Magdamag s’yang umiyak dahil sa bwesit na lalaking ‘yon. Anong karapatan nito para pagsalitan s’ya nang ga’non. Hindi naman purki malaki ang utang niya rito ay pwede na nitong alipustahin ang pagkatao n’ya. Inis na inis s’ya rito na idinaan na lang n’ya sa pag-iyak buong gabi, kaya ito s’ya hindi makalabas dahil sa namamagang mata. Mukha s’yang zombieng puyat.
Nakasubsob pa rin s’ya sa kama nang may kumatok. Alam n’ya kung sino iyon dahil nagsalita rin ito, pero dahil sa inis n’ya ay nagkunwari s’yang walang narinig. Akala niya ay umalis na ito, pero hindi, dahil may pumihit ng siradura ng pinto. Napatayo s’ya sa kama at nagtama ang paningin nila ng lalaking nakatayo na ngayon sa kanya’ng harapan. Kitang-kita n’ya kung pa’nong umawang ang mapupulang labi nito habang hindi inaalis ang pagk
