Inis na inis na nagpapadyak si Celestine pabalik sa kwarto na nakalaan para sa kanya. Hindi siya makapaniwala na sigaw at pagsusungit lang ang mapapala niya mula sa binatang amo na binantayan at inalagaan niya buong magdamag. Napakawalang konsederasyon masyado ng lalaking iyon. At ang malas naman niya dahil dito pa siya nagkautang na loob. Inis na inis siya sa isiping magiging sunod-sunuran siya sa ganitong klase tao, at hindi n’ya pa alam kung hanggang kailan iyon magtatagal.
“Ay kalabaw!” muntik na s’yang mapasigaw sa gulat nang makarinig nang sunod-sunod na katok.
Hindi niya iyon pinansin at hinayaan lang dahil sa inis. Tumigil sandali sa pagkatok ang nasa labas, akala niya ay umalis na ito, pero hindi pa pala. Kumatok itong muli at mas malakas iyon kaysa sa una. Pakiramdam nga niya
