Narinig kong tinawag nila ang pangalan ko pero hindi ko na maintindihan ang nangyayari sa paligid ko.
Umiikot ang paningin ko nang idilat ko ang mata ko. Nakita kong nakikipaglaban si Range kay Ela. Sinubukan kong tumayo pero napangiwi ako sa sakit dahil pilay ang paa ko at hindi ko mai-angat ang isang kamay ko.
“Ate!”
Napalingon ako sa gawi nila Jax at Basil. Tumatakbo sila papalapit sa akin pero malabo sila sa paningin ko kaya’t pumikit muli ako at ininda ko ang sakit na nararamdaman ko.
“How dare you!”
Narinig kong sumigaw ng malakas si Ela, halata ang galit sa tono ng boses. Napa-angat ako ng mukha at nagulat ako nang makita kong hawak ni Range ang isang puno at hinampas niya ito kay Ela. Napa-awang ang mga labi ko. Kahit nahihilo ay hindi ko maiwasan na humanga sa taglay na l
