[MANDY]
"...kailangan natin siyang gawing Devial."
"HINDI AKO PAPAYAG." Napatayo pa talaga ako nang sabihin ko ang pagtutol ko dahil kahit kailan hindi mangyayari ang suggestion nila para sa anak ko. "Habang nabubuhay ako, hindi magiging Devial ang anak ko, Aldy. Kaya 'wag niyo nang subukan."
Sinamaan ko na sila ng tingin dahil sa naisip niya kasama ng Daddy niya. "Magkamatayan na tayo rito, pero hindi ako papayag na gawin niyong isang Devial ang anak ko. Pasensiya na kayo kung ganito ako kakontra, at wala akong masamang ibig sabihin doon patungkol sa mga Devial, lalo na at parehong Devial na sina Dark at Aaron, pero hindi ako papayag na gawin niyong katulad nila si Denzel. Ayokong maranasan niya ang narasanan ng ama niya. Hinding-hindi iyon mangyayari habang ako ang nanay ng anak ko."
