دى انسانه وموجوده فى الدنيا زى وزيك وحاجه من الاتنين يااما عندها قدره انها تكون خفيه او تكون من النوع الى روحه بتفاق جسمه وترجعله تانى وطلعت ومعرفتش ترجع لجسمها وانا ارجح التانيه ليليان بصت لزين : يعنى انا مش ميته رد عليها نادر : لا مش ميته زين بصله هو وليليان بدهشه واتكلموا مع بعض : انت شايفها نادر ابتسم : لا مش شايفها بس تقدر تقول انى بقدر اترجم الطاقه الموجوده حوليها وبفهم منها الحوار زين : المهم اخلص منها ازاى لانى مش فاهم حاجه نادر : المشكله مش تخلص منها ازاى المشكلة هى عايزه ايه زين بصلها ورجع بصله : دى مكانتش فكره اسمها هتعرف هى عايزه ايه ليليان اتنرفزت عليه : على فكره انا مش مبسوطه بقعدتى معاك ولا عايزها بس انا مش قادره افتكر اى حاجه عنى زين : وانا اعمل ايه انزل اسال عنك الناس واقولهم عندى عفريته مش عفريته محدش يعرفها هى مين نادر قام ووقف قصاد زبن : استاذ زين هى ممكن تكون محتاجه منك تساعدها واخترتك لسبب معين زين افتكر حلمه الى حلم بيه بملك بص بسرعه نحيت ليليان لقها لبسه نفس الفستان الازرق غمض عنيه وافكر ملك وهى بتقوله : ساعدها هى محتجالك فتح عنيه وقال ليليان :هساعدك تعرفى انتى مين وايه حكايتك ليليان ابتسمت وقالتله : بجد طيب هنعمل ايه نادر بص لزين : انا كده مهمتى خلصت ولو احتجت اى حاجه كلمنى زين : متشكر قوى ياستاذ نادر نادر : العفو ده شغلى عن اذنك زين : طيب استنى ثانيه حساب حضرتك ايه نادر ابتسم : انا معملتش حاجه اخد عليها فلوس يالا سلام زين وصله للباب: مع السلامه قفل الباب ووقف يكلم نفسه : ياترى ياملك تعرفيها منين علشان تقوليلى اساعدها ليليان نادت عليه : زين هو المفروض نعمل ايه زين استغرب اسمه منها وحس احساس غريب بس تجاهله بصلها وقالها : مش عارف هبدأ منين بس اعتقد ياهنسال الجيران ياالسمسار الى اجرلى الشقه اكيد عنده اى معلومه بما ان الشقه بتاعتك بس الاول تعالى ندور على اى حاجه فى الشقه ممكن تعرفنا مكانك فين ليليان بصتله: انا لحد دلوقت مش فاهمه ازاى انا عايشه وازاى ابقى خفيه كده ومحدش شايفنى غيرك زين قرب وقف قدمها : هنعرف اكيد فى تفسير لكده يالا نحاول نعرف اى حاجه ليليان : يالا قام زين فضل يلف فى البيت ويدور فى كل درج واى حاجه تقبله بس ملقاش ولا حتى صوره زين قعد تعبان من كتر اللف والتدوير وبص لليليان: مش لاقى اى حاجه مافيش قدامى الا الجيران ليليان: معقول هتنزل تخبط على الناس تسالهم عنى زين قام وراح نحية الباب : عندك حل تانى وفعلا نزل خبط على الشقه الى تحته فتحله واحد كبير عمال يكح كتيييير زين مش عارف يتكلم من كتر الراجل ماعمال يكح بص لليليان الى وقفه عماله تضحك فين وفين الراجل سكت : سلامتك ياحج الراجل : الله يسلمك يابنى !! انت مين زين?? : انا جارك فى الشقه الى فوق لسه ماجرها قريب الراجل : وعايز ايه منى ايه كحتى عملتلك ازعاج زين : لا ياحاج انا كنت عايز اسالك على حاجه تانيه ملهاش علاقه بكحتك خالص الراجل بزهق : طيب قول وخلصنى زين نفسه يقوم يخنقه : الى كانوا ساكنين قبلى تعرفهم الراجل : لا !! دى عماره فقر مش ساكن فيها الى الناس الهم كل شويه حد يخبط عليا ويقولى وطى صوتك وانت بتكح اوطيه ازاى يعنى مش فاهم يالا بلا ق*ف عليهم ناس قليلة الزوق والاخلاق و زين قاطعه لما لاقاه مش هيفصل : شكرا ياحاج عن اذنك وقبل ماالراجل يرد قال ليليان : يالا ده مش هيفصل الراجل وقف استغرب : هو كان بيكلم مين ؛!! ده شكله مجنون زين راح خبط على الجيران كلهم ومحدش فاده بحاجه لان علاقتهم لليليان صباح الخير مساء الخير اخر مازهق طلع على شقه وهو داخل لاقى ست كبيره طالعه وراه وبتفتح الشقه الى قصاده راح عليها زين. : السلام عليكم ياحجه الست لفتله : وعليكم السلام زين : انا زين ساكن فى الشقه الى قصادك انا خبط عليكى بس ملقتش حد الست : اه يابنى كنت قعده عند بنتى انا خالتك ام وائل زين : اهلا ياحجه انا كنت محتاج اسألك على حاجه ام وائل : اامر يابنى زين : الامر لله هما الى كانوا ساكنين قبلى تعرفيهم ام وائل بزعل : اه اعرفهم الله يمسيهم بالخير لليليان انتبهت وبتحاول تفتكرها بس مش قادره زين : زهما فين ياحاجه ومين اصلا الى كان ساكن ام وائل: الحاج حسن وبنته ليليان زين بص بنص عين ليليان علشان الست متخدش بالها وكما كلامه : وهما فين الاقيهم فين ام وائل: خير يابنى هو فى حاجه زين مش عارف يقولها ايه ليليان قالتله: قولها انك لقيت ورق وفلوس فى الشقه وعايزهم علشان كده زين سمع كلامها : مافيش ياحجه كنت لقيت ورق وفلوس فى الشقه وعايز ارجعهم للحج حسن تعرفى عنوانهم ام وائل: لا والله يابنى بقالى فتره كبيره بتصل لليليان وتليفونها غير متاح ومش عارفه راحوا فين فجاه اختفوا وعرفت انهم اجروا الشقه مع ان محدش كان بيسال عليا غير ليليان واجنن واعرف ابه الى حصل زين بخيبة امل : طيب ممكن تليفونها يمكن يتفتح ام وائل: اه يابنى خد طلعه من تليفونى مكتوب ليليان زين اخد منها التليفون اخد منه الرقم وشكرها ودخل شقته وليليان وراه زين بصلها : مفتكرتيش ام وائل دى ليليان شورت لا براسها : مش عارفها ولا فاكره بابا الى بتقول عليه يمكن لو شفته افتكر زين : طيب دلوقت مافيش قدمنا غير السمسار هتصل بيه يمكن يعرف حاجه وفعلا اتصل بالسمسار : الو ازيك ياعم مهيب مهيب: الله يسلمك يااستاذ زين خير الشقه فيها حاجه زين : لا مافيهاش بس كنت عايز منك خدمه مهيب : أؤمرنى زين : الامر لله كنت عايز رقم صاحب الشقه مهيب : ليه ياستاذ زين فى حاجه زين برده مش عارف يقوله ايه فكر يقوله نفس الكلام الى قاله لام وائل : مافيش لقيت ورق وفلوس فى الشقه وعايز ارجعهم ليه مهيب : انا معايا رقم عم حسن هبعتهولك فى رساله زين فرح : طيب متشكر قوى مع السلامه قفل معاه وثوانى وجتله رساله فيها رقم عم حسن ابو ليليان زين بص ليليان : بعتلى رقم باباكى ليليان جت وقفت قدامه ؛ طيب اتصل يالا بسرعه زين ابتسم : تدفعى كام ليليان: انت بتهزر يازين يالا بقى زين بصلها وسرح شويه فيها وفى الاحساس الى بدأ يحسه نحيتها بس ليوقف نفسه ليليان لما لقيته مسهم فيها اتحرجت وزعت علشان ميركزش معاها : ياالا بقى اتصل زين بصلها بغيظ : ما بالراحه شويه هتصل اهو اتصل زين رن اول مره ومحدش رد اتصل تانى الخط اتفتح ورد عليه عم حسن : السلام عليكم زين : وعليكم السلام ازيك ياحج حسن عم حسن: الله يسلمك يابنى مين معايا زين : انا زين الى ماجر شقه حضرتك عم حسن: اه اهلا يابنى خير الشقه فيها حاجه زين : لا ابدا انا بس كنت عايزك فى موضوع مهم ممكن اجيلك عم حسن : تشرف يابنى انا بس مش هينفع اقابلك دلوقت عندى ظروف ممكن بليل زين : تمام مافيش مشكله اجيلك فين عم حسن: عارف قهوت (.....) الى جنبها مستشفى دار السلام زين : اه عارفها عم حسن: هستناك هناك على الساعه ٩كويس زين : كويس قوى مع السلامه زين قفل معاه وقال لليليان انهم هيروحوا على ٩ ليليان قعدت على الكنبه وسرحت فى باباها ده الى مش فاكراه يمكن لو شافته تفتكر زين راح قعد جنبها : ممكن تقوليلى لما اروح اقوله ايه ليليان: قوله الحقيقة طبعا زين بتريقه : معاكى حق اروح اقولك مساء الخير ياحج هى بنتك فين اصل انا طلعلى عفريتها ولزقالى ليليان اتعصبت عليه : برده هتقول عفريته زين : امال اقول ايه قوليلى ليليان سكتت علشان هى كمان مش عارفه شويه وتليفونه رن كان ياسين زين رد : الو ياسين: ايوا يازين انا وصلت ابعتلى العنوان زين : حمد الله على السلامه حاضر اقفل وابعتلك العنوان قفل معاه وبص لليليان: اخويا جاى مش عايز اشوف ترفك لحد مانروح لابوكى سامعه انا مش ناقص وجع دماغ ليليان مردش عليه وبصت الجنب التانى شويه وياسين وصل زين اخده فى حضنه : حمدالله على السلامه ياحبيبى ياسين: الله يسلمك اخبارك ايه طمنى عليك زين: انا كويس الحمد لله تعالى قعد قولى ماما وبابا عاملين ايه ياسين: الحمد لاه كويس اطمن المهم انت عامل ايه انا حاسس انك الحمد لله احسن زين انتبه لنفسه فعلا مبقاش تعبان زى الاول معقول نسى ملك لالا مش ممكن ينساها اومال ماله يمكن علشان مشغول بموضوع ليليان الى ظهرت فجاه لخبطت حياته ياسين مش عارف زين ماله بس حاسس بتغير فيه لما سكوته طال ياسين قاله: مالك يازين فى حاجه مخبيها عليا زين : لا ابدا مافيش حاجه انا بس فرحان انى شوفتك بقولك ايه ماتيجى اعزمك على الغدا بره وبعدين تيجى ترتاح ياسين ابتسم : ماشى ياغالى يالا نزل زين وياسين راحوا مطعم وطلبوا الاكل وبدأوا يكلوا وهما بيتكلموا مع بعض زين سكت فجاه وبص جنبه لقى ليليان فضل باصص لها مش عارف يتكلم علشان ياسين بس ياسين لاحظ انه بيبص على حاجه جنبه بس مافيش حاجه ياسين خبط على ايده : مالك يازين بتبص على ايه جنبك زين بيحاول مايبينش : ها لا ابدا مافيش حاجه مهمه كمل كنت بتقولى ايه ليليان : زين قوم هتتاخر على بابا زين اتكلم وهو باصص على ياسين: لسه بدرى ياسين : بتقول حاجه يازين زين ابتسم بتوتر : لا ابدا ليليان : يازين قوم قوم قوم بقى هنتاخر زين بصلها واتعصب : قولتلك لسه بدرى يخرب بيت زنك ياسين المعلقه وقعت منه وتنح لزين : انت بتكلم مين يازين زين بعصبيه : مالكش دعوه ياياسين خليك فى اكلك ياسين خاف على اخوه هو حاسس انه مش مضبوط : انا اخوك يازين قولى متخبيش عليا ليليان: اوعى تقوله هيقول عليك مجنون وعقلك خف زين اتعصب اكتر : انت مالك ياشيخه الله يخربيت الساعه الى شوفتك فيها ياسين قام : قوم معايا يازين نروح زين : اقعد كمل اكلك ياياسين ياسين بت**يم : لا قوم نروح لدكتور انا من ساعت مكلمتك فى التليفون وانا مش مرتاح زين : قصدك ايه انى اتجننت ياسين: لا يازين متجننتش بس فى حاجه مش مضبوطه فيك من ساعت موت ملك وانا مش هستنى لما توصل للجنون ليليان بصت لزين قوى : من ملك يازين دى حبيبتك زين بصلها وخلاص جاب اخره زعق فيها :ملكيش دعوه بيا انتى سامعه ابعدى عنى بقى سابها ومشى وياسين متنح ومش عارف هو بيكلم مين شويه واستوعب ان زين مشى فجرى وراه زين روح البيت وعمال يلف حوالين نفسه مش عارف هو ماله بس فكرت ان حاجه شغلته عن ملك وتفكيره فيها جننته وقف يكلم نفسه: ازاى تنسى حب عمرك ازاى تيجى واحده اين كانت هى مين تنسيك مراتك الى ماتت مكانك اززززززى ليليان كانت وقفه جنبه من غير مايشوفها وقلبها وجعها عليه قوى بس غصب عنها نفسها تمشى ومش عارفه ولا فاهمه حاجه شويه وياسين وصل ودخل يجرى على اخوه ياسين : مالك يازين فيك ايه ياحبيبى قولى زين لسه بيلف حولين نفسه ومبيتكلمش ياسين: يازين رد عليا متخوفنيش عليك زين بصله : ليه خايف اموت نفسى ؟متخفش لسه متجننتش للدرجادى ياسين: محدش قال عليك اتجننت انت اعصابك تعبانه بس زين بعصبية: انا اعصابى مش تعبانه ولا حاجه انا انا !! مش عارف مالى (لف بص لليليان)انتى السبب بسببك معندش بفكر فى مراتى نسيتها علشان اعرف حكيتك ايه نسيت حزنى عليها ووجع قلبى على موتها ليليان: وانا عملت ايه كل الى انا غيه غصب عنى صدقنى مش بايدى انت لايمكن تتخيل انا حاسه بايه وانا عامله زى التايه الى مش لقيه نفسها قولى اعمل ايه (وفضلت تعيط ) ياسين وقف قصاده بزهول : انا عايز اعرف انت بتكلم مين زين : ولو قولتلك هتصدقنى ولا هتقول عليا مجنون وتخدنى على مستشفى المجانين ياسين كرر كلامه تانى : انت بتكلم مين يازين زين بص لليليان الى عماله تعيط : هقولك ياياسين هقولك على كل حاجه ....... زين حكاله كل حاجه من اول ماحلم بملك لحد النهارده وطول الوقت وياسين مسهم ومبيعلمش اى رد فعل زين خلص كلامه وبص ياسين : ساكت ليه مش مصدق صح ياسين : بصراحه مش عارف بس يمكن يازين زعلك على ملك مهيئلك حاجات مش اكتر زين : مهيئلى!!!! طيب انا متهيالى واستاذ نادر الى رد عليها قدامى بيتهيئله برده ياسين اتعصب :انت مصدق نفسك مانت لسه قايل بنفسك انهم نصابين وبيشتغلوا الناس زين : ايوا فعلا وده يثبتلك ان لما اقول على حد كويس هيكون فعلا كويس لانى شوفت النصاب وشوفت الى بيفهم ياسين هيجن اخوه خلاص عقله طار : يازين ياحبيبى صدقنى كل الى انت فيه ده ضغط نفسى مش اكتر انت تقوم ترجع معايا البيت وكل حاجه هتبقى كويسه ليليان قامت متعصبه وكان فيه قدمها فازه رمتها فى الارض وهى بتزعق : كفايه بقى حرام عليكوا محدش حاسس بالى انا فيه ليه ياسين رجع لورى وجتله حاله زهول اول ما الفازه وقعت زين بصلها : اهدى ياليليان اهدى كل حاجه هتبقى كويسه ياسين مسك ايد زين وشده عليه وبصوت مرعوش: هى الى رمت الفازه فى الارض زين باستهزاء : لا الفازه طارت لوحدها انت بيتهيالك ياسين: زين انت فعلا كل الى حكتهولى صحيح زبن بقلة صبر : اومال انا بحكى ايه من الصبح ليليان: زين انت هتروح لبابا ولا لأ زين بص فى ساعته : هنزل اروح انا وياسين دلوقت ياسين : اجى معاك فين زين : لعم حسن ابو ليليان _______________________ عند عم حسن كان قاعد مستنى زين على القهوه الى قاله عليها كانت ملامحه كلها حزينه وسرحان شويه ولقى اتنين بيسالوا عليه ناده عليهم عم حسن : تعالا يابنى انا اهو اتفضل زين وياسين راحوا سلموا عليه ليليان واقفه بصاله حاسه انها عرفاه بس مش فاكره قوى قالت لنفسها مش مهم المهم انى عارفه انوا ابويا زين بصلها لقها سرحانه فى عم حسن انتهز ان ابوها بينادى للجرسون وسالها : افتكرتى حاجه ليليان: لا بس حاسه انى عرفاه عم حسن كان بيكلم بحزن واضح جدا : اهلا وسهلا بيكم خير انشاء الله من فيكم الى اتصل بيا زين شايف حزنه : انا ياعم حسن الى اتصلت بيك عم حسن: خير يابنى زين بص لياسين وليليان مش عارف يقوله ايه ياسين جاتله فكره غمز لزين وقال لعم حسن : كنا جاين ياراجل ياطيب نطلب ايد بنتك ليليان لزين زين تنح وبص لياسين وليليان بصتله قوى زوقالت لزين: هو اخوك ده اهبل زين سمعها ومردش وبص لعم حسن الى قاله باستغراب : بينتى انتوا تعرفوها منين زين : بصرحه منعرفهاش بس سمعنا عنها كل خير عم حسن بص للارض بحزن وبص لزين وقاله ياريت يابنى كان نفسى افرح بيها زين بسرعه : قصدك ايه هى جرلها حاجه عم حسن بحزن : تعالوا معايا قاموا كلهم وهما مستغربين هو اخدهم فين والى زاد دهشتهم انوا دخلهم المستشفى فضلوا ماشين وراه لحد مادخلوا اوضه وكانت المفاجاه .............

Free reading for new users

Scan code to download app

App Store Google Play

Facebookexpand_more