Kundiman's POV
Hindi ko alam kung ano ang nangyayari sa akin pero pakiramdam ko ay may isang nilalang na pumasok sa aking katauhan. Nasa peligro na ang aking mga kaibigan dahil kay Lourdes pero ako ay nanatili lamang na nakatayo at nakayuko nang mga oras na iyon.
At nangyari nga ang hindi ko inasahan dahil habang abala si Kring-Kring sa pagtatanggal ng mga baging na pumupulupot sa katawan ng aming mga kaibigan ay hindi ko magawang iangat ang aking ulo para tingnan ang kabuuan ng mga pangyayari sa aking harapan. Ni hindi ko nga maigalawa ang aking mga paa upang humakbang.
Bigla na lamang akong nagulat nang unti-unti ay bumibigkas ng isang kanta ang aking mga bibig. Nasaan ka, Irog ang kantang ito. Matagal ko nang alam ang kantang ito dahil sa panaginip ko ay kinakanta ito ng aking mga
