Kinabukasan ay nagising si Amanda sa katok pintuan. Bumangon ito at binuksan nito ang pinto. Nabungaran nito si Manang.
"Amanda, kumusta ka?" tanong ni Manang ng may pag-aalala sa mukha.
Hindi sumagot si Amanda, bagkus ay niyakap na lamang niya ito.
"Hija, ang mahalaga ay nakauwi ka na at makakapagtapos ka na ng pag-aaral. Mabuti pa siguro doon ka na sa bahay mag-almusal, sabayan mo na kami," pag-anyaya ni Manang.
"Sige po, Manang. Susunod na po ako," pagsang ayon ni Amanda.
Nagsuklay at nag-toothbrush si Amanda bago nagtungo sa bahay nila manang.
"Magandang umaga po," bati ni Amanda nang naķapasok na siya sa loob ng bahay nila manang.
"Ikaw pala, Amanda. Kumusta ka na?" tanong ni manong.
"Okay lang po ako, " pilit na ngiting tugon ng dalaga.
"Mabuti pa maupo ka na at ng makakai
