[MANDY]
Madaling araw pa lang kinabukasan ay dumating na ang tatlo sakay ng isang malaking puting SUV. As usual gulat ang buong pamilya ko (at ang mga usyuserang mga kapitbahay namin) nang makita sila Dark, Aldy, at Vier. Sino bang hindi matutulala sa mga 'to?
Para kasi silang mga Diyos ng s*x Appeal na nag-stroll dito sa lupa. Akala mo'y mga artistang nag-community outreach ang mga bweset eh. Talagang kapansin-pansin sila lalo na rito sa lugar namin na wala naman masyadong mga gwapo't magaganda. Nakangiti si Vier at tumango sa'kin nang makalapit sila. At sa suot niyang casual wear na white polo shirt at shorts ay mas naging kapansin-pansin ang pagiging malinis nito sa katawan. Siya 'yung matatawag mong boy next door, habang si Aldy naman ay younger version ni Dark na masungit, tahimik,
