DAHAN-DAHAN na umupo si Aggie, at bahagyang pinag-iisipan kung tama ba ang desisyon ng ama niya.
"Anak, ano ang iniisip mo?" malungkot na tanong ng ama niya at umupo ito sa kanyang tabi.
"Iniisip ko kung tama ba na ibenta ang kalabaw mo. Alam ko kasi na mahal na mahal mo iyon at siya lang ang inaasahan natin sa pang-araw-araw na kabuhayan. At 'yong palayan-----"
Hindi na tinuloy ni Aggie ang sasabihin niya dahil umiiral sa isip niya ang kapakanan ng Mama niya.
"Huwag mo munang isipin ang bukas, Aggie. Ang sa ngayon ay kaligtasan muna ng mama mo ang iisipin natin." Mahal na mahal ni Lucio ang asawa niya kaya handa siyang mawala ang lahat huwag lang ang kanyang maybahay.
"Sige, Papa. Ikaw na lang ang umuwi sa atin dito na lang ako para may nagbabantay kay Mama," nakayuko niyang pah
