"Alauna ng madaling-araw, bumangon si Sabrina mula sa kanyang kama nang maramdaman ang panunuyo ng kanyang lalamunan. Mabilis niyang binuksan ang ilaw sa kwarto at pumunta sa kusina para kumuha ng tubig na maiinom.
Mabilis na naglakad si Sabrina sa pasilyo ng mansyon, ngunit bigla siyang napatigil nang maramdaman niyang may mga yabag na papalapit sa kanya. Agad siyang nagtago sa dingding nang mapansin si Hunter, kasama ang ilan pa nilang tauhan, na mabilis na nagtungo sa ikatlong palapag ng bahay. Kitang-kita niya ang galit sa mukha nito, na para bang may malaking problema.
Tahimik na sumusunod sa kanila si Sabrina upang makita kung saan sila patungo, ngunit natigilan siya nang mapansin niyang pumasok si Hunter sa isang silid kung saan mahigpit na ipinagbabawal ang pagpasok.
Mabilis siy
