Gabi pa lang ay hinanda ko na ang susuotin kong dress para sa acquaintance party bukas ng gabi. Nag-aalala pa rin ako na baka hindi makapunta si Kuya Mark pero bahala na! Kung hindi siya pupunta ay wala naman akong magagawa. Magpapaliwanag na lang ako kung bakit wala akong magiging escort kung sakaling hindi nga siya makakarating.
Nang natapos akong makapili ng isusuot ko sa party ay nakita ko ang binili kong mask na alam kong babagay sa kahit na anong dress na meron ako. Itinaas ko ang mask at saka tinapat sa mukha ko. Kita naman ang kalahati ng mukha ko kaya napangiti ako nang makita ang itsura ko sa salamin. Siguradong makikilala ako ni Kuya Mark kahit na may suot pa akong mask.
Nang maalala ko siya ay agad na kinuha ko ang phone ko at nagpasyang i-text sa kanya ang detalye ng pwede n
