“GET OUT OF HERE!”
Tinulak kami ni Range at pinauna niya kami. Siya ang humarap sa matanda at pinaulanan niya ito ng bala. Gusto kong tumulong pero hinatak na ako ni Basil sa kabilang kamay ko, dahilan kung bakit nabitawan ako ni Keane.
“What is that thing?!”
Napalingon ako sa likuran ko upang tignan ko ang itsura ng matanda. Hindi na siya payat katulad ng kanina. Ang anyo niya ngayon ay higante. Maliit ang kaniyang paa pero ang dibdib niya ay halos sumabog na sa laki ng mga ugat na bumabakat. Sinuntok-suntok niya ang kaniyang malapad na katawan, parang isang gorilla bago niya kami habulin gamit ang kaniyang mga kamay na malalaki.
“That’s a Class 4! His name is Bunker! They look like Bevils, but more stronger and bigger! They have small feet but they use their enormous hands to run.
