Third POV
NASA isang conference room si Deo sa kanyang hideout na nasa ilalim ng dagat at nakikipag-usap sa mga leaders ng iba't ibang grupo ng gang na kanyang sakop, pinag-uusapan nila ang tungkol sa nalalapit na anniversary ng kanyang pinamumunuang organisasyon, ang Black Sea Organization.
“Ipapakilala mo na ba sa amin ang magiging reyna mo sa gaganaping anniversary ng ating organisasyon?” tanong ng isang matandang lalaki, ang leader ng Red Ashes Clan.
“Ipakilala mo na dapat sa amin ang iyong magiging reyna,” wika naman ng isa, ang heneral ng kapulisan.
“Hindi puwede ang babaeng pinakilala mo sa media. Ang alam ko ay mahina ang babaeng 'yun, walang mga magulang. Dapat ang pipiliin mong babae para maging reyna mo ay 'yung babaeng malakas, makapangyarihan ang buong angkan,” wika naman
