Twenty Six
Grayson
"Hay, isa nga rin itong Venzon. Walang dapat ipagduda." Natatawang ani ni Uncle Hank habang pinagmamasdan ang wasak na bar area kung saan nakatulog si Amelic.
Kumawala ang marahas kong buntong hininga saka ko binalingan ang kakambal kong si Crayson. Kunot ang aking noo at nakaigting ang aking panga ngunit ang magaling kong kapatid ay ngumisi lamang saka itinaas ang kanyang mga kamay na tila sumusuko.
"Umalis lang ako sandali para kausapin si Alpha Reighver. Anong nangyari sa anak ko, Crayson?!" May pagtitimpi ko pang tanong.
"Tol, sinundo ko lang si Knight. Pagbalik ko, boom! Your son had already claimed his rights to be called a Venzon." Depensa ng damuho kong kapatid. Ako ang nahimlay ng matagal na panahon pero bakit parang ang isang ito ang hindi natuto sa buhay?
