Habang nagpapatuyo ng buhok si Shara gamit ang tuwalya, naisipan niyang buksan ang kanyang cellphone upang silipin ang social media. Agad siyang napakunot-noo nang bumulaga sa kanyang news feed ang isang viral post na puno ng galit at akusasyon laban sa kanya. Isa itong mahabang rant mula sa isang f*******: user na kilalang-kilala niya. Ayon sa post, siya raw ay protektor ni The Cleaner at isa lamang daw siyang mukhang pera.
Agad niyang naalala kung sino ang nag-post—isa ito sa mga nakiramay sa burol ni Glenda noong gabing pinatay sina Carla at Bea. Isa rin ito sa kanyang pinatawag noon para sa imbestigasyon.
Habang binabasa niya ang mga komento sa post, tila unti-unting bumaon ang mga salitang nakasulat sa kanyang dibdib.
“Idol ko pa naman yang Detective Shara na ‘yan! Napakakitid pa
