Pakiramdam ni Piper unang araw pa lang niya gusto na niyang sumuko at umiyak na lang. Sa ilalim ng mainit na araw kahit pa naka longsleeve siya damang-dama pa rin niya ang init at iyon ang nag papahirap kay Piper bukod sa mabibigat na trabaho na binigay sa kanya sa unang araw pa lang niya. Ang kuwadra ng mga kabayo ang unang station ng kanyang bagong tungkulin bilang “Viper.” Wala nang ibang nakakaalam sa tunay niyang pagkatao—kahit sino sa mga tauhan ng hacienda ay naniniwala na siya mismo ang nakababalik na si Viper. Kaya’t bawat kilos, bawat hakbang, bawat utos na tinanggap niya, kailangan niyang panindigan. Kailangan niyang maging lalaki sa paningin ng lahat.
Huminga siya nang malalim bago hinawakan ang unang sako ng oat feeds. Kanina lang hay ang ibinababa nila, ngayon naman mas mabi
