[MANDY]
Si Vier ang nagpapanggap na si Rodney. Kakaibang kilabot tuloy ang nararamdaman ko ngayon. Hindi ko maintindihan. Paanong naging siya si Rodney? At kailan pa siya nagpapanggap na si Rodney? At higit sa lahat, ano ang nangyari sa totoong Rodney?
Nasaan siya?
Iyon ang gusto kong itanong sa kanya ngayon, habang nandito kami sa kusina ng condo unit kung nasaan kami. Gustong-gusto ko na siyang tanungin kung ano ang nangyari sa asawa ko, pero bigla rin naman akong nawalan ng boses. Ni hindi nga rin ako makakilos ngayon dahil sa mga nalaman ko. Nanginginig ang mga kamay at mga tuhod ko pero parang naestatwa rin ako.
"Sayang, Mandy. Ayoko sanang malaman mo kung sino talaga ako, dahil alam kong mas may chance akong mapasakin ka kung ako si Rodney, ang asawa mo. Pero mukhang iba nga yata
