"Huh? Bakit ganun, Lo?" Nagtatakang- tanong ni Pursue at bahagyang kumunot ang noo.
"Why? Is there any problem, Crazy?"
Bumaling siya ng tingin at itinuro ang Isla Buenavista na natatanaw na niya hindi kalayuan sa kanila. "Akala ko ba mag-a-ice cream date tayo, Lo? E bakit pabalik yata ang andar natin? Pabalik sa isla mo."
Ngunit hindi sumagot ang binata. Ngumiti lamang ito ng nakakaloko at kinindatan pa siya. Nagpatuloy lamang ito sa pagmando sa yate hanggang sa tumigil sila medyo malayo sa daungan ng Isla Buenavista.
Inilabas nito ang cellphone sa bulsa at may tinawagan. Nasundan na lamang niya ng tingin ang ginawa nito.
"Hello, Chase. I want you to bring us some ice cream here in my yacht." He paused. "Yes, in the yacht, you dummy. Nasa labas ako ng mansiyon." Nakita niya kung paan
