DIRETSO akong pumasok na sa loob ng kwarto ko. Ni-lock ko iyon pagsara ko baka kasi makaisip pa si Dax na pumasok. Bigla ko rin namang naalala na meron siyang susi at kahit anong oras niya gustuhin ay papasukin niya ang kwarto ko.
Nanlalagkit na ang mukha ko dahil sa makeup na kanina pa nasa mukha ko kaya agad akong pumunta sa banyo para maligo. Nagbabad ako sa bathtub para irelax ang katawan ko at baka sakaling mahimasmasan sa lahat ng naiisip at nararamdaman ko ngayon.
Pagkatapos ko maligo at makapagpatuyo ng buhok ay humiga na ako sa kama. Pakiramdam ko ay pagod na pagod ang katawang lupa ko sa lahat ng pangyayari kanina. Napakaraming nangyari sa ilang oras lang na lumipas, at halo halo pa ang emosyong naramdaman ko. Ang mga iyon ang naglalaro sa isip ko hanggang sa makatulog na
