"Kinasusuklaman niya ako, Jack..." malungkot na sabi nito.
Napatiim-bagang siya. "Pwes, ako rin! Ngayon pa lang kinasusuklaman ko siya! Bakit hindi mo ilaban ito sa korte, Maxine? Tutulungan kita,"
"Walang silbi, Jack. Kahit magsanib pwersa pa ang yaman natin, hindi siya matatalo. Napakayaman at makapangyarihan niya,"
"Sino ba 'yang lalaking 'yan?" gigil na tanong niya.
"Dimitri Finnegan,"
Parang narinig na niya ang pangalan na 'yon. Matunog nga.
Ginagap niya ang palad nito. "Maxine, simula ngayon, nangangako akong hindi na kita iiwan. Karamay mo ako. Hindi mo na haharapin ang problemang ito na ikaw lamang. Kung ganyan ngang makapangyarihan ang lalaking 'yan, wala tayong magagawa. Para sakanila ay nabibili ang batas. At wala tayong magagawa kundi sumunod. Hayaan mong ipakita ko ulit
