[MANDY]
Gulat na gulat ako sa nakikita ko ngayon. Hindi kasi ako makapaniwala na hindi rin pala normal na tao ang batang si Aaron. Sa itsura niya ngayon, sure ako na hindi ito cosplay lang. Talagang totoo itong nakikita kong mala-halimaw na itsura niya ngayon. Akala ko nga wala na ako sa real world kung hindi nasa loob na ako ng isang fantasy movie eh. Ang dalawa kasing lalaking nag-aaway kani-kanina lang ay pareho nang natigilan ngayon habang nakatingin sa'kin. Napatakip naman ako ng bibig dahil sa mga itsura nila.
Ang mga matutulis nilang kuko, ang mga pangil nila, at ang kulay ng kanilang balat ay iisa lang ang ipinahihiwatig--- na silang dalawa nga ay ang tinatawag ni Aldy na Devial, katulad ng kinuwento sa akin ni Dark noon. Mga kalahi sila nina Dark na namatay na tapos pinakain sa
