Abala ako sa kakatingin sa blue print ng isang building na binigay sa akin ni Castel kanina, galing daw ito kay Daddy na pinabibigay sa akin upang pag-aralan ang building kung nasaan daw ang grupong iyon. Ano naman ang pag-aaralan ko dito?
Hindi naman ito ang building na kuta daw ng mga grupo ni Vincent. Sa malamang ako ang may pakana nito! Kagaya ng sinabi ni Kill kailangan naming iligaw sina Daddy upang kaming dalawa nalang ni Kill ang bahala sa kapatid nito.
Pinaikot-ikot ko ang lapis sa kamay ko habang nakabusangot dahil aalis kami mamaya upang puntahan ang building na ito. Hanggang ngayon tinatanong parin ako ng mga pinsan ko at ni Daddy kung sino iyong tumulong sa akin na kahit isa wala akung sinagot. Walang salita na lumabas sa mga bibig ko. Ayaw kung magsalita o magbitiw ng sal
