DUMATING kami ni Aless sa isang Isla kung saan iilan lang ang mga bahay na nakatayo at magkalayo pa. Nasa mahigit sampo lang lang yata ang mga taong nakatira sa Isla, pero dahil sa pagdating namin ni Aless at ng mga tauhan nito na sakay ng ibang boat ay nadagdagan ang tao sa Isla. At totoo nga na may nakaburol na isang matandang lalaki, nakahiga ito sa puting kabaong. Medyo madilim na nang dumating kami ni Aless, at dumiretso nga kami sa isang kubo kung saan ang lamay ng matanda.
Nakipaglaro ng baraha si Aless kasama ng kanyang mga tauhan, habang ako ay tamang panood lang habang nakaupo at napapasapak pa sa aking sarili dahil sa lamok, pero nang mapansin naman ni Aless na nilalamok ako ay agad nitong sinenyasan ang kanyang tauhan, at pinaypayan nga ako ng dalawang lalaki gamit ang punit n
