DAHANG-DAHAN kong iminulat ang mga mata ko kasabay niyon ay ang pagtama ng sikat ng araw doon. Muli akong napapapikit at uminat habang humihikab dahil gusto pang muling matulog ng diwa ko. Iminulat ko mula ang mga mata ko at tumingin sa kulay puting kisame. Bigla akong natulala nang maalala ko ang lahat ng nangyari nang nagdaang gabi, pagkatapos ay puminta ang ngiti sa mga labi ko dulot ng sayang bumalik sa puso ko na naramdaman ko rin nang gabing iyon. Dahil sa labis na galak, nagpagulong-gulong ako sa kama habang inaalala ang magagandang tagpong nangyari sa party na iyon. Ano ba 'tong nangyayari sa akin? Para akong temang. Tumigil ako sa ginagawa ko, saka natahimik ulit. Bakit ganito ang reaction ko? Kinikilig ba ako o natutuwa lang? Natutuwa lang siguro ako kaya ganito ako. Unang bese