“Congratulations, Miss Ross. And welcome to the Golden Spoon…”
Hanggang ngayon ay ngiting-ngiti pa rin ako habang binabalikan sa isip ang mga sinabi ng staff na nag-interview sa akin kanina sa restaurant. Kasalukuyan kaming nakasakay ni Blessie sa jeep papunta sa Cocktailify. Gusto kong ilibre siya ng tanghalian dahil pareho kaming hindi pa kumakain ng lunch pero tumanggi siya at nagprisinta na siya ang manlilibre sa akin. Mukhang hindi pa rin siya nakakalimot sa ginawa sa akin ng boyfriend niya kaya gusto niyang bumawi sa akin sa paraan na kaya niya kaya hinayaan ko na.
Muling napangiti ako nang maalala na naman ang resulta ng job interview ko. Bukas ng gabi ay magsisimula na ang duty ko sa restaurant nila.
Dahil ayaw kong magsinungaling at basta na lang aalis pagkatapos ng dalawang l
