Madaling araw na nang tuluyang umalis ang sasakyan mula sa Makati sa bahay ng mga La Huerta, sobrang dilim pa ng kalangitan dahil 3:30am pa lang naman kasi. May bahagyang lamig ang hangin habang tinatahak nila ang SLEX pabalik ng Batangas. Antok na antok pa talaga si Piper pero away siyang patulugin ni Jeric.
Halos sumasara na ang mga mata niya habang nakasandal sa passenger seat. Mabigat na mabigat ang talukap. Pagod ang katawan. Kulang sa tulog, lalo na matapos ang nangyari kagabi dahilan para mapuyat siya kakaisip kay Jeric. Naiinis siyang kung paano siya hindi tinantanan ni Jeric sa pang-aasar, panghahawak sa kamay niya, at pagpisil sa pisngi niya hanggang mamula. Halos hindi siya pinatulog sa kakabulong nito ng kung anu-ano sa gitna ng katahimikan ng biyahe nila.
“Don’t you dare,”
