Habang yakap-yakap ako nina Knov na walang tigil sa pag-iyak alam kung nakatingin sa akin ang mga pamilya ko. Ramdam ko ang paghaplos nila sa likod ko. Kapatid na ang turing ko sa kanila at hinding-hindi na ito magbabago kahit kailan.
"Hindi pa kami patay para iyakan mo ng ganyan Celine," gusto kung matawa dahil sa sinabi ni Tetsuya na nasa gilid ko. Kaagad akung kumalas sa pagkakayakap sa kanila at mahina itong hinampas. "Bakit ka maraming sugat! Bakit ganyan ang mukha mo!" kaagad na sigaw ni Tetsuya ng mapagmasdan nito ng malapitan ang mukha ko. Dahil sa sinabi nito kaagad akung tinignan nina Kite at Knov na kaagad nagpakunot sa mukha nila.
"Iniwan ka namin sa isla para hindi ka masaktan tapos mas malala pa ang sugat mo sa amin!" kaagad na hinawakan ni Knov ang panga ko at tinignan ang
