"Nakatayo si Sabrina sa harap ng pinto, naghihintay sa paglabas ng doktor mula sa kwarto ni Hunter. Pagkaraan ng ilang sandali, mabilis niyang nilapitan ang lalaking kalalabas lang mula sa silid at tinanong,
"Kamusta siya, doktor?" Napabuntong-hininga ang doktor at umiling bago sumagot,
"Sa ngayon, kailangan natin siyang obserbahan, Ms. De La Peña. Nagtamo siya ng malaking pinsala sa kanyang mga binti at mata. Maaaring hindi siya makalakad o makakita dahil sa poison powder na tumama sa kanyang mga mata. Sa madaling salita, bulag siya ngayon at lumpo, kaya ipinayo ko na alagaan siyang mabuti para mapadali ang kanyang paggaling," sagot ng doktor. Pakiramdam ni Sabrina ay naninikip ang kanyang dibdib sa sinabi ng doktor, sinisisi ang sarili sa nangyari.
"Wag mong sisihin ang sarili mo,
