حازم: ايه رأيك فى ماما ومحمود؟
رغد: طيبين جدآ ويتحبوا، طمنونى انى هعيش فى وسط ناس حلوة كده.
حازم: الحمدلله ،وفاء كمان هتحبيها.
رغد: انا خلاص حبيتها فعلآ، بس نرجس دى اللى مش مرتاحلها.
حازم: مش انا قولتلك.
رغد: انا مستغرباها اوى ، حتى لو شيفانى حاطة ميك اب المفروض متحرجنيش.
حازم:هى عارفة انك مش حاطة بس بتضايقك وخلاص.
رغد: طب ليه بقى ؟
حازم: غيرة.
رغد: طب وهتغير منى ليه انا سلفتها مش ضرتها يعنى.
حازم: بيتهيئلى اللى زى نرجس دى تغير من سلايفها اكتر من ضرتها.
رغد: هههههههه للدرجة دى ؟
حازم: وأكتر ، دى كانت مكرهة وفاء فى عيشتها ومعيشانا فى حرب، وتتهم وفاء بحاجات معملتهاش، وللأسف كنا ساعات بنصدقها لإننا كنا لسه معرفناش وفاء كويس، بس لما عرفنا الاتنين على حقيقتهم وبدأنا ناخد حذرنا من كل كلمة نرجس بتقولها، بطلت تقول وبطلت تحور وبدأت تسحب ناعم مع وفاء تانى.
رغد: طب وفاء سامحتها؟
حازم:
