Ramdam ni Veronica ang bigat ng katawan niya pero hindi dahil sa gamot dahil wala naman talagang gamot ang juice na nainom niya kundi dahil sa paraan ng pagkakabuhat sa kanya ni Kervin. Kung meron award ng best actress siguro panalo na siya. Hindi siya gumagalaw, hindi siya humihinga nang malalim. Kahit ang pagkurap… pinipigilan niya, pero ang isip niya—gising na gising.
Sa bawat hakbang ni Kervin, naririnig niya. Sa bawat paggalaw, nararamdaman niya at nang marinig niya ang pagbukas ng pinto ang pamilyar na langit-ngit alam na niya kung saan siya nito dinala.
Sa Barracks at tama ka na naman, Viper… bulong niya sa isip niya. Isang mahinang lagapak ang tumunog ng sumarado ang pinto, malamig na ang loob ng barrack mukhang kanina pa bukas ang aircon. Inihiga siya nito sa kama. Medyo manip
