Ilang linggo na ang nakakaraan bago ang kasal namin dito sa Tagaytag ay may dumating na bisitang hindi namin inaasahan.
"Dad, bakit n'yo po kami ipinatawag?" tanong ni Theo nang makarating kami sa mansyon.
Kakasundo lang ni Theo sa akin mula sa trabaho at dito kami dumiretso dahil tinawagan kami ni papa.
"May gustong kumausap sa atin. At importanteng kumpleto tayong lahat," ani papa.
Maya maya ay dumating ang parents ni Theo kasama si Ria. Pumasok na rin sina Ate Janice at Rain.
Napatingin ako sa babaeng nakaupo sa upuang nasa harapan namin. Sa ayos pa lang nito ay alam mo ng may sinasabi sa buhay. Sino kaya ang babaeng 'to? At bakit kailangang narito kaming lahat?
"Go ahead, Miss Esteban," sabi pa ni papa sa babae na iminuwestra pa ang kamay.
"Ako si Caroline Esteban. Ako ang anak
