*Crash!*
Napitlag ang lahat ng kasama ko sa mansyon nang mabitawan ko ang iniinuman kong baso na iniregalo pa sa akin noon ni Kleo para sa aking kaarawan.
"Sorry," paumanhin ko sa kanila saka yumuko para damputin ang mga basag na piraso ng basong iyon pero hindi sinasadya na matusok ako ng patulis na bubog kaya nasugatan ako. nito.
Napatitig ako sa pagkapula ng aking dugo kasabay any malakas na pagkabog ng aking puso. Sa hindi malaman na dahilan ay bigla na lang ako kinutuban ng masama. Napahawak ako sa tapat ng aking puso at pakiramdam ko ay may isang importanteng tao na naman ang mawawala sa akin.
"Ayos ka lang ba, Naomi?" nag-aalalang tanong ni Chocolat at siya na mismo ang nagwalis ng basag na baso sa sahig. "Bakit mo kasi dinampot pa ang mga iyan? Ayan! Nasugatan ka tuloy."
Hin
